Diljit dosanjh with Anne-Marie : ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਗਲੋਬਲ ਚਾਰਟਸ ‘ਤੇ ਰਾਜ ਕਰ ਰਹੇ ਹਨ ਅਤੇ ਇਸ ਤੋਂ ਕੋਈ ਵੀ ਇਨਕਾਰ ਨਹੀਂ ਕਰ ਸਕਦਾ ਹੈ। ਹੁਣ, ਅਜਿਹਾ ਲਗਦਾ ਹੈ ਕਿ ਦਿਲਜੀਤ ਦੁਸਾਂਝ ਜਲਦੀ ਹੀ ਅੰਤਰਰਾਸ਼ਟਰੀ ਗਾਇਕਾ ਐਨ-ਮੈਰੀ ਨਾਲ ਕੰਮ ਕਰਨ ਵਾਲੇ ਹਨ। ਆਪਣੇ ਬੌਰਨ ਟੂ ਸ਼ਾਈਨ ਟੂਰ 2022 ਨਾਲ ਹਰ ਕਿਸੇ ਨੂੰ ਆਪਣੇ ਵੱਲ ਖਿੱਚਣ ਲਈ ਤਿਆਰ ਇਸ ਗਾਇਕ ਨੇ ਹਾਲ ਹੀ ਵਿੱਚ ਐਨ-ਮੈਰੀ ਨਾਲ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦਾ ਬਹੁਤ ਧਿਆਨ ਖਿੱਚਿਆ ਹੈ।
ਦਸ ਦੇਈਏ ਕਿ ਪਹਿਲਾਂ, ਦਿਲਜੀਤ ਦੁਸਾਂਝ ਨੇ ਆਪਣੀ ਸਟੋਰੀ ਵਿੱਚ ਇੱਕ ਵੀਡੀਓ ਸ਼ੇਅਰ ਕੀਤੀ ਅਤੇ ਲਿਖਿਆ ‘ਇਸ ‘ਤੇ ਗਾਣਾ ਬਨ ਰਿਹਾ ਪੱਕਾ’। ਫਿਰ ਅਗਲੀਆਂ ਤਸਵੀਰਾਂ ‘ਚ ਉਹ ਐਨੀ ਮੈਰੀ ਨਾਲ ਪੋਜ਼ ਦਿੰਦੇ ਨਜ਼ਰ ਆਏ। ਹਾਲਾਂਕਿ ਗਾਇਕ ਨੇ ਅਧਿਕਾਰਤ ਤੌਰ ‘ਤੇ ਇਸ ਸਬੰਧੀ ਕੁਝ ਵੀ ਘੋਸ਼ਿਤ ਨਹੀਂ ਕੀਤਾ ਹੈ, ਪਰ ਪ੍ਰਸ਼ੰਸਕਾਂ ਨੇ ਇਸ ਬਾਰੇ ਕਿਆਸ ਲਗਾਏ ਸਨ। ਐਨ-ਮੈਰੀ ਇੱਕ ਅੰਗਰੇਜ਼ੀ ਗਾਇਕਾ ਅਤੇ ਗੀਤਕਾਰ ਹੈ। ਉਸਨੇ ਬ੍ਰਿਟੇਨ ਦੇ ਸਿੰਗਲਜ਼ ਚਾਰਟ ਵਿੱਚ ਕਈ ਚਾਰਟਿੰਗ ਸਿੰਗਲ ਹਾਸਲ ਕੀਤੇ ਹਨ, ਜਿਸ ਵਿੱਚ ਕਲੀਨ ਬੈਂਡਿਟ ਦੀ “ਰੌਕਾਬੀ”, ਜਿਸ ਵਿੱਚ ਸੀਨ ਪਾਲ ਵੀ ਸੀ, “ਅਲਾਰਮ”, “ਕਿਆਓ ਐਡੀਓਸ”, “ਫ੍ਰੈਂਡਜ਼” ਅਤੇ “2002” ਸ਼ਾਮਲ ਹਨ, ਜੋ ਪਹਿਲੇ ਨੰਬਰ ‘ਤੇ ਰਹੇ।
ਐਨ-ਮੈਰੀ ਨਾਲ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ, ਦਿਲਜੀਤ ਨੇ ਉਨ੍ਹਾਂ ਨੂੰ ਕੈਪਸ਼ਨ ਦਿੱਤਾ, “ਜਿੰਨੀ ਸੋਹਣੀ ਆਵਾਜ਼ ਓਨੀ ਪਿਆਰੀ ਰੂਹ, ਉਸਦੀ ਆਤਮਾ ਉਸਦੀ ਆਵਾਜ਼ ਵਾਂਗ ਸ਼ੁੱਧ ਹੈ” ਦੂਜੇ ਪਾਸੇ ਐਨ-ਮੈਰੀ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਤੇ ਲਿਖਿਆ “ਦਿਲਜੀਤ ਦੁਸਾਂਝ ਅਤੇ ਟੀਮ ਨੂੰ ਮਿਲ ਕੇ ਬਹੁਤ ਪਿਆਰਾ ਲੱਗਾ ,ਤੁਹਾਨੂੰ ਜਲਦੀ ਹੀ ਦੁਬਾਰਾ ਮਿਲਣ ਦਾ ਇੰਤਜ਼ਾਰ ਰਹੇਗਾ “।
