Film Gehraiyaan Trailer releasing: ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ, ਅਨਨਿਆ ਪਾਂਡੇ ਅਤੇ ਸਿਧਾਂਤ ਚਤੁਰਵੇਦੀ ਦੀ ਫਿਲਮ ‘Gehraiyaan’ ਦੇ ਟ੍ਰੇਲਰ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਹ 20 ਜਨਵਰੀ ਨੂੰ ਰਿਲੀਜ਼ ਹੋਣ ਜਾ ਰਹਿਆ ਹੈ।
ਕਰਨ ਜੌਹਰ ਨੇ ਇਕ ਖਾਸ ਵੀਡੀਓ ਸ਼ੇਅਰ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਵੀਡੀਓ ਦੇ ਪਿਛੋਕੜ ‘ਚ ਦੀਪਿਕਾ ਪਾਦੂਕੋਣ ਫਿਲਮ ਬਾਰੇ ਦੱਸ ਰਹੀ ਹੈ। ‘ਕਰਨ ਜੌਹਰ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿੱਚ ਲਿਖਿਆ, “ਪਿਆਰ, ਪਸੰਦ ਅਤੇ ਨਤੀਜਿਆਂ ਨਾਲ ਭਰੀ ਇੱਕ ਬਿਲਕੁਲ ਵੱਖਰੀ ਦੁਨੀਆ। ਸਾਡੇ ਨਾਲ ਜੁੜੇ ਰਹੋ, ਟ੍ਰੇਲਰ ਆ ਰਿਹਾ ਹੈ।” ਇਹ ਫਿਲਮ 11 ਫਰਵਰੀ ਨੂੰ OTT ਪਲੇਟਫਾਰਮ ‘ਤੇ ਰਿਲੀਜ਼ ਹੋਵੇਗੀ। ਫਿਲਮ ਦੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਇਸ ਵਿੱਚ ਦੀਪਿਕਾ ਪਾਦੂਕੋਣ ਅਤੇ ਸਿਧਾਂਤ ਇੱਕ ਵੱਖਰਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ।
ਪ੍ਰਸ਼ੰਸਕ ਇਸ ਭਾਵੁਕ ਅਤੇ ਪਿਆਰ ਨਾਲ ਭਰਪੂਰ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫਿਲਮ ਦਾ ਨਿਰਦੇਸ਼ਨ ਸ਼ਕੁਨ ਬੱਤਰਾ ਕਰ ਰਹੇ ਹਨ। ਫਿਲਮ ‘ਚ ਧੀਰਿਆ ਕਰਵਾ, ਨਸੀਰੂਦੀਨ ਸ਼ਾਹ ਅਤੇ ਰਜਤ ਕਪੂਰ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਇਸ ਫਿਲਮ ਦਾ 11 ਫਰਵਰੀ, 2022 ਨੂੰ ਵਿਸ਼ੇਸ਼ ਵਿਸ਼ਵ ਪ੍ਰੀਮੀਅਰ ਹੋਵੇਗਾ। ਇਸ ਤੋਂ ਪਹਿਲਾਂ ਸਿਧਾਂਤ ਚਤੁਰਵੇਦੀ ਨੇ ਫਿਲਮ ‘Gehraiyaan’ ਦੇ ਟਾਈਟਲ ਗੀਤ ‘ਤੇ ਇਕ ਵੀਡੀਓ ਪੋਸਟ ਕੀਤਾ ਸੀ, ਜਿਸ ‘ਚ ਉਹ ਜ਼ਬਰਦਸਤ ਡਾਂਸ ਕਰਦੇ ਨਜ਼ਰ ਆ ਰਹੇ ਸਨ। ਅਦਾਕਾਰ ਸਮੁੰਦਰੀ ਕੰਢੇ ‘ਤੇ ਨੰਗੇ ਪੈਰੀਂ ਰੇਤ ਦੇ ਉੱਪਰ ਇੱਕ ਡਾਂਸ ਦਾ ਪ੍ਰਦਰਸ਼ਨ ਕਰ ਰਹੇ ਸਨ। ਸਿਧਾਂਤ ਚਤੁਰਵੇਦੀ ਸ਼ਾਨਦਾਰ ਮੂਵ ਕਰਦੇ ਨਜ਼ਰ ਆਏ।
