Jaswinder Bhalla administers corona vaccine : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਜਸਵਿੰਦਰ ਭੱਲਾ ਜਿਹਨਾਂ ਨੇ ਆਪਣੀ ਅਦਾਕਾਰੀ ਨਾਲ ਪ੍ਰਸ਼ੰਸਕਾਂ ਦਾ ਹੁਣ ਤੱਕ ਦਿਲ ਜਿੱਤਿਆ ਹੈ। ਕੋਰੋਨਾ ਮਹਾਂਮਾਰੀ ਦੇ ਚਲਦੇ ਬਾਕੀ ਸਿਤਾਰਿਆਂ ਦੇ ਵਾਂਗ ਜਸਵਿੰਦਰ ਭੱਲਾ ਵੀ ਕੋਰੋਨਾ ਵੈਕਸੀਨ ਲਗਵਾਉਂਦੇ ਹੋਏ ਨਜਰ ਆਏ ਹਨ। ਉਹਨਾਂ ਨੇ ਆਪਣੇ ਸੋਸ਼ਲ ਮੀਡੀਆ ਤੇ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਹ ਵੈਕਸੀਨ ਲਗਵਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਉਸਦੇ ਨਾਲ ਹੀ ਉਹਨਾਂ ਨੇ ਪੋਸਟ ਸਾਂਝੀ ਕਰਦੇ ਹੋਏ Funny Way ਨਾਲ ਲਿਖਿਆ ਕਿ – ਕਿ ਆਪਾ ਤਾ ਜੀ ਨਿਚੋੜ ਕੱਢ ਲਿਆ ਹੈ ਕਿ ਕੋਰੋਨਾ ਤਾ ਜਮ੍ਹਾ ਹੀ ਘਰਵਾਲੀ ਦੇ ਵਰਗਾ ਹੈ। ਪਹਿਲਾ ਤਾ ਲਗਦਾ ਸੀ ਕਿ ਆਪਾ ਕਾਬੂ ਕਰ ਲਵਾਂਗੇ , ਪਰ ਫਿਰ ਬਾਅਦ ਵਿੱਚ ਜਾ ਕੇ ਸਮਝ ਆਈ ਕੇ ਭਾਈ ਇਹਦੇ ਨਾਲ ਤਾ adjust ਹੀ ਕਰਨਾ ਪੈਣਾ , ਸੋ ਹਾਰ ਕੇ ਅੱਜ ਲਵਾ ਹੀ ਲਿਆ ਟੀਕਾ। ਧਰਮ-ਪਤਨੀ ਦੇ ਵਾਂਗ ਹੋ ਗਿਆ ਲੋਕੀ ਕਹਿਣ ਕਰੋਨਾ .ਕਾਬੂ ਕਰਨਾ ਔਖਾ ਇਸ ਨੂੰ , ਸਿਖ ਲਓ ਇਸ ਨਾਲ ਜਿਉਣਾਂ। ਐਪਰ ਇਹੀ ਸਲਾਹ ਹੈ ਸਭ ਨੂੰ ਵੈਕਸੀਨ ਸਭ ਕਰਵਾਈਏ। ਸੈਨੀਟਾਈਜਰ,ਦੋ ਗਜ਼ ਦੂਰੀ, ਮਾਸਕ ਫਿਰ ਵੀ ਪਾਈਏ।
ਦੱਸ ਦੇਈਏ ਕਿ ਜਸਵਿੰਦਰ ਭੱਲਾ ਪੰਜਾਬੀ ਇੰਡਸਟਰੀ ਦੇ ਬਹੁਤ ਹੀ ਮਸ਼ਹੂਰ ਕਲਾਕਾਰ ਹਨ। ਜਿਹਨਾਂ ਨੇ ਹੁਣ ਤੱਕ ਬਹੁਤ ਸਾਰੀਆਂ ਪੰਜਾਬੀ ਫਿਲਮਾਂ ਦੇ ਵਿੱਚ ਕੰਮ ਕੀਤਾ ਹੈ ਤੇ ਆਪਣੀ ਅਦਾਕਾਰੀ ਦੇ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਿਆ ਹੈ। ਦੱਸ ਦੇਈਏ ਕਿ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀ.ਏ.ਯੂ.) ਦੇ ਪਸਾਰ ਸਿੱਖਿਆ ਵਿਭਾਗ ਦੇ ਸਾਬਕਾ ਮੁਖੀ ਡਾ: ਜਸਵਿੰਦਰ ਭੱਲਾ ਨੂੰ ਪੀਏਯੂ ਦਾ ਬ੍ਰਾਂਡ ਅੰਬੈਸਡਰ ਨਿਯੁਕਤ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਦਿੰਦਿਆਂ ਰਜਿਸਟਰਾਰ ਡਾ.ਆਰ.ਐੱਸ ਸਿੱਧੂ ਨੇ ਦੱਸਿਆ ਕਿ ਡਾ: ਭੱਲਾ ਨੂੰ ਯੂਨੀਵਰਸਿਟੀ ਦੀ ਖੋਜ ਅਤੇ ਵਿਸਥਾਰ ਗਤੀਵਿਧੀਆਂ ਲਈ ਨਿਯੁਕਤ ਕੀਤਾ ਗਿਆ ਹੈ।ਡਾ: ਬਲਦੇਵ ਸਿੰਘ ਢਿੱਲੋਂ, ਵਾਈਸ-ਚਾਂਸਲਰ, ਪੀਏਯੂ ਨੇ ਡਾ: ਭੱਲਾ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਪੀਏਯੂ ਦੇ ਬ੍ਰਾਂਡ ਅੰਬੈਸਡਰ ਵਜੋਂ ਉਨ੍ਹਾਂ ਦੀ ਨਿਯੁਕਤੀ ਯੂਨੀਵਰਸਿਟੀ ਦੀਆਂ ਤਕਨਾਲੋਜੀਆਂ ਅਤੇ ਸਾਹਿਤ ਨੂੰ ਉਤਸ਼ਾਹਿਤ ਕਰਨ ਵਿਚ ਬਹੁਤ ਅੱਗੇ ਵਧੇਗੀ।
