Sidhu moosewala’z upcoming movie : ਪੰਜਾਬੀ ਇੰਡਸਟਰੀ ਵਿਚ ਆਪਣੇ ਗੀਤਾਂ ਨਾਲ ਲੋਹਾ ਮਨਵਾਉਣ ਵਾਲੇ ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਜਿਹਨਾਂ ਨੇ ਹੁਣ ਤੱਕ ਪੰਜਾਬੀ ਇੰਡਸਟਰੀ ਨੂੰ ਬਹੁਤ ਸਾਰੇ ਹਿੱਟ ਗੀਤ ਦਿੱਤੇ ਹਨ। ਦੱਸਣਯੋਗ ਹੈ ਕਿ ਹੁਣ ਉਹ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਣ ਆ ਰਹੇ ਹਨ। ਸਿੱਧੂ ਪਿਛਲੇ ਕੁਝ ਦਿਨਾਂ ਤੋਂ ਆਪਣੀ ਆਉਣ ਵਾਲੀ ਫਿਲਮ ‘ਯੈਸ ਆਈ ਐਮ ਸਟੂਡੈਂਟ’ ਕਾਰਨ ਕਾਫ਼ੀ ਚਰਚਾ ਵਿਚ ਵੀ ਰਹੇ ਹਨ। ਸੋ ਹੁਣ ਇੰਤਜ਼ਾਰ ਦੀਆਂ ਘੜੀਆਂ ਖਤਮ ਹੋ ਚੁੱਕੀਆਂ ਹਨ।
ਉਹਨਾਂ ਨੇ ਆਪਣੀ ਫਿਲਮ ਦੀ ਰਿਲੀਜ਼ਿੰਗ ਡੇਟ ਦਾ ਐਲਾਨ ਕਰ ਦਿੱਤਾ ਹੈ। ਉਹਨਾਂ ਦੀ ਫਿਲਮ ‘ਯੈਸ ਆਈ ਐਮ ਸਟੂਡੈਂਟ’ 22 ਅਕਤੂਬਰ,2021 ਨੂੰ ਦੁਨੀਆਂ ਭਰ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ। ਸਿੱਧੂ ਆਪਣੀ ਪ੍ਰੋਡਕਸ਼ਨ ਕੰਪਨੀ ਜੱਟ ਲਾਈਫ ਸਟੂਡੀਓ ਦੇ ਅਧੀਨ ‘ਯੈਸ ਆਈ ਐਮ ਸਟੂਡੈਂਟ’ ਫਿਲਮ ਨਾਲ ਪੰਜਾਬੀ ਸਿਨੇਮਾ ਵਿਚ ਡੇਬਿਊ ਕਰਨ ਜਾ ਰਹੇ ਹਨ। ਫਿਲਮ ਦਾ ਨਿਰਦੇਸ਼ਨ ਤਰਨਵੀਰ ਸਿੰਘ ਜਗਪਾਲ ਨੇ ਕੀਤਾ ਹੈ ਅਤੇ ਕਹਾਣੀ ਨੂੰ ਗਿੱਲ ਰੌਂਤਾ ਦੁਆਰਾ ਲਿਖਿਆ ਗਿਆ ਹੈ। ਫਿਲਮ ਵਿਚ ਅਸੀਂ ਸਿੱਧੂ ਨੂੰ ਮੈਂਡੀ ਤੱਖਰ ਦਾ ਸਾਥ ਨਿਭਾਉਂਦਿਆਂ ਵੇਖਾਂਗੇ। ਹੁਣ ਵੇਖਣਾ ਇਹ ਹੈ ਕੇ ਗੀਤਾਂ ਦੀ ਹਿੱਟ ਮਸ਼ੀਨ ਸਿੱਧੂ ਕੀ ਦਰਸ਼ਕਾਂ ਉਤੇ ਆਪਣੀ ਅਦਾਕਾਰੀ ਦਾ ਜਾਦੂ ਵੀ ਚਲਾ ਪਵੇਗਾ ? ਉਮੀਦ ਕਰਦੇ ਹਾਂ ਕੇ ਉਹ ਆਪਣੀ ਛਾਪ ਛੱਡਣ ਵਿਚ ਜਰੂਰ ਕਾਮਯਾਬ ਹੋਣਗੇ।
