Divya Dutta Pathan Controversy: ਹਿਮਾਚਲ ਪਹੁੰਚੀ ਅਦਾਕਾਰਾ ਦਿਵਿਆ ਦੱਤਾ ਨੇ ਬਾਲੀਵੁੱਡ ਦੀ ਵਿਵਾਦਿਤ ਫਿਲਮ ਪਠਾਨ ਨੂੰ ਲੈ ਕੇਵੱਡਾ ਬਿਆਨ ਦਿੱਤਾ ਹੈ। ਅਦਾਕਾਰਾ ਨੇ ਕਿਹਾ ਕਿ ਹਰ ਫਿਲਮ ਨੂੰ ਮੁੱਦਾ ਬਣਾਉਣਾ ਸਹੀ ਨਹੀਂ ਹੈ। ਜਨਤਾ ਨੂੰ ਪਹਿਲਾਂ ਫਿਲਮ ਦੇਖਣੀ ਚਾਹੀਦੀ ਹੈ, ਫਿਰ ਆਪਣੀ ਰਾਏ ਦੇਣੀ ਉਚਿਤ ਹੈ।
ਅਦਾਕਾਰਾ ਨੇ ਕਿਹਾ ਕਿ ਜਿਸ ਤਰ੍ਹਾਂ ਬਾਲੀਵੁੱਡ ਫਿਲਮਾਂ ਦਾ ਬਾਈਕਾਟ ਕੀਤਾ ਜਾ ਰਿਹਾ ਹੈ, ਉਸ ਨਾਲ ਇੰਡਸਟਰੀ ਨੂੰ ਨੁਕਸਾਨ ਹੋ ਰਿਹਾ ਹੈ। ਜੇਕਰ ਦਰਸ਼ਕ ਇਸ ਤਰ੍ਹਾਂ ਫਿਲਮਾਂ ਦਾ ਬਾਈਕਾਟ ਕਰਨਗੇ ਤਾਂ ਮਨੋਰੰਜਨ ਉਦਯੋਗ ਕਿਵੇਂ ਚੱਲੇਗਾ? ਫਿਲਮਾਂ ਦਾ ਬਾਈਕਾਟ ਹੁਣ ਇੱਕ ਰੁਝਾਨ ਬਣ ਗਿਆ ਹੈ। ਫਿਲਮ ਬਣਾਉਣ ਲਈ ਮਹੀਨਿਆਂ ਦੀ ਮਿਹਨਤ ਲੱਗਦੀ ਹੈ। ਇਸ ਬਾਰੇ ਵੀ ਜਨਤਾ ਨੂੰ ਸੋਚਣਾ ਚਾਹੀਦਾ ਹੈ। ਦਿਵਿਆ ਦੱਤਾ ਨੇ ਦੀਪਿਕਾ ਪਾਦੂਕੋਣ ਅਤੇ ਸ਼ਾਹਰੁਖ ਖਾਨ ਦਾ ਪੱਖ ਲੈਂਦੇ ਹੋਏ ਕਿਹਾ ਕਿ ਫਿਲਮ ਨੂੰ ਮੁੱਦਾ ਬਣਾਉਣ ਦੀ ਬਜਾਏ ਫਿਲਮ ਦਾ ਆਨੰਦ ਲੈਣਾ ਬਿਹਤਰ ਹੈ ਕਿਉਂਕਿ ਫਿਲਮ ਦੀ ਦੁਨੀਆ ਵੱਖਰੀ ਹੈ। ਫਿਲਮ ਨੂੰ ਫਿਲਮ ਦੇ ਰੂਪ ‘ਚ ਦੇਖਿਆ ਜਾਣਾ ਚਾਹੀਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
ਦਿਵਿਆ ਦੱਤਾ ਨੇ ਹਿਮਾਚਲ ਤੋਂ ਬਾਲੀਵੁੱਡ ਵੱਲ ਜਾਣ ਵਾਲੇ ਕਲਾਕਾਰਾਂ ਬਾਰੇ ਕਿਹਾ ਕਿ ਪ੍ਰਤਿਭਾ ਨੂੰ ਕਿਸੇ ਅੱਗੇ ਝੁਕਣ ਦੀ ਲੋੜ ਨਹੀਂ ਹੁੰਦੀ, ਸਗੋਂ ਉਹ ਆਪਣਾ ਰਸਤਾ ਅਤੇ ਮੰਜ਼ਿਲ ਖੁਦ ਬਣਾ ਲੈਂਦੀ ਹੈ। ਪਿਛਲੇ ਕੁਝ ਸਾਲਾਂ ਤੋਂ ਹਿਮਾਚਲ ਦੇ ਕਲਾਕਾਰ ਬਾਲੀਵੁੱਡ ‘ਚ ਆ ਰਹੇ ਹਨ, ਜਿਨ੍ਹਾਂ ਨੂੰ ਇੰਡਸਟਰੀ ਕਾਫੀ ਸਮਰਥਨ ਅਤੇ ਪਿਆਰ ਦੇ ਰਹੀ ਹੈ। ਦਿਵਿਆ ਦੱਤਾ ਵੈੱਬ ਸ਼ੋਅ ਦੀ ਸ਼ੂਟਿੰਗ ਲਈ 4 ਦਿਨਾਂ ਤੋਂ ਰਾਜਧਾਨੀ ਵਿੱਚ ਹੈ। ਦੱਸ ਦੇਈਏ ਕਿ ਕਰਨ ਜੌਹਰ ਦੀ ਫਿਲਮ ਦੀ ਸ਼ੂਟਿੰਗ ਲਈ ਦਿਵਿਆ ਦੱਤਾ ਇੱਕ ਵਾਰ ਪਹਿਲਾਂ ਵੀ ਸ਼ਿਮਲਾ ਆਈ ਸੀ।
