hardeep grewal upcomig film : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਹਰਦੀਪ ਗਰੇਵਾਲ ਜੋ ਕਿ ਹੁਣ ਜਲਦ ਹੀ ਆਪਣੀ ਇਕ ਡੈਬਿਊ ਫਿਲਮ ਲੈ ਕੇ ਆ ਰਹੇ ਹਨ। ਜਾਣਕਾਰੀ ਅਨੁਸਾਰ ਉਹਨਾਂ ਨੇ ਆਪਣੀ ਆਉਣ ਵਾਲੀ ਫਿਲਮ ਤੁਣਕਾ-ਤੁਣਕਾ ਦੀ ਰਿਲੀਜ਼ ਡੇਟ ਅੱਗੇ ਵਧਾ ਦਿੱਤੀ ਹੈ।
ਹੁਣ ਇਹ ਫਿਲਮ 16 ਜੁਲਾਈ ਨੂੰ ਨਹੀਂ ਰਿਲੀਜ਼ ਹੋਵੇਗੀ। ਇਸ ਫਿਲਮ ਲਈ ਉਹਨਾਂ ਦੇ ਪ੍ਰਸ਼ੰਸਕਾਂ ਨੂੰ ਅਜੇ ਹੋਰ ਇੰਤਜਾਰ ਕਰਨਾ ਪਵੇਗਾ। ਹਰਦੀਪ ਗਰੇਵਾਲ ਅਕਸਰ ਆਪਣੇ ਗੀਤਾਂ ਦੇ ਰਾਹੀਂ ਲੋਕਾਂ ਨੂੰ ਮੋਟੀਵੇਟ ਕਰਦੇ ਆ ਰਹੇ ਹਨ। ਤੁਣਕਾ-ਤੁਣਕਾ ਫਿਲਮ ਵੀ ਇਸ ਥੀਮ ਤੇ ਹੀ ਅਧਾਰਿਤ ਹੈ। ਜਾਣਕਾਰੀ ਅਨੁਸਾਰ ਫਿਲਮ ਦੀ ਰਿਲੀਜ਼ ਡੇਟ ਨੂੰ ਅੱਗੇ ਵਧਾਉਣ ਦਾ ਮੁੱਖ ਕਾਰਨ ਸਿਨੇਮਾ ਘਰਾਂ ਦਾ ਨਾ ਖੁੱਲਣਾ ਹੈ।
ਕੋਰੋਨਾ ਵਾਇਰਸ ਦੇ ਚਲਦਿਆਂ ਭਾਵੇ ਗਾਈਡਲਾਈਨਜ਼ ‘ਚ ਕੁੱਝ ਢਿਲ ਦਿੱਤੀ ਗਈ ਹੈ ਪਰ ਸਿਨੇਮਾ ਘਰਾਂ ਦੇ ਮਾਲਕਾਂ ਦੇ ਵਲੋਂ ਅਜੇ ਤੱਕ ਸਿਨੇਮਾ ਘਰਾਂ ਨੂੰ ਨਹੀਂ ਖੋਲ੍ਹਿਆ ਜਾ ਰਿਹਾ।ਉੱਥੇ ਹੀ ਹਰਦੀਪ ਗਰੇਵਾਲ ਨੇ ਆਪਣੇ ਚਾਹੁਣ ਵਾਲਿਆਂ ਦੇ ਨਾਲ ਇਹ ਵਾਅਦਾ ਵੀ ਕੀਤਾ ਹੈ ਕਿ ਉਹ ਫਿਲਮ ਨੂੰ ਵੱਡੇ ਪਰਦੇ ਤੇ ਹੀ ਲੈ ਕੇ ਆਉਣਗੇ। ਹਰਦੀਪ ਨੇ ਇਸ ਫਿਲਮ ਦੇ ਲਈ ਕਾਫੀ ਮਿਹਨਤ ਕੀਤੀ ਹੈ ਤੇ ਆਪਣਾ ਭਾਰ 55 ਕਿੱਲੋ ਤੱਕ ਕਰ ਲਿਆ ਸੀ।
ਇਹ ਵੀ ਦੇਖੋ : Big Breaking : Salman Khan ਤੇ ਉਸ ਦੀ ਭੈਣ ਖ਼ਿਲਾਫ ਚੰਡੀਗੜ੍ਹ ‘ਚ ਧੋਖਾਧੜੀ ਦਾ ਕੇਸ
