Ganapath part1 teaser released: ਟਾਈਗਰ ਸ਼ਰਾਫ ਅਤੇ ਕ੍ਰਿਤੀ ਸੈਨਨ ਦੇ ਪ੍ਰਸ਼ੰਸਕ 2022 ‘ਚ ਰਿਲੀਜ਼ ਹੋਣ ਵਾਲੀ ਫਿਲਮ ‘ਗਣਪਥ: ਪਾਰਟ 1’ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਮੇਕਰਸ ਨੇ ਫਿਲਮ ਦਾ ਟੀਜ਼ਰ ਰਿਲੀਜ਼ ਕਰ ਦਿੱਤਾ ਹੈ, ਜੋ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ‘ਚ ਹੈ।
ਫਿਲਮ ‘ਗਣਪਥ’ ਅਗਲੇ ਸਾਲ ਕ੍ਰਿਸਮਿਸ ਦੇ ਮੌਕੇ ‘ਤੇ 23 ਦਸੰਬਰ 2022 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਫਿਲਮ ਦੇ ਨਿਰਮਾਤਾ ਇਸ ਨੂੰ ਵੱਧ ਤੋਂ ਵੱਧ ਸ਼ਾਨਦਾਰ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਟਾਈਗਰ ਸ਼ਰਾਫ ਤੇ ਕ੍ਰਿਤੀ ਸੈਨਨ ਵਾਸੂ ਭਗਨਾਨੀ ਅਤੇ ਪੂਜਾ ਐਂਟਰਟੇਨਮੈਂਟ ਦੁਆਰਾ ਪੇਸ਼ ਕੀਤੀ ਜਾ ਰਹੀ ਥ੍ਰਿਲਰ ਫਿਲਮ ‘ਗਣਪਥ’ ਵਿੱਚ ਪਹਿਲਾਂ ਕਦੇ ਨਾ ਵੇਖੇ ਗਏ ਅਵਤਾਰਾਂ ਵਿੱਚ ਨਜ਼ਰ ਆਉਣਗੇ। ਟੀਜ਼ਰ ਤੋਂ ਸਾਫ ਹੈ ਕਿ ਇਸ ‘ਚ ਹਾਈ-ਓਕਟੇਨ ਐਕਸ਼ਨ ਸੀਨ ਦੇਖਣ ਨੂੰ ਮਿਲਣਗੇ, ਜਿਸ ਨੂੰ ਸ਼ੂਟ ਕਰਨ ਲਈ ਅੰਤਰਰਾਸ਼ਟਰੀ ਸਟੰਟ ਨਿਰਦੇਸ਼ਕਾਂ ਦੀ ਮਦਦ ਲਈ ਗਈ ਹੈ। 45 ਸੈਕਿੰਡ ਦੇ ਟੀਜ਼ਰ ‘ਚ ਟਾਈਗਰ ਆਪਣੇ ਜਾਣੇ-ਪਛਾਣੇ ਅੰਦਾਜ਼ ‘ਚ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਅਦਾਕਾਰ ਆਪਣੇ ਐਕਸ਼ਨ ਮੂਵ ਦਿਖਾਉਂਦੇ ਨਜ਼ਰ ਆ ਰਹੇ ਹਨ। ਟੀਜ਼ਰ ‘ਤੇ ਨੇਟੀਜ਼ਨਸ ਨੇ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਕੁਝ ਇਸ ਨੂੰ ‘ਬਾਗੀ 4’ ਕਹਿ ਰਹੇ ਹਨ ਤਾਂ ਕੁਝ ਟਾਈਗਰ ਦੇ ਐਕਸ਼ਨ ਤੋਂ ਪ੍ਰਭਾਵਿਤ ਹਨ।
ਮੁਤਾਬਕ ਟਾਈਗਰ ਅਤੇ ਕ੍ਰਿਤੀ ਨੇ ‘ਗਣਪਥ’ ਦੇ ਪਹਿਲੇ ਸ਼ੈਡਿਊਲ ਦੀ ਲੰਡਨ ‘ਚ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਦੋਵਾਂ ਨੇ ਇੱਕ ਮਹੀਨਾ ਪਹਿਲਾਂ ਹੀ ਯੂਕੇ ਵਿੱਚ ਇਸ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਸੀ। ਫਿਲਮ ਦੀ ਟੀਮ ਆਪਣੇ ਉਤਸ਼ਾਹ ਨੂੰ ਛੁਪਾਉਣ ਵਿੱਚ ਅਸਮਰਥ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਅਜਿਹੀ ਅਨੋਖੀ ਥ੍ਰਿਲਰ ਫਿਲਮ ਹੈ, ਜੋ ਭਾਰਤੀ ਸਿਨੇਮਾ ‘ਚ ਪਹਿਲਾਂ ਕਦੇ ਨਹੀਂ ਦਿਖਾਈ ਗਈ। ਟਾਈਗਰ ਸ਼ਰਾਫ ਤੇ ਕ੍ਰਿਤੀ ਸੈਨਨ ਨੇ 2014 ‘ਚ ਫਿਲਮ ‘ਹੀਰੋਪੰਤੀ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਹੁਣ ਉਹ ਆਪਣੀ ਦੂਜੀ ਫਿਲਮ ਨਾਲ ਪਰਦੇ ‘ਤੇ ਆਪਣਾ ਜਲਵਾ ਦਿਖਾਉਣ ਲਈ ਤਿਆਰ ਹੈ। ‘ਗਣਪਥ: ਪਾਰਟ 1’ ‘ਚ ਐਲੀ ਅਵਰਾਮ ਵੀ ਖਾਸ ਭੂਮਿਕਾ ‘ਚ ਹੈ। ਫਿਲਮ ਮੇਕਰਸ ਨੇ ਟਾਈਗਰ ਦੇ ਪਿਤਾ ਦੀ ਭੂਮਿਕਾ ਲਈ ਅਮਿਤਾਭ ਬੱਚਨ ਨਾਲ ਸੰਪਰਕ ਕੀਤਾ ਸੀ।
