neha dhupia first seen : ਨੇਹਾ ਧੂਪੀਆ ਹਸਪਤਾਲ ਚੋਂ ਡਿਸਚਾਰਜ ਹੋ ਕੇ ਆਪਣੇ ਘਰ ਪਹੁੰਚ ਚੁੱਕੀ ਹੈ । ਜਿਸ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ । ਇਸ ਵੀਡੀਓ ‘ਚ ਨੇਹਾ ਆਪਣੇ ਬੇਬੀ ਬੁਆਏ ਦੇ ਨਾਲ ਨਜ਼ਰ ਆ ਰਹੀ ਹੈ । ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅੰਗਦ ਬੇਦੀ ਵੀ ਉਸ ਦੇ ਨਾਲ ਹੈ ਅਤੇ ਦੋਵਾਂ ਦੀ ਧੀ ਮਿਹਰ ਵੀ ਨਜ਼ਰ ਆ ਰਹੀ ਹੈ ।
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਪ੍ਰਸ਼ੰਸਕ ਨੇਹਾ ਅਤੇ ਅੰਗਦ ਬੇਦੀ ਨੂੰ ਵਧਾਈ ਦੇ ਰਹੇ ਹਨ ।ਨੇਹਾ ਧੂਪੀਆ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਦੀ ਸਟੋਰੀ ‘ਚ ਇੱਕ ਵੀਡੀਓ ਸਾਂਝਾ ਕੀਤਾ ਹੈ । ਜਿਸ ‘ਚ ਉਹ ਆਪਣੇ ਬੇਟੇ ਦੇ ਘਰ ਆਉਣ ਦੀ ਖੁਸ਼ੀ ‘ਚ ਕੇਕ ਲੈ ਕੇ ਆਏ ਹਨ । ਇਸ ਦੇ ਨਾਲ ਉਨ੍ਹਾਂ ਨੇ ਆਪਣੇ ਬੇਟੇ ਦੇ ਪੈਰਾਂ ਦਾ ਵੀਡੀਓ ਵੀ ਸਾਂਝਾ ਕੀਤਾ ਹੈ ।ਹਾਲਾਂਕਿ ਬੇਟੇ ਦਾ ਚਿਹਰਾ ਹਾਲੇ ਤੱਕ ਨਹੀਂ ਵਿਖਾਇਆ ।
ਮੀਡੀਆ ਦੇ ਸਾਹਮਣੇ ਆਉਣ ਤੇ ਨੇਹਾ ਨੇ ਆਪਣੇ ਬੇਟੇ ਦਾ ਚਿਹਰਾ ਕੱਪੜੇ ਨਾਲ ਛਿਪਾਇਆ ਹੋਇਆ ਸੀ । ਦੱਸ ਦਈਏ ਕਿ ਨੇਹਾ ਅਤੇ ਅੰਗਦ ਬੇਦੀ ਦੀ ਇਹ ਦੂਜੀ ਔਲਾਦ ਹੈ । ਇਸ ਤੋਂ ਪਹਿਲਾਂ ਦੋਵਾਂ ਦੇ ਘਰ ਇੱਕ ਧੀ ਹੈ । ਜਿਸ ਦਾ ਨਾਂਅ ਮਿਹਰ ਹੈ। ਦੋਵਾਂ ਨੇ ਕੁਝ ਸਾਲ ਪਹਿਲਾਂ ਲਵ ਮੈਰਿਜ ਕਰਵਾਈ ਸੀ ਅਤੇ ਦੋਵਾਂ ਨੇ ਚੁੱਪ ਚੁਪੀਤੇ ਵਿਆਹ ਕਰਵਾ ਲਿਆ ਸੀ । ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈਆਂ ਸਨ ।
