Pooja Hegde ਨੇ ਅਕਸ਼ੈ ਕੁਮਾਰ ਤੇ ਰਿਤੇਸ਼ ਦੇਸ਼ਮੁਖ ਨੂੰ ਦਿੱਤਾ ‘ਗ੍ਰੀਨ ਇੰਡੀਆ ਚੈਲੇਂਜ’

pooja hegde accepted challenge: ਪੂਜਾ ਹੇਗੜੇ ਨੇ ਆਪਣੀ ਅਦਾਕਾਰੀ ਰਾਹੀਂ ਦੱਖਣ ਫਿਲਮ ਇੰਡਸਟਰੀ ਤੋਂ ਬਾਲੀਵੁੱਡ ਤੱਕ ਰਾਜ ਕੀਤਾ। ਅਦਾਕਾਰਾ ਦੇ ਕੋਲ ਇਨ੍ਹੀਂ ਦਿਨੀਂ ਦਰਜਨਾਂ ਫਿਲਮਾਂ ਦੇ ਪ੍ਰੋਜੈਕਟ ਹਨ ਪਰ ਫਿਲਹਾਲ ਉਹ ਪ੍ਰਭਾਸ ਸਟਾਰਰ ਫਿਲਮ ‘ਰਾਧੇ ਸ਼ਿਆਮ’ ਨੂੰ ਲੈ ਕੇ ਚਰਚਾ ‘ਚ ਹੈ।

ਫਿਲਮ ਰਾਹੀਂ ਪਹਿਲੀ ਵਾਰ ਪੂਜਾ ਅਤੇ ਪ੍ਰਭਾਸ ਪਰਦੇ ‘ਤੇ ਰੋਮਾਂਸ ਕਰਦੇ ਨਜ਼ਰ ਆਉਣਗੇ। ਫੈਨਜ਼ ਦੋਵਾਂ ਨੂੰ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਦੂਜੇ ਪਾਸੇ, ਪੂਜਾ ਆਪਣੀਆਂ ਤਸਵੀਰਾਂ ਅਤੇ ਗਤੀਵਿਧੀਆਂ ਰਾਹੀਂ ਲੱਖਾਂ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਰਹੀ ਹੈ। ਹਾਲ ਹੀ ‘ਚ ਉਨ੍ਹਾਂ ਨੇ ‘ਗਰੀਨ ਇੰਡੀਆ ਚੈਲੇਂਜ’ ਨੂੰ ਸਵੀਕਾਰ ਕੀਤਾ ਹੈ। ਬੀਤੇ ਦਿਨ ਪੂਜਾ ਨੇ ‘ਗ੍ਰੀਨ ਇੰਡੀਆ ਚੈਲੇਂਜ’ ‘ਚ ਹਿੱਸਾ ਲਿਆ। 26 ਨਵੰਬਰ ਨੂੰ, ਉਸਨੇ ਰਾਮੂਜੀ ਫਿਲਮ ਸਿਟੀ, ਹੈਦਰਾਬਾਦ ਵਿੱਚ ਇੱਕ ਬੂਟਾ ਲਗਾਇਆ ਅਤੇ ਇਸਨੂੰ ਆਪਣੇ ਹੱਥਾਂ ਨਾਲ ਸਿੰਜਿਆ।

ਇਹ ਚੈਲੇਂਜ ਪੂਜਾ ਨੂੰ ਟਾਲੀਵੁੱਡ ਐਕਟਰ ਸੁਸ਼ਾਂਤ ਨੇ ਦਿੱਤਾ ਸੀ, ਜਿਸ ਨੂੰ ਉਸ ਨੇ ਪੂਰਾ ਕਰ ਲਿਆ ਹੈ। ਹੁਣ ਪੂਜਾ ਨੇ ਬਾਲੀਵੁੱਡ ਅਦਾਕਾਰ ਅਕਸ਼ੈ ਕੁਮਾਰ ਅਤੇ ਰਿਤੇਸ਼ ਦੇਸ਼ਮੁਖ ਨੂੰ ਇਸ ਚੁਣੌਤੀ ਨੂੰ ਸਵੀਕਾਰ ਕਰਨ ਅਤੇ ਰੁੱਖ ਲਗਾਉਣ ਦੀ ਲੜੀ ਨੂੰ ਜਾਰੀ ਰੱਖਣ ਦੀ ਅਪੀਲ ਕੀਤੀ ਹੈ। ਇਹ ਦੋਵੇਂ ਬੀ-ਟਾਊਨ ਸਟਾਰ ਪੂਜਾ ਦੇ ਵੀ ਕੋ-ਸਟਾਰ ਹਨ, ਜਿਨ੍ਹਾਂ ਨਾਲ ਉਸ ਨੇ ‘ਹਾਊਸਫੁੱਲ-4’ ‘ਚ ਕੰਮ ਕਰਕੇ ਪਰਦੇ ‘ਤੇ ਧਮਾਲ ਮਚਾ ਦਿੱਤਾ ਹੈ।

ਅਦਾਕਾਰਾ ਨੇ ਟਵਿੱਟਰ ‘ਤੇ ਦੋਵਾਂ ਅਦਾਕਾਰਾਂ ਨੂੰ ਟੈਗ ਕੀਤਾ ਹੈ। ਪੂਜਾ ਹੇਗੜੇ ਨੇ ਕਿਹਾ ਕਿ ਉਹ ਰਾਜ ਸਭਾ ਮੈਂਬਰ ਜੇ ਸੰਤੋਸ਼ ਕੁਮਾਰ ਦੁਆਰਾ ਸ਼ੁਰੂ ਕੀਤੇ ਗਏ ਗ੍ਰੀਨ ਇੰਡੀਆ ਚੈਲੇਂਜ ਵਿੱਚ ਹਿੱਸਾ ਲੈਣ ਅਤੇ ਬੂਟੇ ਲਗਾਉਣ ਲਈ ਬਹੁਤ ਖੁਸ਼ ਹੈ। ਦੂਜੇ ਪਾਸੇ ਸੰਤੋਸ਼ ਕੁਮਾਰ ਜੇ ਦੇ ਟਵਿੱਟਰ ਹੈਂਡਲ ‘ਤੇ ਅਦਾਕਾਰਾ ਦੀਆਂ ਤਸਵੀਰਾਂ ਸ਼ੇਅਰ ਕਰਨ, ਰੁੱਖ ਲਗਾਉਣ ਅਤੇ ਇਸ ਮੁਹਿੰਮ ਨੂੰ ਅੱਗੇ ਵਧਾਉਣ ਲਈ ਧੰਨਵਾਦ ਕੀਤਾ ਗਿਆ ਹੈ। ਅਦਾਕਾਰਾ ਨੇ ਸਾਰਿਆਂ ਨੂੰ ਗ੍ਰੀਨ ਇੰਡੀਆ ਚੈਲੇਂਜ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਅਤੇ ਰੁੱਖ ਲਗਾਉਣ ਦੀ ਵੀ ਬੇਨਤੀ ਕੀਤੀ ਹੈ। ਜਿੱਥੇ ਕੁਝ ਲੋਕ ਅਦਾਕਾਰਾ ਦੇ ਇਸ ਕੰਮ ਦੀ ਤਾਰੀਫ ਕਰ ਰਹੇ ਹਨ, ਉੱਥੇ ਹੀ ਕਈ ਲੋਕ ਟ੍ਰੋਲ ਵੀ ਕਰ ਰਹੇ ਹਨ।