Happy Birthday Harby Sangha : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਕਾਮੇਡੀ ਅਦਾਕਾਰ ਹਾਰਬੀ ਸੰਘਾ ਦਾ ਅੱਜ ਜਨਮਦਿਨ ਹੈ। ਉਹਨਾਂ ਦਾ ਜਨਮ 20 ਮਈ 1986 ਨੂੰ ਨਕੋਦਰ ,ਜਲੰਧਰ, ਪੰਜਾਬ ਵਿੱਚ ਹੋਇਆ ਸੀ। ਉਹ ਇੱਕ ਭਾਰਤੀ ਅਦਾਕਾਰ, ਕਾਮੇਡੀਅਨ, ਅਤੇ ਗਾਇਕ ਹਨ । ਉਹਨਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਕਾਮੇਡੀਅਨ ਦੇ ਰੂਪ ਵਿੱਚ 2004 ਵਿੱਚ ਕੀਤੀ ਅਤੇ ਫਿਲਮ ‘ਅਸਾਂ ਨੂ ਮਾਣ ਵਤਨਾ ਦਾ’ ਤੋਂ ਕੀਤੀ ਸੀ ।
ਉਹ ਮੁੱਖ ਤੌਰ ਤੇ ਪੰਜਾਬੀ ਸਿਨੇਮਾ ਵਿਚ ਭੂਮਿਕਾਵਾਂ ਦੇ ਸਮਰਥਨ ਲਈ ਜਾਣੇ ਜਾਂਦੇ ਹਨ । ਦੱਸਣਯੋਗ ਹੈ ਕਿ ਅੱਜ ਉਹਨਾਂ ਨੇ ਆਪਣੇ ਜਨਮਦਿਨ ਦੇ ਮੌਕੇ ਤੇ ਇੱਕ ਖਾਸ ਪੋਸਟ ਸਾਂਝੀ ਕੀਤੀ ਹੈ। ਜਿਸ ਵਿੱਚ ਉਹਨਾਂ ਨੇ ਤਸਵੀਰ ਸਾਂਝੀ ਕਰਦੇ ਹੋਏ ਕਿਹਾ ਕਿ – ਮੇਰੇ ਦੋਸਤੋ ਅੱਜ ਮੇਰਾ ਜਨਮ-ਦਿਨ ਹੈ ਪਰ ਮੈਂ ਕੇਕ ਨਈ ਕੱਟਾਂਗਾ ਮੈਂ ਅਪਣਾ ਜਨਮ-ਦਿਨ ਉਸ ਦਿਨ ਮਨਾਵਾਂਗਾ ਜਿਸ ਦਿਨ ਪ੍ਰਧਾਨ ਮੰਤਰੀ ਨੇ ਤਿੰਨ ਕਾਲੇ ਕਨੂੰਨ ਵਾਪਿਸ ਕਰ ਲਏ ਤੇ ਕਿਸਾਨ ਖੁਸ਼ੀ ਖੁਸ਼ੀ ਅਪਣੇ ਘਰਾਂ ਨੂੰ ਅਓਣਗੇ ਫਿਰ ਆਪਾਂ ਕੇਕ ਕੱਟਾਂਗੇ ਹੇ ਮੇਰੇ ਪ੍ਰੀਤਮਾਂ ਸੱਬ ਤੇ ਮੇਹਰ ਭਰਿਆ ਹੱਥ ਰੱਖੀ ਕਿਸਾਨ ਮਜ਼ਦੂਰ ਏਕਤਾ ਜ਼ਿੰਦਾਬਾਦ ….ਉਹਨਾਂ ਨੇ ਅੱਜ ਪੱਬ ਜਨਮਦਿਨ ਨਾ ਮਨਾਉਣ ਦਾ ਫੈਂਸਲਾ ਕੀਤਾ ਹੈ ਤੇ ਕਿਸਾਨੀ ਧਰਨੇ ਪ੍ਰਦਰਸ਼ਨ ਦਾ ਪੂਰਾ ਸਹਿਯੋਗ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
ਦੱਸਣਯੋਗ ਹੈ ਕਿ ਉਹਨਾਂ ਨੇ ਆਪਣੀ ਪੜ੍ਹਾਈ ਡੀ.ਏ.ਵੀ.ਕਾਲਜ, ਨਕੋਦਰ, ਪੰਜਾਬ, ਤੋਂ ਪੂਰੀ ਕੀਤੀ। ਹਾਰਬੀ ਸੰਘਾ ਹੁਣ ਤੱਕ ਬਹੁਤ ਸਾਰੀਆਂ ਪੰਜਾਬੀ ਫਿਲਮਾਂ ਦੇ ਵਿੱਚ ਕੰਮ ਕੀਤਾ ਹੋਇਆ ਹੈ। ਜਿਹਨਾਂ ਵਿੱਚ ਅਕਸਰ ਉਹ ਕਾਮੇਡੀ ਅਦਾਕਾਰ ਵਜੋਂ ਨਜ਼ਰ ਆਉਂਦੇ ਹਨ। ਹੁਣ ਤੱਕ ਉਹਨਾਂ ਨੇ – ਨਿੱਕਾ ਜੈਲਦਾਰ , ਮੈਰਿਜ ਪੈਲੇਸ , ਕਾਕੇ ਦਾ ਵਿਆਹ , ਕੁੜਮਾਈਆਂ , ਲਾਵਾ ਫੇਰੇ ਵਰਗੀਆਂ ਕਈ ਸੁਪਰਹਿੱਟ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
ਇਹ ਵੀ ਦੇਖੋ : ਪੰਜਾਬ ਵੱਲ ਵਧਿਆ ਤਾਊਤੇ ਤੂਫ਼ਾਨ, ਮਚਾਉਂਦਾ ਆ ਰਿਹਾ ਕਹਿਰ, ਦੇਖੋ ਤਬਾਹੀ ਦੀਆਂ ਤਸਵੀਰਾਂ
