Diljit Dosanjh had to : ਪੰਜਾਬੀ ਫ਼ਿਲਮ ‘ਹੌਸਲਾ ਰੱਖ’ ਜੋ ਕਿ 15 ਅਕਤੂਬਰ ਨੂੰ ਰਿਲੀਜ਼ ਲਈ ਤਿਆਰ ਹੈ । ਅਜਿਹੇ ‘ਚ ‘ਹੌਸਲਾ ਰੱਖ’ ਫ਼ਿਲਮ ਦੀ ਸਟਾਰ ਕਾਸਟ ਦਾ ਇੱਕ ਨਵਾਂ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਚਰਚਾ ‘ਚ ਬਣ ਗਿਆ ਹੈ। ਜੀ ਹਾਂ ਦਿਲਜੀਤ ਦੋਸਾਂਝ, ਸ਼ਹਿਨਾਜ਼ ਗਿੱਲ ਤੇ ਸੋਨਮ ਬਾਜਵਾ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ‘ਚ ਦੇਖ ਸਕਦੇ ਹੋ ਹੀਰੋਇਨਾਂ ਨੇ ਕਿਵੇਂ ਦਿਲਜੀਤ ਦੋਸਾਂਝਾ ਦੇ ਸਿਰ ਤੋਂ ਆਸ਼ਕੀ ਵਾਲਾ ਭੂਤ ਉਤਾਰਿਆ ।
ਇਸ ਵੀਡੀਓ ‘ਚ ਤਿੰਨੋਂ ਕਲਾਕਾਰ ਫ਼ਿਲਮ ਦੇ ਵਾਇਰਲ ਹੋਏ ਡਾਇਲਾਗ ‘ਮੈਂ ਏਨੂੰ ਪਿਆਰ ਕੀਤਾ ਸੀ ਤੇ ਏਨੇ ਮੇਰੇ ਨਾਲ ਆ ਕੀਤਾ..’ ਉੱਤੇ ਐਕਟ ਕਰਦੇ ਹੋਏ ਨਜ਼ਰ ਆ ਰਹੇ ਨੇ। ਪਰ ਬਾਅਦ ‘ਚ ਦੋਵੇਂ ਹੀਰੋਇਨਾਂ ਦਿਲਜੀਤ ਦੋਸਾਂਝ ਨੂੰ ਮਿਲ ਕੇ ਕੁੱਟਣ ਲੱਗ ਜਾਂਦੀਆਂ ਨੇ, ਸੋਨਮ ਬਾਜਵਾ ਤੇ ਆਪਣੀ ਵ੍ਹਾਈਟ ਰੰਗ ਦੀ ਹੀਲ ਦੇ ਨਾਲ ਦਿਲਜੀਤ ਨੂੰ ਕੁੱਟਦੀ ਹੋਈ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਇਹ ਵੀਡੀਓ ਤਿੰਨੋਂ ਕਲਾਕਾਰਾਂ ਨੇ ਮਸਤੀ ਤੇ ਮਨੋਰੰਜਨ ਦੇ ਲਈ ਬਣਾਇਆ ਹੈ। ਜੋ ਕਿ ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ।ਇਸ ਇੰਸਟਾ ਰੀਲ ਨੂੰ ਖੁਦ ਦਿਲਜੀਤ ਦੋਸਾਂਝ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਵੀ ਸ਼ੇਅਰ ਕੀਤੀ ਹੈ।
ਵੱਡੀ ਗਿਣਤੀ ‘ਚ ਇਸ ਰੀਲ ਉੱਤੇ ਲਾਈਕਸ ਤੇ ਕਮੈਂਟ ਆ ਚੁੱਕੇ ਨੇ। ਦੱਸ ਦਈਏ ਡਾਇਰੈਕਟਰ ਅਮਰਜੀਤ ਸਿੰਘ ਸਰੋਂ ਵੱਲੋਂ ਡਾਇਰੈਕਟ ਕੀਤੀ ਇਹ ਫ਼ਿਲਮ 15 ਅਕਤੂਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਰੋਮਾਂਟਿਕ ਤੇ ਕਾਮੇਡੀ ਜ਼ੌਨਰ ਵਾਲੀ ਇਹ ਫ਼ਿਲਮ ਦਿਲਜੀਤ ਦੋਸਾਂਝ, ਸ਼ਹਿਨਾਜ਼ ਗਿੱਲ, ਸੋਨਮ ਬਾਜਵਾ ਤੇ ਸ਼ਿੰਦਾ ਗਰੇਵਾਲ ਦੇ ਆਲੇ-ਦੁਆਲੇ ਘੁੰਮਦੀ ਹੋਈ ਨਜ਼ਰ ਆਵੇਗੀ।
