ਚੁਲਬੁਲਾ, ਪਾਵਰ-ਪੈਕਡ, ਕਾਮੇਡੀ ਅਤੇ ਮਨੋਰੰਜਕ, ਆਉਣ ਵਾਲੀ ਪੰਜਾਬੀ ਫਿਲਮ, ਫੁੱਫੜ ਜੀ ਦੇ ਟ੍ਰੇਲਰ ਨੇ ਪੰਜਾਬੀ ਫਿਲਮ ਪ੍ਰੇਮੀਆਂ ਵਿੱਚ ਬਹੁਤ ਉਤਸੁਕਤਾ ਪੈਦਾ ਕੀਤੀ ਹੈ। ਟ੍ਰੇਲਰ ਨੂੰ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲਿਆ ਹੈ। ਇਸ ਫਿਲਮ ਵਿੱਚ ਬਿੰਨੂ ਢਿੱਲੋਂ ਵੱਡੇ ਫੁੱਫੜ ਦੇ ਰੂਪ ਵਿੱਚ ਅਤੇ ਡਾਇਮੰਡ ਬੁਆਏ ਗੁਰਨਾਮ ਭੁੱਲਰ ਛੋਟੇ ਫੁੱਫੜ ਦੇ ਰੂਪ ਵਿੱਚ ਨਜ਼ਰ ਆਉਣਗੇ, ਉਹਨਾਂ ਦੇ ਨਾਲ ਜੈਸਮੀਨ ਬਾਜਵਾ ਅਤੇ ਸਿਧਿਕਾ ਸ਼ਰਮਾ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਹ ਕਾਮੇਡੀ ਡਰਾਮਾ ਫਿਲਮ 19ਵੀਂ ਸਦੀ ਦੀ ਕਹਾਣੀ ਪੇਸ਼ ਕਰੇਗੀ ਕਿ ਕਿਵੇਂ ਸਹੁਰੇ ਜਵਾਈ ਨੂੰ ਇੱਜ਼ਤ ਅਤੇ ਵਿਸ਼ੇਸ਼ ਮਾਣ ਦਿੰਦੇ ਸਨ।
ਟ੍ਰੇਲਰ ਉਜਾਗਰ ਕਰਦਾ ਹੈ ਕਿ ‘ਫੁੱਫਡ ਜੀ’ ਵਿੱਚ ਕਾਮੇਡੀ, ਡਰਾਮਾ ਅਤੇ ਮਨੋਰੰਜਨ ਦਾ ਸੰਪੂਰਨ ਸੁਮੇਲ ਹੈ, ਜੋ ਇਸਨੂੰ ਇੱਕ ਸੰਪੂਰਣ ਪਰਿਵਾਰਕ ਫਿਲਮ ਬਣਾਉਂਦਾ ਹੈ! 11 ਨਵੰਬਰ ਨੂੰ ਰਿਲੀਜ਼ ਹੋ ਰਹੀ ਇਸ ਫਿਲਮ ‘ਚ ਜਿੱਥੇ ਤੁਸੀਂ ਵੱਡੇ ਅਤੇ ਛੋਟੇ ਜਵਾਈ ‘ਚ ਨਿੱਕੇ ਨਿੱਕੇ ਝਗੜੇ ਦੇਖੋਗੇ, ਉੱਥੇ ਹੀ ਸਹੁਰੇ ਵਾਲੇ ਵੀ ਦੋਹਾਂ ਦੇ ਗੁੱਸੇ ਨੂੰ ਝੱਲਦੇ ਹੋਏ ਨਜ਼ਰ ਆਉਣਗੇ।
ਫਿਲਮ ਦੀ ਕਹਾਣੀ ਅਤੇ ਸਕਰੀਨਪਲੇਅ ਹੀ ਨਹੀਂ, ਫਿਲਮ ਦੇ ਗੀਤ ਵੀ ਦਰਸ਼ਕਾਂ ‘ਚ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਬਲਾਕਬਸਟਰ ਹਿੱਟ ਪੰਜਾਬੀ ਫਿਲਮ ਬੰਬੂਕਾਟ ਦੇਣ ਤੋਂ ਬਾਅਦ, ਨਿਰਦੇਸ਼ਕ ਪੰਕਜ ਬੱਤਰਾ 11 ਨਵੰਬਰ ਨੂੰ ‘ਫੁੱਫੜ ਜੀ’ ਰਿਲੀਜ਼ ਕਰਨ ਲਈ ਤਿਆਰ ਹਨ, ਜੋ ਕਿ ਬੰਬੂਕਾਟ ਤੋਂ ਅਗਲੇ ਪੱਧਰ ‘ਤੇ ਹੋਣ ਜਾ ਰਿਹਾ ਹੈ।
ਬੰਬੂਕਾਟ ਵਿੱਚ, ਅਸੀਂ ਵੱਡੇ ‘ਜੀਜੇ’ ਅਤੇ ਛੋਟੇ ‘ਜੀਜੇ’ ਵਿਚਕਾਰ ਸਬੰਧ ਅਤੇ ਹਉਮੈ ਦੀ ਸੰਤੁਸ਼ਟੀ ਲਈ ਉਹਨਾਂ ਦੀ ਲੜਾਈ ਦੇਖੀ। ਹੁਣ, ਫੁੱਫਡ ਜੀ ਵਿੱਚ, ਤੁਸੀਂ ਵੱਡੇ ‘ਫੁੱਫਡ’ ਅਤੇ ਛੋਟੇ ‘ਫੁੱਫਡ’ ਵਿਚਕਾਰ ਹਉਮੈ ਦੀ ਸੰਤੁਸ਼ਟੀ ਲਈ ਲੜਾਈ ਦੇ ਗਵਾਹ ਹੋਵੋਗੇ।
ਫਿਲਮ ‘ਫੁੱਫੜ ਜੀ’ ਰਾਜੂ ਵਰਮਾ ਦੁਆਰਾ ਲਿਖੀ ਗਈ ਹੈ ਅਤੇ ਪੰਕਜ ਬੱਤਰਾ ਦੁਆਰਾ ਨਿਰਦੇਸ਼ਤ ਹੈ। ਜ਼ੀ ਸਟੂਡੀਓਜ਼ ਅਤੇ ਕੇ ਕੁਮਾਰ ਦੁਆਰਾ ਨਿਰਮਿਤ, ਇਹ ਫਿਲਮ ਜ਼ੀ ਸਟੂਡੀਓਜ਼ ਅਤੇ ਕੇ ਕੁਮਾਰ ਸਟੂਡੀਓਜ਼ ਦੁਆਰਾ ਦੁਨੀਆ ਭਰ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
Atta Burfi Recipe | ਦੁੱਧ ਅਤੇ ਖੋਏ ਤੋਂ ਬਿਨਾਂ ਆਟਾ ਬਰਫੀ | Wheat Flour Burfi | Diwali Special Desserts
