Song Purani Yaari Release : ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਬੱਬੂ ਮਾਨ ਤੇ ਜੈਜ਼ੀ ਬੀ ਜਿਹਨਾਂ ਨੇ ਹੁਣ ਤੱਕ ਪੰਜਾਬੀ ਇੰਡਸਟਰੀ ਨੂੰ ਬਹੁਤ ਸਾਰੇ ਹਿੱਟ ਗੀਤ ਦਿੱਤੇ ਹਨ ਤੇ ਪ੍ਰਸ਼ੰਸਕਾਂ ਵਲੋਂ ਵੀ ਉਹਨਾਂ ਨੂੰ ਬਹੁਤ ਪਿਆਰ ਮਿਲਦਾ ਆ ਰਿਹਾ ਹੈ। ਹਾਲ ਹੀ ਵਿੱਚ ਉਹਨਾਂ ਨੇ ਆਪਣੇ ਇੱਕ ਆਉਣ ਵਾਲੇ ਨਵੇਂ ਗੀਤ ਦਾ ਪੋਸਟਰ ਆਪਣੇ ਸੋਸ਼ਲ ਮੀਡੀਆ ਤੇ ਸਾਂਝਾ ਕੀਤਾ ਸੀ ਜਿਸ ਤੋਂ ਬਾਅਦ ਉਹਨਾਂ ਦੇ ਪ੍ਰਸ਼ੰਸਕਾਂ ਦੇ ਵਿੱਚ ਉਹਨਾਂ ਦੇ ਇਸ ਗੀਤ ਨੂੰ ਸੁਨਣ ਦੀ ਉੱਤਸੁਕਤਾ ਹੋਰ ਵੀ ਵੱਧ ਗਈ।
ਦੱਸਣਯੋਗ ਹੈ ਕਿ ਅੱਜ ਉਹਨਾਂ ਦਾ ਪੂਰਾ ਗੀਤ ‘ਪੁਰਾਣੀ ਯਾਰੀ’ ਰਿਲੀਜ਼ ਹੋ ਗਿਆ ਹੈ। ਜਿਸ ਨੇ ਆਉਂਦਿਆਂ ਹੀ ਧਮਾਲਾਂ ਪਾ ਦਿੱਤੀਆਂ ਹਨ। ਫੈਨਜ਼ ਨੂੰ ਇਹ ਗੀਤ ਕਾਫੀ ਪਸੰਦ ਆ ਰਿਹਾ ਹੈ। ਦੱਸ ਦੇਈਏ ਕਿ ਇਸ ਗੀਤ ਨੂੰ ਬੱਬੂ ਮਾਨ ਦੁਆਰਾ ਲਿਖਿਆ ਗਿਆ ਹੈ , DIRECTOR – Harry Chahal , Music Harj Nagra , Vocals : Jazzy B / Babbu Maan , Video : TrueRoots Productions ਤੇ ਇਹ ਗੀਤ Jazzy B Records ਵਲੋਂ ਰਿਲੀਜ਼ ਕੀਤਾ ਗਿਆ ਹੈ।
ਜੈਜ਼ੀ ਬੀ ਨੇ ਆਪਣੇ ਸੋਸ਼ਲ ਮੀਡੀਆ ਤੇ ਗੀਤ ਦੇ ਰਿਲੀਜ਼ ਹੋਣ ਦੀ ਪੋਸਟ ਸਾਂਝੀ ਕੀਤੀ ਹੈ ਨਾਲ ਹੀ ਲਿਖਿਆ ਕਿ – ਸਿਰ ਦਾ ਹੈ ਤਾਜ਼ ਪੰਜਾਬੀ , ਨਾ ਲੋੜ ਸਨਮਾਨਾਂ ਦੀ ਯਾਰੀ ਹੈ ਬੜੀ ਪੁਰਾਣੀ , ਬੈਂਸਾਂ ਤੇ ਮਾਨਾ ਦੀ । ਉਹਨਾਂ ਦਾ ਇਹ ਗੀਤ ਕਿਸਾਨੀ ਧਰਨੇ ਨੂੰ ਸੁਪੋਰਟ ਕਰਦਾ ਹੋਇਆ ਹੈ ਤੇ ਹਰਿਆਣਾ ਤੇ ਪੰਜਾਬ ਦੇ ਵਿਚਲਾ ਦੋਸਤੀ ਨੂੰ ਦਰਸਾਉਂਦਾ ਹੈ। ਦੱਸ ਦੇਈਏ ਕੀ ਗਾਇਕ ਬੱਬੂ ਮਾਨ ਤੇ ਜੈਜ਼ੀ ਬੀ ਪਹਿਲੇ ਦਿਨ ਤੋਂ ਕਿਸਾਨੀ ਧਰਨੇ ਨੂੰ ਪੂਰੀ ਤਰਾਂ ਸੁਪੋਰਟ ਕਰ ਰਹੇ ਹਨ ਤੇ ਧਰਨੇ ਤੇ ਜਾ ਕੇ ਵੀ ਕਿਸਾਨਾਂ ਦਾ ਹੋਂਸਲਾ ਅਫਜਾਈ ਕਰ ਰਹੇ ਹਨ। ਬੱਬੂ ਮਾਨ ਤੇ ਜੈਜ਼ੀ ਬੀ ਦਾ ਇਹ ਗੀਤ ਬਹੁਤ ਚਿਰ ਬਾਅਦ ਇਕੱਠੀਆਂ ਆਇਆ ਹੈ ਸੋ ਜਿਸ ਦੇ ਚਲਦੇ ਪ੍ਰਸ਼ੰਸਕਾਂ ਦੇ ਵਿੱਚ ਇਸ ਗੀਤ ਨੂੰ ਸੁਨਣ ਦੀ ਉੱਤਸੁਕਤਾ ਹੋਰ ਵੀ ਵੱਧ ਗਈ ਸੀ ਤੇ ਅੱਜ ਇਸ ਗੀਤ ਦੇ ਆਉਂਦਿਆਂ ਹੀ ਗੀਤ ਨੇ ਸੋਸ਼ਲ ਮੀਡੀਆ ਤੇ ਚਾਰੇ ਪਾਸੇ ਧਮਾਲਾਂ ਪਾ ਦਿੱਤੀਆਂ ਹਨ।
ਇਹ ਵੀ ਦੇਖੋ : ਇਕਲੌਤੇ ਫੌਜੀ ਪੁੱਤ ਦੀ ਲਾਸ਼ ਅੱਗੇ, ਵੈਣ ਪਾਉਂਦਾ ਭੁੱਬਾਂ ਮਾਰ ਰੋਇਆ ਪਰਿਵਾਰ, ਵੇਖਿਆ ਨਹੀਂ ਜਾਂਦਾ ਹਾਲ…
