‘ਕੋਈ ਮਿਲ ਗਿਆ’ ਫੇਮ ਹੰਸਿਕਾ ਮੋਟਵਾਨੀ ਦਾ ਪਿਛਲੇ ਸਾਲ 4 ਦਸੰਬਰ ਨੂੰ ਸੋਹੇਲ ਕਥੂਰੀਆ ਨਾਲ ਰਾਜਸਥਾਨ ‘ਚ ਸ਼ਾਹੀ ਵਿਆਹ ਹੋਇਆ ਸੀ। ਦੋਵਾਂ ਦਾ ਵਿਆਹ ਜੈਪੁਰ ਦੇ 150 ਸਾਲ ਪੁਰਾਣੇ ਮੁੰਡੋਟਾ ਫੋਰਟ ਐਂਡ ਪੈਲੇਸ ‘ਚ ਹੋਇਆ ਸੀ।

ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓ ਵੀ ਕਈ ਦਿਨਾਂ ਤੋਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਸਨ। ਇਸ ਦੇ ਨਾਲ ਹੀ ਅਭਿਨੇਤਰੀ ਇਸ ਵਿਆਹ ਨੂੰ ਬਹੁਤ ਜਲਦ ਰਿਐਲਿਟੀ ਸ਼ੋਅ ‘ਚ ਬਦਲਣ ਜਾ ਰਹੀ ਹੈ। ਜਿਸ ਦਾ ਟ੍ਰੇਲਰ ਵੀ ਰਿਲੀਜ਼ ਹੋ ਚੁੱਕਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

ਹੰਸਿਕਾ ਦੀ ਜ਼ਿੰਦਗੀ ਦਾ ਸਭ ਤੋਂ ਖਾਸ ਦਿਨ ਹੁਣ 10 ਫਰਵਰੀ ਨੂੰ ਡਿਜ਼ਨੀ+ਹੌਟਸਟਾਰ ‘ਤੇ ‘ਲਵ ਸ਼ਾਦੀ ਡਰਾਮਾ’ ਦੇ ਰੂਪ ਵਿੱਚ ਪ੍ਰਸਾਰਿਤ ਹੋਵੇਗਾ। ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਏ ਇਸ ਟ੍ਰੇਲਰ ‘ਚ ਮੁੰਡੋਟਾ ਫੋਰਟ ਦੀ ਪਹਿਲੀ ਝਲਕ ਦਿਖਾਈ ਦੇ ਰਹੀ ਹੈ। ਫਿਰ ਹੰਸਿਕਾ ਅਤੇ ਸੋਹੇਲ ਦਿਖਾਈ ਦਿੰਦੇ ਹਨ। ਵੀਡੀਓ ਵਿੱਚ ਅਦਾਕਾਰਾ ਕਹਿੰਦੀ ਹੈ ਕਿ “ਉਸ ਸਮੇਂ ਇਹ ਅਹਿਸਾਸ ਹੁੰਦਾ ਹੈ.. ਕਿ ਤੁਸੀਂ ਮੇਰੇ ਜੀਵਨ ਸਾਥੀ ਬਣਨ ਜਾ ਰਹੇ ਹੋ, ਤੁਸੀਂ ਹਰ ਸਮੇਂ ਮੇਰੇ ਆਲੇ ਦੁਆਲੇ ਹੋ। ਮੈਂ ਜਿਸ ਨਾਲ ਵਿਆਹ ਕਰ ਰਹੀ ਹਾਂ, ਮੈਂ ਉਸ ਨਾਲ ਰਹਿਣਾ ਚਾਹੁੰਦੀ ਹਾਂ..”