ravi dubey world record: ਰਵੀ ਦੂਬੇ ਥੋੜ੍ਹੇ ਸਮੇਂ ਦੇ ਅੰਤਰਾਲ ਤੋਂ ਬਾਅਦ ਕੈਮਰੇ ਦੇ ਸਾਹਮਣੇ ਵਾਪਸੀ ਕਰਨ ਲਈ ਤਿਆਰ ਹਨ। ਅਦਾਕਾਰ ਨੂੰ ਆਖਰੀ ਵਾਰ 2021 ਦੀ ਵੈੱਬ ਸੀਰੀਜ਼ ਮਤਸਿਆ ਕਾਂਡ ਵਿੱਚ ਦੇਖਿਆ ਗਿਆ ਸੀ ਅਤੇ ਉਹ ਹੁਣ ਲਖਨ ਲੀਲਾ ਭਾਰਗਵ ਨਾਮਕ ਕੋਰਟਰੂਮ ਡਰਾਮਾ ਵਿੱਚ ਨਜ਼ਰ ਆਵੇਗਾ । ਇਹ ਸੀਰੀਜ਼ 21 ਅਗਸਤ ਨੂੰ ਰਿਲੀਜ਼ ਹੋਵੇਗੀ।
ਹਾਲ ਹੀ ‘ਚ ਰਵੀ ਦੂਬੇ ਦਾ ਨਾਮ ਸੁਰਖੀਆਂ ‘ਚ ਆ ਗਿਆ ਹੈ। ਦਰਅਸਲ, ਰਵੀ ਦੂਬੇ ਨੇ ਹਾਲ ਹੀ ‘ਚ ਵਰਲਡ ਰਿਕਾਰਡ ਬਣਾਇਆ ਹੈ। ਰਵੀ ਦੂਬੇ ਨੇ ਆਪਣੇ ਸ਼ੋਅ ‘ਲਖਨ ਲੀਲਾ ਭਾਰਗਵ’ ‘ਚ ਅੱਧੇ ਘੰਟਾ ਲੰਬਾ ਡਾਇਲੌਗ ਬੋਲ ਕੇ ਵਰਲਡ ਰਿਕਾਰਡ ਬਣਾਇਆ ਹੈ। ਇਸ ਬਾਰੇ ਰਵੀ ਦੂਬੇ ਦੀ ਪਤਨੀ ਤੇ ਅਦਾਕਾਰਾ ਸਰਗੁਣ ਮਹਿਤਾ ਨੇ ਪੋਸਟ ਸ਼ੇਅਰ ਕਰ ਜਾਣਕਾਰੀ ਦਿੱਤੀ ਹੈ। ਸਰਗੁਣ ਮਹਿਤਾ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਸ ਨੇ ਗੂਗਲ ਸਰਚ ‘ਚ ਦਿਖਾਇਆ ਹੈ ਕਿ ਜਦੋਂ ਗੂਗਲ ਸਰਚ ‘ਤੇ ਲਿਖਿਆ ਜਾਂਦਾ ਹੈ ਕਿ ਦੁਨੀਆ ਦਾ ਸਭ ਤੋਂ ਲੰਬਾ ਡਾਇਲੌਗ ਬੋਲਣ ਦਾ ਰਿਕਾਰਡ ਕਿਸ ਦੇ ਨਾਮ ‘ਤੇ ਹੈ, ਤਾਂ ਇਸ ‘ਚ ਰਵੀ ਦੂਬੇ ਦਾ ਨਾਮ ਆਉਂਦਾ ਹੈ। ਇਸ ਪੋਸਟ ਨੂੰ ਸ਼ੇਅਰ ਕਰਦਿਆਂ ਸਰਗੁਣ ਨੇ ਲਿਖਿਆ, ‘ਰਵੀ ਦੂਬੇ ਚੈਂਪੀਅਨ ਹੈ ਤਾਂ ਰਿਕਾਰਡ ਤਾਂ ਬਣਾਏਗਾ ਹੀ।’
ਕਾਬਿਲੇਗ਼ੌਰ ਹੈ ਕਿ ਸਰਗੁਣ ਮਹਿਤਾ ਤੇ ਰਵੀ ਦੂਬੇ ਦੀ ਪਹਿਲੀ ਮੁਲਾਕਾਤ 2009 ‘ਚ ਟੀਵੀ ਸੀਰੀਅਲ ’12/24 ਕਰੋਲ ਬਾਗ਼’ ਦੇ ਸੈੱਟ ‘ਤੇ ਹੋਈ ਸੀ। ਦੋਵਾਂ ਨੇ ਇਸ ਸੀਰੀਅਲ ‘ਚ ਹਸਬੈਂਡ ਵਾਈਫ ਦਾ ਕਿਰਦਾਰ ਨਿਭਾਇਆ ਸੀ। ਇੱਥੋਂ ਹੀ ਦੋਵਾਂ ਨੇ ਇੱਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। 4 ਸਾਲ ਡੇਟਿੰਗ ਕਰਨ ਤੋਂ ਬਾਅਦ ਦੋਵਾਂ ਨੇ ਵਿਆਹ ਕਰ ਲਿਆ ਸੀ।
