Sidhumoose wala burberry song out : ਸਿੱਧੂ ਮੂਸੇਵਾਲਾ ਸ਼ੁਰੂ ਤੋਂ ਹੀ ਚਰਚਾ ਦਾ ਵਿਸ਼ਾ ਰਹੇ ਹਨ। ਹੁਣ ਇਕ ਵਾਰ ਫੇਰ ਉਹ ਆਪਣੀ ਐਲਬਮ ‘MOOSETAPE’ ਨੂੰ ਲੈ ਕੇ ਦਰਸ਼ਕਾਂ ਦੇ ਰੂਬਰੂ ਹੋਏ ਹਨ । ਇਹ ਐਲਬਮ ਅੱਜ ਦੇ ਦੌਰ ਦੀ ਪਹਿਲੀ ਐਲਬਮ ਹੈ, ਜਿਸ ਵਿਚ 30 ਗਾਣੇ ਹਨ। ‘ਤੇ ਤੁਸੀਂ ਆਪ ਅੰਦਾਜ਼ਾ ਲਾ ਸਕਦੇ ਹੋ ਕਿ ਉਹਨਾਂ ਨੇ ਪੰਜਾਬੀ ਮਿਊਜ਼ਿਕ ਦਾ ਲੈਵਲ ਕਿਥੇ ਜਾ ਕ ਸੈੱਟ ਕੀਤਾ ਹੈ । ਉਹ ਇਕ ਤੋਂ ਬਾਅਦ ਇਕ ਨਵਾਂ ਗਾਣਾ ਲੈ ਕੇ ਆ ਰਹੇ ਹਨ । ਹਰ ਦੂਜੇ ਦਿਨ ਉਹ ਆਪਣੀ ਐਲਬਮ ਦਾ ਇਕ ਗਾਣਾ ਰਿਲੀਜ਼ ਕਰਨਗੇ,ਵੀਡੀਓ ਸਮੇਤ।
ਅੱਜ ਹੀ ਉਹਨਾਂ ਦਾ ਇਕ ਗਾਣਾ ‘ਬਰਬਰੀ’ ਰਿਲੀਜ਼ ਹੋਇਆ ਹੈ। ਜਿਸਦੇ ਕੁਝ ਸਮੇਂ ਵਿਚ ਹੀ ਕਈ ਲੱਖਾਂ ਤੋਂ ਉੱਤੇ ਵਿਊਜ਼ ਹੋ ਗਏ ਹਨ। ਅਤੇ ਗਾਣਾ ਟਰੇਂਡਿੰਗ ਵਿਚ ਬਣਿਆ ਹੋਇਆ ਹੈ। ਦਰਸ਼ਕ ਇਸ ਗਾਣੇ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਇਹ ਗਾਣਾ ਸਿੱਧੂ ਨੇ ਆਪ ਲਿਖਿਆ,ਗਾਇਆ ਅਤੇ ਕਮਪੋਜ਼ ਕੀਤਾ ਹੈ। ਜਾਣਕਾਰੀ ਲਈ ਦਸ ਦਈਏ ਇਸ ਗਾਣੇ ਦੀ ਵੀਡੀਓ ਤੇਜੀ ਸੰਧੂ ਵਲੋਂ ਬਣਾਈ ਗਈ ਹੈ। ਗਾਣੇ ਦੀ ਸ਼ੂਟਿੰਗ ਵਿਦੇਸ਼ ਵਿਚ ਹੀ ਕੀਤੀ ਗਈ ਹੈ। ਇਸਦਾ ਮਿਊਜ਼ਿਕ KIDD ਨੇ ਦਿੱਤਾ ਹੈ।
ਦੱਸਣਯੋਗ ਹੈ ਕਿ ਵੀਡੀਓ ਵਿਚ ਅਸੀਂ ਸਿੱਧੂ ਨੂੰ ਕਾਫ਼ੀ ਧਾਕੜ ਅੰਦਾਜ਼ ਵਿਚ ਵੇਖ ਸਕਦੇ ਹਾਂ। ਉਹ ਆਪਣੇ ਇਸ ਅੰਦਾਜ਼ ਨਾਲ ਦਰਸ਼ਕਾਂ ਦਾ ਦਿਲ ਸ਼ੁਰੂ ਤੋਂ ਹੀ ਜਿੱਤਦੇ ਆਏ ਹਨ। ਸਿੱਧੂ ਨੇ ਆਪਣੀ ਐਲਬਮ ਆਪਣੀ ਮਾਤਾ ਜੀ ਦੇ ਜਨਮ ਦਿਨ ਤੇ ਰਿਲੀਜ਼ ਕੀਤੀ ਸੀ ਤੇ ਇਸ ਐਲਬਮ ਦੇ ਗਾਣੇ 15 ਜੁਲਾਈ ਤਕ ਆਉਣਗੇ। ਦਸ ਦਈਏ ਸਿੱਧੂ ਦੇ ਪਿਛਲੇ ਗਾਣੇ ਨੇ ਪ੍ਰਸ਼ੰਸਕਾਂ ਦਾ ਧਿਆਨ ਹਜੇ ਤਕ ਆਪਣੇ ਵਲ ਬਣਾ ਕ ਰੱਖਿਆ ਹੋਇਆ ਹੈ। ਉਹ ਗਾਣਾ ਵੀ ਟਰੈਡਿੰਗ ਵਿਚ ਹੈ ਅਤੇ ਉਸਦੇ ਵਿਊਜ਼ ਹਜੇ ਵੀ ਵੱਧ ਰਹੇ ਹਨ। ਸਿੱਧੂ ਦੀ ਇਸ ਐਲਬਮ ਵਿੱਚੋਂ ਦਰਸ਼ਕਾਂ ਨੂੰ ਬਹੁਤ ਸਾਰੇ SURPRISE ਮਿਲਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
