harby sangha on stage : ਅਕਸਰ ਹੀ ਕਈ ਵਾਰ ਦੇਖਿਆ ਗਿਆ ਹੈ ਕਿ ਸਟੇਜ ਸ਼ੋਅਜ਼ ਦੌਰਾਨ ਕਈ ਵਾਰ ਕਈ ਅਨਸੁਣਾਖਵੀਆਂ ਘਟਨਾਵਾਂ ਵਾਪਰ ਜਾਂਦੀਆਂ ਨੇ, ਜਿਸ ਨਾਲ ਚੰਗੇ ਭਲੇ ਮਾਹੌਲ ਦਾ ਰੰਗ ਇਕਦਮ ਬਦਲ ਜਾਂਦਾ ਹੈ, ਬੀਤੇ ਕੱਲ੍ਹ ਵੀ ਇੱਕ ਸਟੇਜ ਸ਼ੋਅ ਦੌਰਾਨ ਜਦੋਂ ਮਲਕੀਤ ਸਿੰਘ ਨਾਲ ਪ੍ਰਫਾਰਮ ਕਰ ਰਹੇ ਕਾਮੇਡੀਅਨ ਹਾਰਬੀ ਸੰਘਾ ਮਜ਼ਾਕੀਆਂ ਭਰੇ ਅੰਦਾਜ਼ ‘ਚ ਸਟੇਜ ਤੋਂ ਥੱਲੇ ਛਾਲ ਮਾਰਨ ਲੱਗੇ ਤਾਂ ਉਹਨਾਂ ਦਾ ਪੈਰ ਸਪੀਕਰਾਂ ਨਾਲ ਟਕਰਾ ਗਿਆ ਤੇ ਉਹ ਧੜੱਮ ਕਰਕੇ ਥੱਲੇ ਡਿੱਗ ਪਏ।
ਹਾਲਾਂਕਿ ਇਸ ਘਟਨਾ ਦੌਰਾਨ ਉਹਨਾਂ ਨੂੰ ਕੋਈ ਚੋਟ ਤਾਂ ਨਹੀ ਪਹੁੰਚੀ ਪਰ ਸਾਰਾ ਮਾਹੌਲ ਇਕਦਮ ਹੀ ਸ਼ਾਤ ਹੋ ਗਿਆ ਹੈ। ਹਾਰਬੀ ਸੰਘਾ ਪੰਜਾਬੀ ਫਿਲਮ ਭਾਈਚਾਰੇ ਦੇ ਸਭ ਤੋਂ ਸ਼ਾਨਦਾਰ ਹਾਸਰਸ ਕਲਾਕਾਰਾਂ ਵਿੱਚੋਂ ਇੱਕ ਹੈ। ਅੱਜ, ਉਹ ਬਹੁਤ ਸਾਰੀਆਂ ਪੰਜਾਬੀ ਫਿਲਮਾਂ ਵਿੱਚ ਇੱਕ ਸਹਾਇਕ ਅਭਿਨੇਤਾ ਵਜੋਂ ਆਪਣੇ ਸ਼ਾਨਦਾਰ ਕਾਮਿਕ ਟਾਈਮਿੰਗ ਲਈ ਜਾਣਿਆ ਜਾਂਦਾ ਹੈ। ਹਾਰਬੀ ਨੇ 2004 ਵਿੱਚ ਇੱਕ ਕਾਮੇਡੀਅਨ ਵਜੋਂ ਆਪਣੇ ਪੇਸ਼ੇਵਰ ਕਰੀਅਰ ਦੀ ਸ਼ੁਰੂਆਤ ਕੀਤੀ ਅਤੇ ਫਿਲਮ ‘ਅਸਾਂ ਨੂੰ ਮਾਨ ਵਤਨਾ ਦਾ’ ਨਾਲ ਇੱਕ ਅਭਿਨੇਤਾ ਬਣ ਗਿਆ।
