JUDAA-3 FIRST SONG RELEASED : ਪੰਜਾਬ ਦੇ ਹਰਮਨ ਪਿਆਰੇ ਗਾਇਕ, ਅਦਾਕਾਰ ਅਤੇ ਨਿਰਮਾਤਾ ਅਮਰਿੰਦਰ ਗਿੱਲ ਦੀ ਬਹੁ-ਚਰਚਿਤ ਐਲਬਮ ਜੁਦਾ-3 ਦੀ ਟਰੈਕ ਲਿਸਟ ਆ ਚੁੱਕੀ ਹੈ। ਦਰਸ਼ਕ ਉਹਨਾਂ ਦੀ ਇਸ ਐਲਬਮ ਦਾ ਬਹੁਤ ਚਿਰ ਤੋਂ ਇੰਤਜ਼ਾਰ ਕਰ ਰਹੇ ਹਨ ਅਤੇ ਉਹ ਹਰ ਰੋਜ਼ ਉਹਨਾਂ ਦੇ ਦਿਲ ਦੀਆਂ ਧੜਕਣਾ ਨੂੰ ਹੋਰ ਵਧਾਉਂਦੇ ਜਾ ਰਹੇ ਹਨ। ਪਰ ਹਾਲ ਹੀ ਦੇ ਵਿੱਚ ਉਹਨਾਂ ਦੀ ਐਲਬਮ ਜੁਦਾ-3 ਦੇ ਪਹਿਲੇ ਚੈਪਟਰ ਦਾ ਪਹਿਲਾ ਗੀਤ ‘ਚੱਲ ਜਿੰਦੀਏ’ ਆ ਚੁੱਕਾ ਹੈ।
ਗਾਣੇ ਦੀ ਲਿਖਤ ਬੀਰ ਸਿੰਘ ਦੀ ਹੈ। ਸੰਗੀਤ ਡਾਕਟਰ ਜ਼ਿਊਸ ਦਾ ਹੈ। ਗਾਣੇ ਦਾ ਫਿਲਮਾਕਣ ਬਲਜੀਤ ਸਿੰਘ ਦਿਓ ਨੇ ਕੀਤਾ ਹੈ। ਗੀਤ ਬਹੁਤ ਹੀ ਸੁੰਦਰ ਢੰਗ ਨਾਲ ਲਿਖਿਆ ਅਤੇ ਗਾਇਆ ਹੈ। ਕੁਝ ਹੀ ਮਿੰਟਾ ਵਿੱਚ ਗੀਤ ਦੇ ਕਈ ਹਜ਼ਾਰ ਵਿਊਜ਼ ਹੋ ਚੁੱਕੇ ਹਨ। ਪ੍ਰਸ਼ੰਸਕਾਂ ਵੱਲੋਂ ਗੀਤ ਨੂੰ ਕਮੈਂਟ ਕਰਕੇ ਪਿਆਰ ਦਿੱਤਾ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਕੁਝ ਚਿਰ ਪਹਿਲਾਂ ਹੀ ਉਹਨਾਂ ਨੇ ਆਪਣੀ ਐਲਬਮ ਦੇ ਗੀਤਾਂ ਦੀ ਲਿਸਟ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਸੀ। ਜਿਸ ਵਿੱਚ ਉਹਨਾਂ ਨੇ ਇੱਕ ਪੁਰਾਣੇ ਸਮਿਆਂ ਵਾਲੀ ਕੈਸੇਟ ਦੀ ਸਾਈਡ A ਅਤੇ ਸਾਈਡ B ਦਰਸਾਈ ਹੈ। ਇਹ ਤਸਵੀਰ ਬਹੁਤ ਹੀ ਪ੍ਰਭਾਵਿਤ ਕਰਨ ਵਾਲੀ ਹੈ। ਜਿਸ ਨੂੰ ਵੇਖ ਕੇ ਇੱਕ ਵਾਰ ਤਾਂ ਰੂਹ ਜਿਹੀ ਖੁਸ਼ ਹੋ ਜਾਂਦੀ ਹੈ।
ਦੱਸ ਦਇਏ ਕਿ ਉਹਨਾਂ ਨੇ ਆਪਣੇ ਜਨਮਦਿਨ ਦੇ ਮੌਕੇ ਤੇ ਆਪਣੇ ਸੋਸ਼ਲ ਮੀਡੀਆ ਤੇ ਇੱਕ ਪੋਸਟ ਸਾਂਝੀ ਕੀਤੀ ਸੀ। ਜਿਸ ਰਾਹੀਂ ਉਹਨਾਂ ਨੇ ਆਪਣੀ ਆਉਣ ਵਾਲੀ ਐਲਬਮ judaa 3 ਬਾਰੇ ਜਾਣਕਾਰੀ ਦਿੱਤੀ ਸੀ। ਪੋਸਟ ਸਾਂਝੀ ਕਰਦੇ ਹੋਏ ਉਹਨਾਂ ਨੇ ਲਿਖਿਆ ਸੀ ਕਿ – ਰੱਬ ਅੱਗੇ ਅਰਦਾਸ ਕਰਦਾਂ ਹਾਂ ਕਿ ਦੁਨੀਆ ਚ ਸਾਰਿਆਂ ਨੂੰ ਰੱਬ ਸਿਹਤਯਾਬੀ ਬੱਖ਼ਸੇ … ਜੁਦਾ ੩ ਤਿਆਰ ਹੈ … ਉਮੀਦ ਹੈ ਤੁਹਾਨੂੰ ਸਭ ਨੂੰ ਪਸੰਦ ਆਵੇਗੀ … ਕਿਸਾਨੀ ਵਿਰੋਧੀ ਪਲੇਟਫਾਰਮ ਛੱਡਕੇ ਬਾਕੀ ਸੱਭ ਤੇ ਜਲਦ ਰਿਲੀਜ਼ ਹੋਵੇਗੀ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਦਰਸ਼ਕ ਉਹਨਾਂ ਦੀ ਇਸ ਐਲਬਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ।
ਇਹ ਵੀ ਦੇਖੋ : ਪੰਜਾਬ ‘ਚ ਇੱਥੇ ਲੱਗੀ ਹੇਅਰ ਸਟਾਈਲ ਕਰਨ ‘ਤੇ ਪਾਬੰਦੀ, SSP ਦਾ ਸਖ਼ਤ ਹੁਕਮ, ਉਲੰਘਣਾ ਕੀਤੀ ਤਾਂ…
