first look of film koka : ਗੁਰਨਾਮ ਭੁੱਲਰ ਜੋ ਹੁਣ ਆਪਣੀ ਆਖਰੀ ਫਿਲਮ ‘ਲੇਖ’ ਦੀ ਸਫਲਤਾ ਮਨ ਰਹੇ ਹਨ ਨਾਲ ਹੀ ਇੱਕ ਹੋਰ ਪ੍ਰੇਮ ਡਰਾਮਾ ‘ਕੋਕਾ’ ਲਈ ਤਿਆਰ ਹਨ, ਜਿਸ ਵਿੱਚ ਨੀਰੂ ਬਾਜਵਾ ਵੀ ਨਜ਼ਰ ਆਵੇਗੀ। ਫਿਲਮ ‘ਕੋਕਾ’ ਦਾ ਐਲਾਨ ਹੋਣ ਤੋਂ ਬਾਅਦ ਤੋਂ ਹੀ ਪ੍ਰਸ਼ੰਸਕ ਇਸ ਦੀ ਪਹਿਲੀ ਝਲਕ ਦਾ ਇੰਤਜ਼ਾਰ ਕਰ ਰਹੇ ਸਨ ਅਤੇ ਨਿਰਮਾਤਾਵਾਂ ਨੇ ਆਖਰਕਾਰ ਇਸ ਨੂੰ ਰਿਲੀਜ਼ ਕਰ ਦਿੱਤਾ ਹੈ। ਫਿਲਮ ‘ਕੋਕਾ’ ਦੀ ਮੁੱਖ ਜੋੜੀ ਗੁਰਨਾਮ ਅਤੇ ਨੀਰੂ ਨੇ ਆਪਣੇ-ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਫਿਲਮ ਦਾ ਮੋਸ਼ਨ ਪੋਸਟਰ ਸਾਂਝਾ ਕੀਤਾ ਹੈ।
ਦਸ ਦੇਈਏ ਕਿ ਮੋਸ਼ਨ ਪੋਸਟਰ ਵਿੱਚ ਗੁਰਨਾਮ ਭੁੱਲਰ ਅਤੇ ਨੀਰੂ ਬਾਜਵਾ ਕੈਮਰੇ ਦੇ ਸਾਹਮਣੇ ਖੜ੍ਹੇ ਦਿਖਾਈ ਦੇ ਰਹੇ ਹਨ, ਅਤੇ ਦੋਵਾਂ ਦੀ ਇੱਕ ਝਲਕ ਨੇ ਪਹਿਲਾਂ ਹੀ ਕਾਫੀ ਹਲਚਲ ਮਚਾ ਦਿੱਤੀ ਹੈ। ਇਸ ਪੋਸਟ ਨੂੰ ਸਾਂਝਾ ਕਰਦੇ ਹੋਏ ਨੀਰੂ ਬਾਜਵਾ ਨੇ ਲਿਖਿਆ “ਬੇਬੇ ਸੱਚ ਕਹਿੰਦੀ ਹੈ ਪਿਆਰ ਦੀ ਕੋਈ ਉਮਰ ਨਹੀਂ ਹੁੰਦੀ” ਜਿਵੇਂ ਕਿ ਨੀਰੂ ਦੁਆਰਾ ਦੱਸਿਆ ਗਿਆ ਹੈ, ਫਿਲਮ ਦੀ ਕਹਾਣੀ ਯਕੀਨੀ ਤੌਰ ‘ਤੇ ਆਪਣੀ ਕਿਸਮ ਦੀ ਹੋਵੇਗੀ ਅਤੇ ਫਿਲਮ ਦਰਸ਼ਕਾਂ ਦੁਆਰਾ ਪਸੰਦ ਕੀਤੀ ਜਾਵੇਗੀ।
ਇਸ ਤੋਂ ਪਹਿਲਾਂ ਗੁਰਨਾਮ ਅਤੇ ਨੀਰੂ ਨੇ ਫਿਲਮ ਦੀ ਘੋਸ਼ਣਾ ਕਰਦੇ ਹੋਏ ਇੱਕ ਪੋਸਟਰ ਵੀ ਸਾਂਝਾ ਕੀਤਾ ਹੈ ਜਿਸ ਵਿੱਚ ਦਿਖਾਇਆ ਗਿਆ ਹੈ ਕਿ ਗੁਰਨਾਮ ਭੁੱਲਰ ਨੇ ਨੀਰੂ ਬਾਜਵਾ ਨੂੰ ਇੱਕ ਹੱਥ ਨਾਲ ਚੁੱਕਦੇ ਹੋਏ ਨੀਰੂ ਦਾ ਦੂਜਾ ਹੱਥ ਫੜਿਆ ਹੋਇਆ ਹੈ। ਰੋਮਾਂਟਿਕ ਪੋਸਟਰ ਨੇ ਬਿਨਾਂ ਸ਼ੱਕ ਸਾਬਤ ਕਰ ਦਿੱਤਾ ਹੈ ਕਿ ਇਸ ਵਿੱਚ ਇੱਕ ਸ਼ਾਨਦਾਰ ਪ੍ਰੇਮ ਕਹਾਣੀ ਹੋਵੇਗੀ। ਫਿਲਮ ਦਾ ਨਿਰਦੇਸ਼ਨ ਸੰਤੋਸ਼ ਸੁਭਾਸ਼ ਥੀਟੇ ਅਤੇ ਭਾਨੂ ਠਾਕੁਰ ਦੁਆਰਾ ਸਾਂਝੇ ਤੌਰ ‘ਤੇ ਕੀਤਾ ਗਿਆ ਹੈ ਅਤੇ ਇਹ 20 ਮਈ, 2022 ਨੂੰ ਰਿਲੀਜ਼ ਹੋਵੇਗੀ।
