neeru bajwa snowman movie: ਪੰਜਾਬੀ ਅਦਾਕਾਰਾ ਨੀਰੂ ਬਾਜਵਾ ਇਸ ਸਮੇਂ ਆਪਣੀ ਅਗਲੀ ਫਿਲਮ ਦੀ ਤਿਆਰੀ ਵਿੱਚ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਦੀ ਆਉਣ ਵਾਲੀ ਨਵੀਂ ਫਿਲਮ ‘ਕੋਕਾ’ ਪਿਛਲੇ ਸ਼ੁੱਕਰਵਾਰ ਨੂੰ ਹੀ ਵੱਡੇ ਪਰਦੇ ‘ਤੇ ਰਿਲੀਜ਼ ਹੋਈ, ਇਸ ਤੋਂ ਬਾਅਦ, ਉਸਨੇ ਆਪਣੇ ਇੱਕ ਹੋਰ ਪ੍ਰੋਜੈਕਟ ‘ਗੁੜ ਨਾਲੋ ਇਸ਼ਕ ਮਿੱਠਾ’ ਦਾ ਐਲਾਨ ਕੀਤਾ, ਅਤੇ ਹਾਲ ਹੀ ਵਿੱਚ ਉਸਨੇ ਆਪਣੀ ਆਉਣ ਵਾਲੀ ਇੱਕ ਫਿਲਮ ‘Snowman’ ਦੀ ਰਿਲੀਜ਼ ਡੇਟ ਸਾਂਝੀ ਕੀਤੀ।
![neeru bajwa snowman movie](https://dailypost.in/wp-content/uploads/2022/05/image-244-1024x768.png)
ਪਾਲੀਵੁੱਡ ਕੁਈਨ ਨੀਰੂ ਬਾਜਵਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇਹ ਖਬਰ ਸਾਂਝੀ ਕੀਤੀ। ‘Snowman’ ਦੇ ਪੋਸਟਰ ‘ਚ ਨੀਰੂ ਬਾਜਵਾ ਬੇਹੱਦ ਦਮਦਾਰ ਲੁੱਕ ‘ਚ, ਜੈਜ਼ੀ ਬੀ ਅਤੇ ਅਰਸ਼ੀ ਖਟਕੜ ਪੁਲਿਸ ਅਵਤਾਰ ‘ਚ ਅਤੇ ਰਾਣਾ ਰਣਬੀਰ ਹੱਥਕੜੀ ‘ਚ ਨਜ਼ਰ ਆ ਰਹੇ ਹਨ। ਬਾਕਿ ਫਿਲਮ ਦਾ ਟੀਜ਼ਰ ਜਾਂ ਟ੍ਰੇਲਰ ਸਾਹਮਣੇ ਆਉਣ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ।
ਫਿਲਮ ਬਾਰੇ ਇੱਕ ਹੋਰ ਦਿਲਚਸਪ ਗੱਲ ਇਹ ਹੈ ਕਿ ਰਾਣਾ ਰਣਬੀਰ ਨਾ ਸਿਰਫ ਇੱਕ ਦਿਲਚਸਪ ਕਿਰਦਾਰ ਨਿਭਾ ਰਿਹਾ ਹੈ, ਉਹ ਫਿਲਮ ਦਾ ਲੇਖਕ ਅਤੇ ਨਿਰਦੇਸ਼ਕ ਵੀ ਹੈ। ਰਾਣਾ ਰਣਬੀਰ ਨੇ ਹੁਣ ਤੱਕ ਆਪਣੀ ਲੇਖਣੀ ਅਤੇ ਨਿਰਦੇਸ਼ਨ ਨਾਲ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ‘ਆਸੀਸ’ ਤੋਂ ਲੈ ਕੇ ‘ਮਾਂ’ ਤੱਕ ਉਸ ਨੇ ਕਈ ਅਹਿਮ ਫ਼ਿਲਮਾਂ ਦਿੱਤੀਆਂ ਹਨ। ਦੇਖਦੇ ਹਾਂ ‘Snowman’ ਨਾਲ ਉਹ ਸਿਲਵਰ ਸਕ੍ਰੀਨ ‘ਤੇ ਕੀ ਲੈ ਕੇ ਆਉਂਦੀ ਹੈ।