gurnam bhullar and mandy : ਗੁਰਨਾਮ ਭੁੱਲਰ ਲਗਾਤਾਰ ਆਪਣੀ ਬੈਕ-ਟੂ-ਬੈਕ ਬਲਾਕਬਸਟਰ ਫ਼ਿਲਮਾਂ ਲੈਕੇ ਆ ਰਹੇ ਹਨ। ਹੁਣ ਇਕ ਵਾਰ ਫਿਰ ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਲਈ ਇੱਕ ਨਵੀਂ ਫਿਲਮ ਦਾ ਐਲਾਨ ਕੀਤਾ ਹੈ ਜਿਸ ਵਿੱਚ ਗੁਰਨਾਮ ਭੁੱਲਰ ਅਤੇ ਮੈਂਡੀ ਤੱਖਰ ਹਨ। ਗੁਰਨਾਮ ਭੁੱਲਰ ਜੋ ਆਪਣੀ ‘ਮੈਂ ਵਿਆਹ ਨਹੀਂ ਕਰੋਨਾ ਤੇਰੇ ਨਾਲ’ ਰਿਲੀਜ਼ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ, ਨਾਲ ਹੀ ਇਕ ਹੋਰ ਨਵੀਂ ਫ਼ਿਲਮ ਲੈਕੇ ਆ ਰਹੇ ਹਨ।
ਦਸ ਦੇਈਏ ਕਿ ਮੈਂਡੀ ਤੱਖਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਇਕ ਪੋਸਟ ਸਾਂਝੀ ਕਰਕੇ ਇਸਦੀ ਜਾਣਕਾਰੀ ਦਿਤੀ ਹੈ। ਫਿਲਮ ਦਾ ਸਿਰਲੇਖ ਗੁਪਤ ਰੱਖਿਆ ਗਿਆ ਹੈ ਹਾਲਾਂਕਿ, ਸ਼੍ਰੀ ਨਰੋਤਮ ਜੀ ਸਟੂਡੀਓਜ਼ ਦੁਆਰਾ ਓਰੀਅਨ ਸਟੂਡੀਓਜ਼ ਅਤੇ ਮੈਂਡੀ ਤੱਖਰ ਪ੍ਰੋਡਕਸ਼ਨ ਦੇ ਸਹਿਯੋਗ ਨਾਲ ਪ੍ਰੋਜੈਕਟ ਦਾ ਐਲਾਨ ਕੀਤਾ ਗਿਆ ਹੈ। ਸਟਾਰ ਕਾਸਟ ਅਤੇ ਮੇਕਰਸ ਨੇ 27 ਫਰਵਰੀ ਨੂੰ ਹੋਏ ਫਿਲਮ ਦੇ ਮਹੂਰਤ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਪੁਸ਼ਟੀ ਕੀਤੀ ਹੈ ਕਿ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ।
ਮੈਂਡੀ ਤੱਖਰ ਇਸ ਫਿਲਮ ‘ਚ ਬਿਲਕੁਲ ਨਵੇਂ ਲੁੱਕ ‘ਚ ਨਜ਼ਰ ਆਵੇਗੀ। ਮੈਂਡੀ ਨੇ ਇਹ ਵੀ ਦੱਸਿਆ ਕਿ ਇਹ ਫਿਲਮ ਉਸਦੇ ਸਭ ਤੋਂ ਵੱਧ-ਉਮੀਦ ਕੀਤੇ ਪ੍ਰੋਜੈਕਟਾਂ ਵਿੱਚੋਂ ਇੱਕ ਹੈ ਕਿਉਂਕਿ ਉਸਨੇ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨ ਲਈ ਇੱਕ ਸਾਲ ਤੱਕ ਇੰਤਜ਼ਾਰ ਕੀਤਾ ਸੀ। ਫਿਲਮ ਨੂੰ ਰਾਕੇਸ਼ ਧਵਨ ਦੁਆਰਾ ਨਿਰਦੇਸ਼ਤ ਕੀਤਾ ਜਾ ਰਿਹਾ ਹੈ, ਜਿਸ ਨੇ ਐਮੀ ਵਿਰਕ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ‘ਆਜਾ ਮੈਕਸੀਕੋ ਚੱਲੀਏ’ ਦਾ ਨਿਰਦੇਸ਼ਨ ਵੀ ਕੀਤਾ ਸੀ।
