Samantha Ruth Prabhu Webseries: ਦੱਖਣ ਦੀਆਂ ਦੀਆਂ ਅਦਾਕਾਰਾ ਵਿੱਚੋਂ ਇੱਕ ਮੰਨੀ ਜਾਂਦੀ ਸਮੰਥਾ ਰੂਥ ਪ੍ਰਭੂ ਨੂੰ ਇੱਕ ਵੱਡਾ ਪ੍ਰੋਜੈਕਟ ਹੱਥ ਵਿੱਚ ਮਿਲ ਗਿਆ ਹੈ। ਸਮੰਥਾ ਇਨ੍ਹੀਂ ਦਿਨੀਂ ਫਿਲਮ ਪੁਸ਼ਪਾ ਵਿੱਚ ਆਪਣੇ ਸਿਜ਼ਲਿੰਗ ਡਾਂਸ ਨੰਬਰ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ।
ਇਸ ਤੋਂ ਇਲਾਵਾ ‘ਫੈਮਿਲੀ ਮੈਨ 2’ ਫੇਮ ਸਮੰਥਾ ਜਲਦ ਹੀ ਇੱਕ ਹਿੰਦੀ ਪ੍ਰੋਜੈਕਟ ਵਿੱਚ ਨਜ਼ਰ ਆਉਣ ਵਾਲੀ ਹੈ। ਰਿਪੋਰਟ ਦੇ ਅਨੁਸਾਰ, ਸਮੰਥਾ ਰੂਥ ਪ੍ਰਭੂ ਨੇ ਇਸਦੇ ਲਈ ਫੈਮਲੀ ਮੈਨ 2 ਫੇਮ ਰਾਜ ਐਂਡ ਡੀਕੇ ਨਾਲ ਹੱਥ ਮਿਲਾਇਆ ਹੈ। ਇਹ ਬਲਾਕਬਸਟਰ ਜੋੜਾ ਇੱਕ ਵਾਰ ਫਿਰ ਆਪਣੇ ਪ੍ਰਸ਼ੰਸਕਾਂ ਨੂੰ ਸਸਪੈਂਸ ਥ੍ਰਿਲਰ ਨਾਲ ਭਰਪੂਰ ਵੈੱਬ ਸੀਰੀਜ਼ ਪੇਸ਼ ਕਰਨ ਲਈ ਤਿਆਰ ਹੈ। ਰਿਪੋਰਟਾਂ ਮੁਤਾਬਕ ਇਹ ਵੈੱਬ ਸੀਰੀਜ਼ ਸੁਪਰਹਿੱਟ ਅਮਰੀਕੀ ਜਾਸੂਸੀ ਸੀਰੀਜ਼ ‘Citadel’ ਦੀ ਭਾਰਤੀ ਸਪਿਨ-ਆਫ ਹੋਵੇਗੀ। ਜਿਸ ਵਿੱਚ ਸਮੰਥਾ ਰੂਥ ਪ੍ਰਭੂ ਮੁੱਖ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ। ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ ਇਸ ਪ੍ਰੋਜੈਕਟ ਲਈ ਬਾਲੀਵੁੱਡ ਦੇ ਇੱਕ ਹੈਂਡਸਮ ਹੰਕ ਨੂੰ ਸਾਈਨ ਕੀਤਾ ਗਿਆ ਹੈ। ਇਸ ਵੈੱਬ ਸੀਰੀਜ਼ ਵਿੱਚ ਸਮੰਥਾ ਰੂਥ ਪ੍ਰਭੂ ਦੇ ਨਾਲ ਨਜ਼ਰ ਆਉਣ ਵਾਲੇ ਅਦਾਕਾਰ ਕੋਈ ਹੋਰ ਨਹੀਂ ਬਲਕਿ ਵਰੁਣ ਧਵਨ ਹਨ।
ਪ੍ਰਿਅੰਕਾ ਚੋਪੜਾ ਅਮਰੀਕੀ ਜਾਸੂਸੀ ਡਰਾਮਾ ਵੈੱਬ ਸੀਰੀਜ਼ ‘ਚ ‘Citadel’ ‘ਚ ਅਹਿਮ ਭੂਮਿਕਾ ‘ਚ ਨਜ਼ਰ ਆਉਣ ਵਾਲੀ ਹੈ। ਇਸ ਦੇ ਨਾਲ ਹੀ ਸਮੰਥਾ ਰੂਥ ਪ੍ਰਭੂ ਇਸ ਸ਼ੋਅ ਦੇ ਭਾਰਤੀ ਸਪਿਨ-ਆਫ ਵਿੱਚ ਨਜ਼ਰ ਆਵੇਗੀ। ਇਹ ਵੈੱਬ ਸੀਰੀਜ਼ ਅਮੇਜ਼ਨ ਪ੍ਰਾਈਮ ‘ਤੇ ਦਿਖਾਈ ਜਾਵੇਗੀ। ਜਿਸ ਦੇ ਲਈ ਵਰੁਣ ਧਵਨ ਨੇ ਕਾਫੀ ਸਮਾਂ ਪਹਿਲਾਂ ਡੀਲ ਸਾਈਨ ਕੀਤੀ ਸੀ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਵਰੁਣ ਧਵਨ ਸਮੰਥਾ ਰੂਥ ਪ੍ਰਭੂ ਨਾਲ ਸਕ੍ਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਇਹ ਵੈੱਬ ਸੀਰੀਜ਼ ਸਾਲ 2022 ‘ਚ ਸ਼ੁਰੂ ਹੋਵੇਗੀ। ਇਸ ਨੂੰ ਵੱਡੇ ਪੱਧਰ ‘ਤੇ ਰਿਲੀਜ਼ ਕਰਨ ਦੀਆਂ ਤਿਆਰੀਆਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਸਮੰਥਾ ਇਸ ਸੀਰੀਜ਼ ‘ਚ ਧਮਾਕੇਦਾਰ ਐਕਸ਼ਨ ਕਰਦੀ ਨਜ਼ਰ ਆਵੇਗੀ।
