tarsem jassar EP ‘DeFcoN .1’ : ਤਰਸੇਮ ਜੱਸੜ ਇੱਕ ਭਾਰਤੀ ਗਾਇਕ-ਗੀਤਕਾਰ ਅਤੇ ਅਦਾਕਾਰ ਹੈ ਜੋ ਪੰਜਾਬੀ ਫ਼ਿਲਮਾਂ ਅਤੇ ਸੰਗੀਤ ਨਾਲ ਜੁੜਿਆ ਹੋਇਆ ਹੈ। ਉਹ ‘ਰੱਬ ਦਾ ਰੇਡੀਓ’ ਅਤੇ ‘ਰੱਬ ਦਾ ਰੇਡੀਓ 2’ ਫਿਲਮਾਂ ਵਿੱਚ ਆਪਣੇ ਕੰਮ ਲਈ ਮਸ਼ਹੂਰ ਹੈ। ਕੁਝ ਦਿਨ ਪਹਿਲਾਂ ਦੀ ਗੱਲ ਹੈ ਜਦੋਂ ਤਰਸੇਮ ਜੱਸੜ ਨੇ ਸੰਗੀਤ ਨਿਰਦੇਸ਼ਕ ਵਜ਼ੀਰ ਪਾਤਰ ਨਾਲ ਈਪੀ ਦਾ ਐਲਾਨ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਘੋਸ਼ਣਾ ਤੋਂ ਬਾਅਦ ਹੀ ਲੋਕ EP ਬਾਰੇ ਹੋਰ ਵੇਰਵਿਆਂ ਨੂੰ ਜਾਣਨ ਲਈ ਬਹੁਤ ਉਤਸ਼ਾਹਿਤ ਸਨ।
ਦਸ ਦੇਈਏ ਕਿ ਇਸ ਬਾਅਦ ਇਹ ਘੋਸ਼ਣਾ ਕੀਤੀ ਗਈ ਕਿ ਤਰਸੇਮ ਜੱਸੜ ਦੇ EP ਦਾ ਸਿਰਲੇਖ DeFcoN .1 ਰੱਖਿਆ ਗਿਆ ਹੈ ਅਤੇ ਇਹ 15 ਫਰਵਰੀ 2022 ਨੂੰ ਸਾਰੇ ਪਲੇਟਫਾਰਮਾਂ ‘ਤੇ ਰਿਲੀਜ਼ ਕੀਤਾ ਜਾਵੇਗਾ। DeFcoN .1 ਇੱਕ ਐਲਬਮ ਜਾਂ EP ਦੇ ਸਿਰਲੇਖ ਵਜੋਂ ਰੱਖਣ ਲਈ ਇੱਕ ਬਹੁਤ ਹੀ ਵਿਲੱਖਣ ਨਾਮ ਹੈ, ਜਿਸਦਾ ਸਬੰਧ ਅਮਰੀਕੀ ਫੌਜ ਨਾਲ ਹੈ। ਹੁਣ, ਤਰਸੇਮ ਜੱਸੜ ਨੇ ਆਖਰਕਾਰ ਆਪਣੀ ਆਉਣ ਵਾਲੀ EP ਦੀ ਟਰੈਕਲਿਸਟ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਸ਼ੇਅਰ ਕੀਤੀ ਹੈ। DeFcoN .1 ਵਿੱਚ 5 ਗੀਤ ਸ਼ਾਮਲ ਹਨ।
ਇੱਸ ਦੇ ਨਾਲ ਹੀ ਆਉਣ ਵਾਲੇ 5 ਗੀਤਾਂ ਦਾ ਟਾਈਟਲ ਕਾਫੀ ਆਕਰਸ਼ਕ ਅਤੇ ਦਿਲਚਸਪ ਲੱਗ ਰਿਹਾ ਹੈ। ਗੀਤ ਦੇ ਬੋਲਾਂ ਦੀ ਗੱਲ ਕਰੀਏ ਤਾਂ ਇਹ ਸ਼ਾਇਦ ਜੱਸੜ ਦੀ ਕਲਮ ਦੇ ਹੀ ਹਨ ਕਿਉਂਕਿ ਉਨ੍ਹਾਂ ਨੇ ਗੀਤਕਾਰਾਂ ਨਾਲ ਸਬੰਧਤ ਅਜੇ ਤੱਕ ਕੋਈ ਖੁਲਾਸਾ ਨਹੀਂ ਕੀਤਾ ਹੈ। ਈਪੀ ਦਾ ਸੰਗੀਤ ਵਜ਼ੀਰ ਪਾਤਰ ਦੁਆਰਾ ਤਿਆਰ ਕੀਤਾ ਗਿਆ ਸੀ। ਹਾਲਾਂਕਿ, ਅਜੇ ਤੱਕ ਇਹ ਖੁਲਾਸਾ ਨਹੀਂ ਹੋਇਆ ਹੈ ਕਿ ਕੀ ਵਜ਼ੀਰ ਪਾਤਰ ਇੱਕ ਗਾਇਕ ਵਜੋਂ ਵੀ ਆਪਣੀ ਭੂਮਿਕਾ ਨਿਭਾਉਣਗੇ।
ਇਹ ਵੀ ਦੇਖੋ : Big News: 307 ਦਾ ਪਰਚਾ ਦਰਜ ਹੋਣ ਪਿੱਛੋਂ ਹੁਣ ਸਿਮਰਜੀਤ ਬੈਂਸ ਰਿਹਾਅ, ਕੜਵਲ ਧੜੇ ਨਾਲ ਹੋਈ ਸੀ ਝੜਪ !
