hollywood actor john cena : ਬਾਲਿਕਾ ਵਧੂ ਅਦਾਕਾਰ ਅਤੇ ਬਿੱਗ ਬੌਸ ਜੇਤੂ ਸਿਧਾਰਥ ਸ਼ੁਕਲਾ ਨੇ 40 ਸਾਲ ਦੀ ਛੋਟੀ ਉਮਰ ਵਿੱਚ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਦਿੱਤਾ। ਕਿਸੇ ਲਈ ਵੀ 2 ਸਤੰਬਰ ਦੀ ਤਾਰੀਖ ਨੂੰ ਭੁੱਲਣਾ ਸ਼ਾਇਦ ਅਸੰਭਵ ਹੋਵੇਗਾ। ਸਿਧਾਰਥ ਸ਼ੁਕਲਾ ਨੇ ਲੱਖਾਂ ਲੋਕਾਂ ਦੀਆਂ ਅੱਖਾਂ ਨਮ ਕਰ ਦਿੱਤੀਆਂ। ਉਸਦੇ ਪਰਿਵਾਰ ਤੋਂ ਲੈ ਕੇ ਉਸਦੇ ਪ੍ਰਸ਼ੰਸਕਾਂ ਤੱਕ, ਸਿਧਾਰਥ ਦਾ ਵਿਛੋੜਾ ਹਰ ਕਿਸੇ ਲਈ ਸਦਮੇ ਤੋਂ ਘੱਟ ਨਹੀਂ ਹੈ।
ਹਾਲ ਹੀ ਦੇ ਵਿੱਚ ਸੰਸਾਰ ਭਰ ‘ਚ ਮਸ਼ਹੂਰ ਰੈਸਲਰ ਜੌਹਨ ਸੀਨਾ ਨੇ ਵੀ ਉਹਨਾਂ ਦੇ ਦੇਹਾਂਤ ਤੇ ਦੁੱਖ ਪ੍ਰਗਟਾਇਆ ਹੈ। ਉਹਨਾਂ ਨੇ ਸਿਧਾਰਥ ਦੀ ਇਕ ਮੋਨੋਕਰੋਮੈਟਿਕ ਤਸਵੀਰ ਸਾਂਝੀ ਕੀਤੀ ਹੈ। ਹਾਲਾਂ ਕਿ ਤਸਵੀਰ ਦੇ ਨਾਲ ਕੋਈ ਕੈਪਸ਼ਨ ਨਹੀਂ ਦਿੱਤਾ ਗਿਆ ਪਰ ਉਹਨਾਂ ਦੇ ਫੈਨਜ਼ ਨੇ ਕਮੈਂਟ ਕਰਕੇ ਉਹਨਾਂ ਦੇ ਇਸ ਵਤੀਰੇ ਲਈ ਉਹਨਾਂ ਦਾ ਧੰਨਵਾਦ ਕੀਤਾ ਹੈ। ਵਰੁਣ ਧਵਨ ਅਤੇ ਅਰਜੁਨ ਕਪੂਰ ਨੇ ਉਹਨਾਂ ਦੀ ਇਸ ਪੋਸਟ ਨੂੰ ਸਾਂਝਾ ਕਰਨ ਦਾ ਧੰਨਵਾਦ ਲਾਇਕ ਕਰਕੇ ਕੀਤਾ ਹੈ।
ਜਾਣਕਾਰੀ ਲਈ ਦੱਸ ਦਈਏ ਬਿੱਗ ਬੌਸ ਦੇ ਘਰ ਵਿੱਚ ਬਣੀ ਸਿਡਨਾਜ਼ ਦੀ ਜੋੜੀ ਟੁੱਟ ਗਈ। ਸਿਧਾਰਥ ਦੇ ਜਾਣ ਤੋਂ ਬਾਅਦ ਸ਼ਹਿਨਾਜ਼ ਗਿੱਲ ਦੀ ਹਾਲਤ ਬਹੁਤ ਖਰਾਬ ਹੈ। ਉਸ ਦੇ ਹੰਝੂ ਦੇਖ ਕੇ ਪ੍ਰਸ਼ੰਸਕਾਂ ਦੀਆਂ ਅੱਖਾਂ ਵੀ ਨਮ ਹੋ ਗਈਆਂ।
