Sharmaji Namkeen online leak: ਰਿਸ਼ੀ ਕਪੂਰ ਦੀ ਆਖਰੀ ਫਿਲਮ ‘ਸ਼ਰਮਾ ਜੀ ਨਮਕੀਨ’ ਆਨਲਾਈਨ ਲੀਕ ਹੋ ਗਈ ਹੈ। ਇਸ ਫਿਲਮ ਨੂੰ ਟੋਰੈਂਟ ਸਾਈਟ ਅਤੇ ਤਮਿਲ ਰੌਕਰ ਦੁਆਰਾ ਲੀਕ ਕੀਤਾ ਗਿਆ ਹੈ। ਇਸ ਨੂੰ ਮੁਫਤ ਵਿਚ ਦੇਖਿਆ ਅਤੇ ਡਾਊਨਲੋਡ ਕੀਤਾ ਜਾ ਸਕਦਾ ਹੈ।
ਰਿਸ਼ੀ ਕਪੂਰ ਅਤੇ ਪਰੇਸ਼ ਰਾਵਲ ਦੀ ਫਿਲਮ ‘ਸ਼ਰਮਾ ਜੀ ਨਮਕੀਨ’ ਪਾਇਰੇਸੀ ਦਾ ਸ਼ਿਕਾਰ ਹੋ ਗਈ ਹੈ। ਇਹ ਆਨਲਾਈਨ ਲੀਕ ਹੋ ਗਈ ਹੈ ਅਤੇ ਮੁਫ਼ਤ ਵਿੱਚ ਦੇਖਣ ਅਤੇ ਡਾਊਨਲੋਡ ਕਰਨ ਲਈ ਉਪਲਬਧ ਹੈ। ਫਿਲਮ ‘ਸ਼ਰਮਾ ਜੀ ਨਮਕੀਨ’ ਵਿੱਚ ਜੂਹੀ ਚਾਵਲਾ ਦੀ ਵੀ ਅਹਿਮ ਭੂਮਿਕਾ ਹੈ। ਹਾਲ ਹੀ ਦੀਆਂ ਖਬਰਾਂ ਦੇ ਮੁਤਾਬਕ ‘ਸ਼ਰਮਾ ਜੀ ਨਮਕੀਨ’ ਆਨਲਾਈਨ ਲੀਕ ਹੋ ਗਈ ਹੈ। ਇਹ ਸਟ੍ਰੀਮਿੰਗ ਟੋਰੇਂਟ ਸਾਈਟ ‘ਤੇ ਉਪਲਬਧ ਹੈ। ਇਸ ਤੋਂ ਇਲਾਵਾ ਇਸ ਦੀ HD ਪ੍ਰਿੰਟ ਕੁਆਲਿਟੀ ਵੀ ਉਪਲਬਧ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਕੋਈ ਬਾਲੀਵੁੱਡ ਫਿਲਮ ਪਾਇਰੇਸੀ ਦਾ ਸ਼ਿਕਾਰ ਹੋਈ ਹੋਵੇ। ਇਸ ਤੋਂ ਪਹਿਲਾਂ ਵੀ ਕਈ ਵੱਡੇ ਬਜਟ ਦੀਆਂ ਫਿਲਮਾਂ ਵੀ ਆਨਲਾਈਨ ਲੀਕ ਹੋ ਚੁੱਕੀ ਹੈ। ਕਈ ਵਾਰ ਸਖਤ ਐਕਸ਼ਨ ਲੈਣ ਦੀ ਧਮਕੀ ਦੇਣ ਦੇ ਬਾਵਜੂਦ ਫਿਲਮਾਂ ਲੀਕ ਹੋ ਰਹੀਆਂ ਹਨ।
ਇਸ ਫਿਲਮ ਨੂੰ ਰਿਸ਼ੀ ਕਪੂਰ ਦੇ ਬੇਟੇ ਰਣਬੀਰ ਕਪੂਰ ਨੇ ਜ਼ਬਰਦਸਤ ਪ੍ਰਮੋਟ ਕੀਤਾ ਸੀ। ਇੱਕ ਵੀਡੀਓ ਵਿੱਚ ਰਣਬੀਰ ਕਪੂਰ ਨੇ ਕਿਹਾ ਸੀ ਕਿ ‘ਸ਼ਰਮਾ ਜੀ ਨਮਕੀਨ‘ ਉਨ੍ਹਾਂ ਦੇ ਪਿਤਾ ਦੀ ਸਭ ਤੋਂ ਯਾਦਗਾਰ ਫਿਲਮਾਂ ਵਿੱਚੋਂ ਇੱਕ ਹੋਵੇਗੀ। ਰਣਬੀਰ ਕਪੂਰ ਨੇ ਕਿਹਾ ਸੀ ਮੈਂ ਪਾਪਾ ਨੂੰ ਇਹ ਜ਼ਿੰਦਗੀ ਜਿਉਂਦਿਆਂ ਦੇਖਿਆ ਹੈ। ‘ਸ਼ਰਮਾ ਜੀ ਨਮਕੀਨ’ ਨਾਲ ਜੁੜੀਆਂ ਯਾਦਾਂ ਇਸ ਤਰ੍ਹਾਂ ਦੀਆਂ ਰਹਿਣਗੀਆਂ। ਇਹ ਸਾਡੇ ਚਿਹਰਿਆਂ ‘ਤੇ ਹਮੇਸ਼ਾ ਮੁਸਕਰਾਹਟ ਲਿਆਵੇਗੀ।” ਰਣਬੀਰ ਨੇ ਦਰਸ਼ਕਾਂ ਨੂੰ ਫਿਲਮ ਦੇਖਣ ਦੀ ਅਪੀਲ ਵੀ ਕੀਤੀ। ਫਿਲਮ ‘ਸ਼ਰਮਾ ਜੀ ਨਮਕੀਨ’ ਦਾ ਨਿਰਦੇਸ਼ਨ ਹਿਤੇਸ਼ ਭਾਟੀਆ ਨੇ ਕੀਤਾ ਹੈ। ਫਿਲਮ ਵਿੱਚ ਰਿਸ਼ੀ ਕਪੂਰ ਦੀ ਮੌਤ ਤੋਂ ਬਾਅਦ ਪਰੇਸ਼ ਰਾਵਲ ਨੇ ਉਨ੍ਹਾਂ ਦੀ ਭੂਮਿਕਾ ਨਿਭਾਈ ਹੈ। ਰਿਸ਼ੀ ਕਪੂਰ ਦਾ 2020 ਵਿੱਚ ਦਿਹਾਂਤ ਹੋ ਗਿਆ ਸੀ। ਇਹ ਫਿਲਮ 31 ਮਾਰਚ ਨੂੰ ਅਮੇਜ਼ਨ ਪ੍ਰਾਈਮ ਵੀਡੀਓ ਉੱਤੇ ਰਿਲੀਜ਼ ਹੋਈ ਹੈ।