ਜਾਣਕਾਰੀ ਲਈ ਦਸ ਦਈਏ ਉਹਨਾਂ ਦੀ ਬਹੁਚਰਚਿਤ ਐਲਬਮ Moosetape ਚੋ ਹੁਣ ਤੱਕ ਬਹੁਤ ਸਾਰੇ ਗੀਤ ਰਿਲੀਜ਼ ਹੋ ਚੁਕੇ ਹਨ। ‘ਤੇ ਹਾਲ ਹੀ ਦੇ ਵਿੱਚ ਸਿੱਧੂ ਦਾ ਇੱਕ ਹੋਰ ਨਵਾਂ ਗੀਤ ‘ME AND MY GIRLFRIEND’ ਰਿਲੀਜ਼ ਹੋਇਆ ਸੀ। ਜਿਸ ਨੂੰ ਸਿੱਧੂ ਮੂਸੇਵਾਲਾ ਦੁਆਰਾ ਹੀ ਲਿਖਿਆ ਤੇ ਗਾਇਆ ਗਿਆ ਹੈ। ਇਸ ਗੀਤ ਦੇ ਵਿੱਚ ਸਿੱਧੂ ਦੇ ਨਾਲ ਪੰਜਾਬੀ ਮਾਡਲ ਸਾਰਾ ਗੁਰਪਾਲ ਵੀ ਨਜ਼ਰ ਆਈ ਹੈ , ਇਸ ਗੀਤ ਨੂੰ ਮਿਊਜ਼ਿਕ The Kidd ਦੇ ਵਲੋਂ ਦਿੱਤਾ ਗਿਆ ਹੈ। ਗਾਣਾ ਟਰੇਂਡਿੰਗ ‘ਚ ਬਣਿਆ ਹੋਇਆ ਹੈ ਉਸਦੇ ਕਈ ਲੱਖ ਵਿਊਜ਼ ਹੋ ਚੁੱਕੇ ਹਨ। ਦੱਸਣਯੋਗ ਹੈ ਕਿ ਇਸ ਗੀਤ ਤੋਂ ਪਹਿਲਾਂ moosetape ਐਲਬਮ ਚੋ ਸਿੱਧੂ ਦੇ ਕਈ ਗੀਤ ਜਿਵੇ ਕਿ – UNFUCKWITHABLE , RACKS ਐਂਡ ROUNDS , US , BURBERRY , BROWNSHORTIE .ਹੁਣ ਤੱਕ ਹਨ ਸਾਰੇ ਗੀਤਾਂ ਨੇ ਆਉਂਦਿਆਂ ਹੀ ਧਮਾਲਾਂ ਪਾਈਆਂ ਹਨ। ਸਿੱਧੂ ਮੂਸੇਵਲਾ ਦੇ ਵਰਕ ਫ਼ਰੰਟ ਦੀ ਗੱਲ ਕਰੀਏ ਤਾ ਹੁਣ ਤੱਕ ਉਹਨਾਂ ਨੇ ਬਹੁਤ ਸਾਰੇ ਗੀਤ ਫਿਲਮਾਂ ਦੇ ਵਿਚ ਵੀ ਗਾਏ ਹਨ ਤੇ ਯੂਥ ਵਲੋਂ ਸਿੱਧੂ ਨੂੰ ਬਹੁਤ ਪਸੰਦ ਕੀਤਾ ਜਾਂਦਾ ਹੈ।
ਇਹ ਵੀ ਵੇਖੋ : ਕਿਸਾਨਾਂ ਦੇ ਦੁਸ਼ਮਣ ਗੌਤਮ ਅਡਾਨੀ ਨੂੰ ਵੱਡਾ ਝਟਕਾ, 50 ਹਜ਼ਾਰ ਕਰੋੜ ਦਾ ਹੋਇਆ ਘਾਟਾ
