Star Akshay Kumar’s film : ਅਕਸ਼ੈ ਕੁਮਾਰ ਏਨੀਂ ਦਿਨੀਂ ਆਪਣੀ ਅਗਾਮੀ ਫ਼ਿਲਮਾਂ ਨੂੰ ਲੈ ਕੇ ਕਾਫੀ ਚਰਚਾ ਵਿੱਚ ਹਨ । ਇਸ ਸਾਲ ਅਕਸ਼ੈ ਕੁਮਾਰ ਦੀਆਂ ਕਈ ਫ਼ਿਲਮਾਂ ਇੱਕ ਤੋਂ ਬਾਅਦ ਇੱਕ ਰਿਲੀਜ਼ ਹੋਣਗੀਆਂ । ਇਸ ਸਭ ਦੇ ਚਲਦੇ ਕੇ ਆਰ ਕੇ ਨੇ ਅਕਸ਼ੈ ਕੁਮਾਰ ਦੇ ਖਿਲਾਫ ਇੱਕ ਤੋਂ ਬਾਅਦ ਇੱਕ ਕਈ ਟਵੀਟ ਕੀਤੇ ਹਨ । ਕੇ ਆਰ ਕੇ ਨੇ ਸਵੇਰੇ ਸਵੇਰੇ ਲਿਖੇ ਇੱਕ ਟਵੀਟ ਵਿੱਚ ਲਿਖਿਆ ਹੈ ‘ਅਕਸ਼ੈ ਕੁਮਾਰ ਦੀਆਂ ਫ਼ਿਲਮਾਂ ਨੂੰ ਖਰੀਦਣ ਲਈ ਕੋਈ ਵੀ ਵਿਕਰੇਤਾ ਮੌਜੂਦ ਨਹੀਂ ਹੈ ।
ਉਹਨਾਂ ਦੀ Sooryavanshi ਅਤੇ ਬੇਲ ਬਾਟਮ ਵਰਗੀਆਂ ਫ਼ਿਲਮਾਂ ਰਿਲੀਜ਼ ਨਹੀਂ ਹੋ ਪਾ ਰਹੀਆਂ । ਪਰ ਉਹ ਹਰ ਮਹੀਨੇ ਇੱਕ ਫ਼ਿਲਮ ਦਾ ਐਲਾਨ ਕਰ ਰਹੇ ਹਨ ਤੇ 24 ਘੰਟੇ ਸ਼ੂਟ ਕਰ ਰਹੇ ਹਨ ਕਿਉਂਕਿ ਉਹ ਜਾਣਦੇ ਹਨ ਕਿ ਉਹਨਾਂ ਕੋਲ ਪੈਸੇ ਕਮਾਉਣ ਲਈ ਅਗਲੇ ਦੋ ਤਿੰਨ ਸਾਲ ਹੀ ਬਾਕੀ ਹਨ । ਪਾਗਲ ਪ੍ਰੋਡਿਊਸਰ ਉਹਨਾਂ ਨੂੰ 125 ਕਰੋੜ ਰੁਪਏ ਦੇ ਰਹੇ ਹਨ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਅਕਸ਼ੈ ਦੀ ਫ਼ਿਲਮ Sooryavanshi 30 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ ।
ਰੋਹਿਤ ਸ਼ੈੱਟੀ ਦੇ ਨਿਰਦੇਸ਼ਨ ਵਿੱਚ ਬਣੀ ਇਸ ਫ਼ਿਲਮ ਵਿੱਚ ਅਜੇ ਦੇਵਗਨ ’ਤੇ ਰਣਵੀਰ ਸਿੰਘ ਦਾ ਕੈਮੀਓ ਵੀ ਹੋਵੇਗਾ । ਅਕਸ਼ੈ ਕੁਮਾਰ ਦੇ ਵਰਕ ਫ਼ਰੰਟ ਦੀ ਗੱਲ ਕਰੀਏ ਤਾ ਉਹਨਾਂ ਨੇ ਹੁਣ ਤੱਕ ਬਹੁਤ ਸਾਰੀਆਂ ਫਿਲਮਾਂ ਦੇ ਵਿੱਚ ਕੰਮ ਕੀਤਾ ਹੈ ਪ੍ਰਸ਼ੰਸਕਾਂ ਵਲੋਂ ਉਹਨਾਂ ਨੂੰ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ ਪਰ ਪਿਛਲੇ ਕੁੱਝ ਸਮੇ ਤੋਂ ਚੱਲ ਰਹੇ ਕਿਸਾਨੀ ਅੰਦੋਲਨ ਨੂੰ ਅਕਸ਼ੈ ਕੁਮਾਰ ਸੁਪੋਰਟ ਕਰਦੇ ਹੋਏ ਨਹੀਂ ਨਜਰ ਆਏ ਉਹਨਾਂ ਨੇ ਇਸ ਨੂੰ ਦੇਸ਼ ਵਿਰੁੱਧ ਪ੍ਰੋਪੇਗੰਡਾ ਦਸਦੇ ਹੋਏ ਟਵੀਟ ਸਾਂਝੀ ਕੀਤੀ ਸੀ।
