movies shortlisted academy awards: ਦੱਖਣੀ ਅਦਾਕਾਰ ਸੂਰੀਆ ਦੀ ਤਾਮਿਲ ਫਿਲਮ ‘ਜੈ ਭੀਮ’ ਅਤੇ ਮੋਹਨਲਾਲ ਦੀ ਮਲਿਆਲਮ ਫਿਲਮ ‘Marakkar: Arabikadalinte Simham’ ਨੂੰ 94ਵੇਂ ਅਕੈਡਮੀ ਐਵਾਰਡਜ਼ ਦੀ ਸੂਚੀ ‘ਚ ਸ਼ਾਮਲ ਕੀਤਾ ਗਿਆ ਹੈ, ਜਿਨ੍ਹਾਂ ਨੂੰ 276 ਫਿਲਮਾਂ ਦੀ ਸੂਚੀ ‘ਚ ਸ਼ਾਰਟਲਿਸਟ ਕੀਤਾ ਗਿਆ ਹੈ।
ਇਹ ਜਾਣਕਾਰੀ ਆਸਕਰ ਦੇ ਅਧਿਕਾਰਤ ਯੂਟਿਊਬ ਚੈਨਲ ‘ਤੇ ‘ਜੈ ਭੀਮ’ ਦੇ ਕੁਝ ਦ੍ਰਿਸ਼ ਪੋਸਟ ਕੀਤੇ ਜਾਣ ਤੋਂ ਕੁਝ ਦਿਨ ਬਾਅਦ ਆਈ ਹੈ। ਸੂਰੀਆ ਦੀ ਫ਼ਿਲਮ ਸਭ ਤੋਂ ਚਰਚਿਤ ਫ਼ਿਲਮਾਂ ਵਿੱਚੋਂ ਇੱਕ ਹੈ ਅਤੇ ਇਸ ਨੇ ਸਫ਼ਲਤਾ ਦੀ ਇੱਕ ਮਿਸਾਲ ਕਾਇਮ ਕੀਤੀ ਹੈ। ਸੂਰੀਆ ਦੇ ਪ੍ਰੋਡਕਸ਼ਨ ਹਾਊਸ 2ਡੀ ਨੇ ਵੀ ਆਪਣੇ ਟਵਿਟਰ ਅਕਾਊਂਟ ‘ਤੇ ਇਹ ਜਾਣਕਾਰੀ ਦਿੱਤੀ ਅਤੇ ਐਲਾਨ ਕੀਤਾ ਕਿ ‘ਜੈ ਭੀਮ’ ਆਸਕਰ ਦੀ ਦੌੜ ‘ਚ ਸ਼ਾਮਲ ਹੋ ਗਈ ਹੈ। ਉਨ੍ਹਾਂ ਨੇ ਟਵੀਟ ‘ਚ ਲਿਖਿਆ, ‘ਆਸਕਰ ਦੀ ਦੌੜ ‘ਚ ‘ਜੈ ਭੀਮ’ ਅਕੈਡਮੀ ਐਵਾਰਡ ਲਈ ਸ਼ਾਰਟਲਿਸਟ ਕੀਤੀ ਗਈ। ਉਹ 276 ਫਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਹੈ। ਨਾਮਜ਼ਦਗੀਆਂ ਲਈ ਵੋਟਿੰਗ 27 ਜਨਵਰੀ ਤੋਂ 1 ਫਰਵਰੀ ਤੱਕ ਹੋਵੇਗੀ। ਨਾਮਜ਼ਦਗੀਆਂ ਦਾ ਐਲਾਨ 8 ਫਰਵਰੀ ਨੂੰ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ 94ਵੇਂ ਅਕੈਡਮੀ ਐਵਾਰਡਸ ਦਾ ਆਯੋਜਨ 27 ਮਾਰਚ ਨੂੰ ਕੀਤਾ ਜਾਵੇਗਾ।
‘ਸੂਰਿਆ’ ਸਟਾਰਰ ਫਿਲਮ ‘ਜੈ ਭੀਮ’ 2 ਨਵੰਬਰ ਨੂੰ Amazon Prime Video OTT ਪਲੇਟਫਾਰਮ ‘ਤੇ ਰਿਲੀਜ਼ ਹੋਈ ਸੀ। ਫਿਲਮ ਨੂੰ ਰਿਲੀਜ਼ ਹੋਣ ਤੋਂ ਬਾਅਦ ਹੀ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲਿਆ ਹੈ। ਫਿਲਮ ਨੂੰ ਆਲੋਚਕਾਂ ਵੱਲੋਂ ਵੀ ਹਾਂ-ਪੱਖੀ ਹੁੰਗਾਰਾ ਮਿਲਿਆ ਹੈ। ਇਹ ਫਿਲਮ 90 ਦੇ ਦਹਾਕੇ ‘ਚ ਵਾਪਰੀ ਸੱਚੀ ਘਟਨਾ ‘ਤੇ ਆਧਾਰਿਤ ਸੀ। ਇਸ ਦਾ ਨਿਰਦੇਸ਼ਨ ਟੀਜੇ ਗਿਆਨਵੇਲ ਨੇ ਕੀਤਾ ਸੀ। ਪ੍ਰਕਾਸ਼ ਰਾਜ, ਰਾਓ ਰਮੇਸ਼, ਰਾਜੀਸ਼ਾ ਵਿਜਯਨ, ਮਣੀਕੰਦਨ ਅਤੇ ਲੀਜੋ ਮੋਲ ਜੋਸ ਵਰਗੇ ਕਲਾਕਾਰਾਂ ਨੇ ਇਸ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ। ਅਦਾਕਾਰ ਮੋਹਨ ਲਾਲ ਦੀ ਫਿਲਮ ‘Marakkar’ ਨੂੰ ਸਰਬੋਤਮ ਫੀਚਰ ਫਿਲਮ ਅਤੇ ਸਰਵੋਤਮ ਪਹਿਰਾਵਾ ਡਿਜ਼ਾਈਨ ਲਈ ਤਿੰਨ ਰਾਸ਼ਟਰੀ ਪੁਰਸਕਾਰ ਮਿਲੇ ਹਨ। ਇਹ ਪ੍ਰਿਅਦਰਸ਼ਨ ਦੁਆਰਾ ਲਿਖਿਆ ਅਤੇ ਨਿਰਦੇਸ਼ਿਤ ਕੀਤਾ ਗਿਆ ਹੈ। ਮੋਹਨਲਾਲ ਨੇ ਫਿਲਮ ਵਿੱਚ ਕੁੰਜਲੀ ਮਾਰਕਰ IV ਦੀ ਭੂਮਿਕਾ ਨਿਭਾਈ ਸੀ। ਉਨ੍ਹਾਂ ਤੋਂ ਇਲਾਵਾ ਅਰਜੁਨ ਸਰਜਾ, ਸੁਨੀਲ ਸ਼ੈੱਟੀ, ਪ੍ਰਭੂਦੇਵਾ, ਪ੍ਰਭੂ, ਮੰਜੂ ਵਾਰੀਅਰ, ਕੀਰਤੀ ਸੁਰੇਸ਼ ਅਤੇ ਕਲਿਆਣੀ ਪ੍ਰਿਯਦਰਸ਼ਨ ਵਰਗੇ ਕਲਾਕਾਰਾਂ ਨੇ ਅਹਿਮ ਭੂਮਿਕਾ ਨਿਭਾਈ ਹੈ।
