ਨਵਾਜ਼ੂਦੀਨ ਸਿੱਦੀਕੀ ਦੇ ਨਾਲ ਬਾਲੀਵੁੱਡ ‘ਚ ਡੈਬਿਊ ਕਰੇਗੀ ਕ੍ਰਿਤੀ ਦੀ ਭੈਣ ਨੂਪੁਰ ਸੈਨਨ, ਸਾਹਮਣੇ ਆਇਆ First Look

Nupur Sanon debut Nawazuddin: ਕ੍ਰਿਤੀ ਸੈਨਨ ਦੀ ਭੈਣ ਨੂਪੁਰ ਸੈਨਨ ਬਾਲੀਵੁੱਡ ‘ਚ ਡੈਬਿਊ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਨੂਪੁਰ ਦੀ ਪਹਿਲੀ ਫਿਲਮ ਦਾ ਐਲਾਨ ਹੋ ਚੁੱਕਾ ਹੈ। ਨੂਪੁਰ ਸੈਨਨ ਦੀ ਇਸ ਫਿਲਮ ‘ਚ ਉਨ੍ਹਾਂ ਦੇ ਹੀਰੋ ਨਵਾਜ਼ੂਦੀਨ ਸਿੱਦੀਕੀ ਹੋਣਗੇ। ਇਸ ਫਿਲਮ ਦੀ ਸ਼ੂਟਿੰਗ ਅੱਜ ਵੈਲੇਨਟਾਈਨ ਡੇਅ ਵਾਲੇ ਦਿਨ ਸ਼ੁਰੂ ਹੋ ਗਈ ਹੈ।

ਫਿਲਮ ਤੋਂ ਦੋਵਾਂ ਦੇ ਫਰਸਟ ਲੁੱਕ ਸਾਹਮਣੇ ਆਏ ਹਨ। ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਮੇਕਰਸ ਨੇ ਨੂਪੁਰ ਅਤੇ ਨਵਾਜ਼ ਦੀ ਜੋੜੀ ਨੂੰ Missmtsch ਦੱਸਿਆ ਹੈ। ਪੈਨੋਰਮਾ ਸਟੂਡੀਓਜ਼ ਦੇ ਬੈਨਰ ਹੇਠ ਬਣ ਰਹੀ ਨੁਪੁਰ ਸੈਨਨ ‘ਤੇ ਨਵਾਜ਼ੂਦੀਨ ਸਿੱਦੀਕੀ ਦੀ ਫਿਲਮ ਦਾ ਨਾਂ ‘ਨੂਰਾਨੀ ਚੇਹਰਾ’ ਹੈ। ਇਹ ਫਿਲਮ ਨੂਰਾ ਅਤੇ ਹਿਬਾ ਦੀ ਕਹਾਣੀ ਦੱਸੇਗੀ, ਜੋ Missmtsch ਜੋੜੀ ਹੈ। ਇਹ ਇੱਕ ਪਿਆਰੀ ਅਤੇ ਮਜ਼ੇਦਾਰ ਪ੍ਰੇਮ ਕਹਾਣੀ ਹੋਣ ਜਾ ਰਹੀ ਹੈ, ਜਿਸ ਦਾ ਨਿਰਦੇਸ਼ਨ ਨਵਨੀਤ ਸਿੰਘ ਕਰਨਗੇ। ਫਿਲਮ ਦੇ ਟੀਜ਼ਰ ਪੋਸਟਰ ‘ਚ ਨਵਾਜ਼ੂਦੀਨ ਸਿੱਦੀਕੀ ਨੂੰ ਬਾਥਰੋਬ ਪਹਿਨੇ ਅਤੇ ਫੇਸ ਮਾਸਕ ਪਹਿਨੇ ਦੇਖਿਆ ਜਾ ਸਕਦਾ ਹੈ। ਉਸ ਨੇ ਆਪਣੀਆਂ ਅੱਖਾਂ ਸਾਹਮਣੇ ਦੋ ਨਿੰਬੂ ਫੜੇ ਹੋਏ ਹਨ।

ਇਸ ਦੇ ਨਾਲ ਹੀ ਨਵਾਜ਼ ਦੇ ਪਿੱਛੇ ਨੁਪੁਰ ਸੈਨਨ ਆਪਣਾ ਚਿਹਰਾ ਲੁਕਾ ਕੇ ਖੜ੍ਹੀ ਹੈ। ਫੋਟੋ ‘ਚ ਨੂਪੁਰ ਦੀਆਂ ਅੱਖਾਂ ਖੁੱਲ੍ਹੀਆਂ ਹਨ, ਜਿਸ ਕਾਰਨ ਉਹ ਸਭ ਕੁਝ ਦੇਖ ਰਹੀ ਹੈ। ਪੋਸਟਰ ਤੋਂ ਸਾਫ ਹੈ ਕਿ ਫਿਲਮ ਲੁੱਕ ਅਤੇ ਖੂਬਸੂਰਤੀ ਨੂੰ ਲੈ ਕੇ ਬਣਨ ਜਾ ਰਹੀ ਹੈ। ਨੂਪੁਰ ਸੈਨਨ ਦੀ ਗੱਲ ਕਰੀਏ ਤਾਂ ਉਹ ਯੂਟਿਊਬਰ ਹੈ। ਨੂਪੁਰ ਨੇ ‘ਫਿਲਹਾਲ‘ ਗੀਤ ਦੇ ਮਿਊਜ਼ਿਕ ਵੀਡੀਓ ‘ਚ ਅਕਸ਼ੈ ਕੁਮਾਰ ਨਾਲ ਕੰਮ ਕੀਤਾ ਹੈ। ਇਸ ਗੀਤ ਨੂੰ ਕਰੋੜਾਂ ਵਿਊਜ਼ ਮਿਲੇ, ਜਿਸ ਤੋਂ ਬਾਅਦ ਇਸ ਦਾ ਸੀਕਵਲ ‘ਫਿਲਹਾਲ 2’ ਵੀ ਰਿਲੀਜ਼ ਹੋਇਆ। ਨਵਾਜ਼ੂਦੀਨ ਸਿੱਦੀਕੀ ਦੀ ਗੱਲ ਕਰੀਏ ਤਾਂ ਉਹ ਫਿਲਮ ਇੰਡਸਟਰੀ ਦੇ ਬਿਹਤਰੀਨ ਕਲਾਕਾਰਾਂ ‘ਚੋਂ ਇਕ ਹਨ। ‘ਨੂਰਾਨੀ ਚੇਹਰਾ’ ਤੋਂ ਇਲਾਵਾ ਨਵਾਜ਼ ਫਿਲਮ ‘ਟਿਕੂ ਔਰ ਸ਼ੇਰੂ’ ‘ਚ ਨਜ਼ਰ ਆਉਣਗੇ।