ਹਰ ਦਿਲ ਨੂੰ ਛੂਹ ਲੈਣ ਵਾਲੀ ਆਵਾਜ਼। ਇਹ ਸਿਰਫ਼ ਆਵਾਜ਼ ਨਹੀਂ, ਜਾਦੂ ਸੀ, ਜੋ ਲੋਕਾਂ ਨੂੰ ਆਪਣੇ ਵੱਲ ਖਿੱਚਦਾ ਸੀ। ਉਸ ਦੇ ਗੀਤ ਅੱਜ ਵੀ ਸਦਾਬਹਾਰ ਹਨ। ਜਿਸ ਨੇ ਹਿੰਦੀ ਸਿਨੇਮਾ ਨੂੰ ਆਪਣੀ ਅਦਭੁਤ ਆਵਾਜ਼ ਵਿੱਚ ਕਈ ਗੀਤ ਦਿੱਤੇ ਉਹ ਕੋਈ ਹੋਰ ਨਹੀਂ ਸਗੋਂ ਮੁਕੇਸ਼ ਹੈ। clf
ਅੱਜ ਉਹ ਸਾਡੇ ਵਿਚਕਾਰ ਨਹੀਂ ਹਨ ਪਰ ਹਰ ਦਿਲ ਉਸ ਦੇ ਗੂੰਜਦੇ ਗੀਤਾਂ ਨੂੰ ਯਾਦ ਕਰਦਾ ਹੈ। ਹਾਲਾਂਕਿ ਮੁਕੇਸ਼ ਨੇ ਆਪਣੇ ਦੌਰ ਦੇ ਸਾਰੇ ਮੁੱਖ ਕਲਾਕਾਰਾਂ ਲਈ ਗੀਤ ਗਾਏ, ਪਰ ਸਭ ਤੋਂ ਵੱਧ ਉਨ੍ਹਾਂ ਨੇ ਸ਼ੋਅਮੈਨ ਰਾਜ ਕਪੂਰ ਲਈ ਗਾਇਆ। ਇਨ੍ਹਾਂ ‘ਚ ‘ਦੋਸਤ-ਦੋਸਤ ਨਾ ਰਹਾ’, ‘ਜੀਨਾ ਯਹਾਂ ਮਰਨਾ ਯਹਾਂ’, ‘ਸਾਜਨ ਰੇ ਝੂਠ ਮੱਤ ਬੋਲੋ’, ‘ਕਹਿਤਾ ਹੈ ਜੋਕਰ’, ‘ਦੁਨੀਆ ਬਣਾਉਣ ਵਾਲੇ’, ‘ਆਵਾਰਾ ਹੂੰ’ ਅਤੇ ‘ਮੇਰਾ ਜੂਤਾ ਹੈ ਜਾਪਾਨੀ’ ਸਮੇਤ ਕਈ ਗੀਤ ਸ਼ਾਮਲ ਹਨ। ਅੱਜ ਅਸੀਂ ਤੁਹਾਨੂੰ ਮੁਕੇਸ਼ ਦੀਆਂ ਕੁਝ ਅਣਸੁਣੀਆਂ ਕਹਾਣੀਆਂ ਦੱਸਣ ਜਾ ਰਹੇ ਹਾਂ…
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
22 ਜੁਲਾਈ 1923 ਨੂੰ ਦਿੱਲੀ ‘ਚ ਜਨਮੇ ਮੁਕੇਸ਼ ਦਾ ਪੂਰਾ ਨਾਂ ਮੁਕੇਸ਼ ਚੰਦ ਮਾਥੁਰ ਸੀ। ਉਹ ਫਿਲਮ ਇੰਡਸਟਰੀ ਦਾ ਮਸ਼ਹੂਰ ਗਾਇਕ ਸੀ। ਪਰ ਉਹ ਗਾਇਕ ਨਹੀਂ ਸਗੋਂ ਫ਼ਿਲਮੀ ਹੀਰੋ ਬਣਨਾ ਚਾਹੁੰਦਾ ਸੀ। ਹਾਲਾਂਕਿ ਮੁਕੇਸ਼ ਨੇ ਕੁਝ ਫਿਲਮਾਂ ਵੀ ਕੀਤੀਆਂ ਪਰ ਅਸਫਲ ਰਹੇ। ਉਨ੍ਹਾਂ ਨੇ ਸਾਲ 1942 ‘ਚ ਫਿਲਮ ‘ਨਿਰਦੋਸ਼’, ਸਾਲ 1953 ‘ਚ ‘ਮਾਸ਼ੂਕਾ’ ਅਤੇ ਸਾਲ 1956 ‘ਚ ‘ਅਨੁਰਾਗ’ ਫਿਲਮਾਂ ਕੀਤੀਆਂ।
