ਮਾਧੋਪੁਰ UBDC ਨਹਿਰ ਵਿਖੇ ਇਕ ਪਰਿਵਾਰ ਨਾਲ ਹਾਦਸਾ ਵਾਪਰਿਆ ਹੈ। ਮਾਤਾ ਵੈਸ਼ਨੋ ਦੇਵੀ ਦੇ ਦਰਸ਼ਨ ਕਰਕੇ ਵਾਪਸ ਨੋਇਡਾ ਜਾ ਰਹੇ ਪਰਿਵਾਰ ਨੇ ਫੋਟੋ ਖਿਚਵਾਉਣ ਲਈ ਮਾਧੋਪੁਰ ਵਿਖੇ ਗੱਡੀ ਰੋਕ ਲਈ। ਇਸ ਦੌਰਾਨ ਫੋਟੋ ਖਿੱਚ ਰਹੇ ਬੇਟੇ ਦਾ ਅਚਾਨਕ ਪੈਰ ਤਿਲਕ ਗਿਆ ਅਤੇ ਉਹ ਨਹਿਰ ਵਿੱਚ ਡਿੱਗ ਗਿਆ। ਬੇਟੇ ਨੂੰ ਨਹਿਰ ‘ਚ ਡਿੱਗਦਾ ਦੇਖ ਪਿਤਾ ਨੇ ਵੀ ਉਸ ਨੂੰ ਬਚਾਉਣ ਲਈ ਛਾਲ ਮਾਰ ਦਿੱਤੀ। ਹਾਲਾਂਕਿ ਬੇਟਾ ਨਹਿਰ ‘ਚ ਰੇਲਿੰਗ ਦੀ ਮਦਦ ਨਾਲ ਬਾਹਰ ਨਿਕਲ ਗਿਆ। ਪਰ ਪਿਤਾ ਨਹਿਰ ਦੇ ਤੇਜ਼ ਵਹਾਅ ਨਾਲ ਰੁੜ੍ਹ ਗਿਆ।
ਮ੍ਰਿਤਕ ਦੀ ਪਛਾਣ ਸੰਜੀਵ ਕੌਲ ਵਾਸੀ ਨੋਇਡਾ ਵੱਜੋਂ ਹੋਈ ਹੈ। ਹਾਦਸੇ ਦੀ ਜਾਣਕਾਰੀ ਦਿੰਦਿਆਂ ਮ੍ਰਿਤਕ ਦੀ ਪਤਨੀ ਜਵਾਲਾ ਕੌਲ ਨੇ ਦੱਸਿਆ ਕਿ ਉਹ ਨੋਇਡਾ ਤੋਂ ਮਾਤਾ ਵੈਸ਼ਨੋ ਦੇਵੀ ਦੇ ਦਰਸ਼ਨਾਂ ਲਈ ਗਏ ਸੀ। ਜਦੋਂ ਉਹ ਮਾਧੋਪੁਰ ਇਲਾਕੇ ਵਿੱਚ ਵਗਦੀ ਨਹਿਰ ਕੋਲ ਫੋਟੋਆਂ ਖਿੱਚਣ ਲਈ ਰੁਕੇ ਤਾਂ ਪੁੱਤਰ ਕਨਵ ਕੌਲ ਦੀ ਲੱਤ ਤਿਲਕ ਗਈ ਅਤੇ ਉਹ ਨਹਿਰ ਵਿੱਚ ਡਿੱਗ ਗਿਆ। ਕਨਵ ਰੇਲਿੰਗ ਦੀ ਮਦਦ ਨਾਲ ਬਾਹਰ ਨਿਕਲਿਆ। ਪਰ ਉਸ ਨੂੰ ਬਚਾਉਣ ਲਈ ਗਏ ਪਤੀ ਸੰਜੀਵ ਦੀ ਨਹਿਰ ‘ਚ ਮੌਤ ਹੋ ਗਈ। ਇਸ ‘ਤੋਂ ਬਾਅਦ ਉਨ੍ਹਾਂ ਪੁਲਿਸ ਨੂੰ ਸੂਚਨਾ ਦਿੱਤੀ।
ਇਹ ਵੀ ਪੜ੍ਹੋ : CM ਭਗਵੰਤ ਮਾਨ ਹੋਲਾ-ਮਹੱਲਾ ਮੌਕੇ ਤਖ਼ਤ ਸ਼੍ਰੀ ਕੇਸਗੜ੍ਹ ਸਾਹਿਬ ‘ਚ ਹੋਏ ਨਤਮਸਤਕ
ਇਸ ਘਟਨਾ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਦੀ ਟੀਮ ਮੌਕੇ ’ਤੇ ਪੁੱਜੀ। ਥਾਣਾ ਮੁਖੀ ਇੰਦਰਜੀਤ ਨੇ ਜਾਂਚ ਲਈ ਜਦੋਂ ਜਵਾਲਾ ਕੌਲ ਦਾ ਮੋਬਾਈਲ ਫੋਨ ਚੈੱਕ ਕੀਤੀ ਤਾਂ ਉਸ ਵਿੱਚ ਕੁਝ ਤਸਵੀਰਾਂ ਮਿਲੀਆਂ। ਜਿੱਥੇ ਸੰਜੀਵ ਕੌਲ ਅਤੇ ਉਸ ਦੀ ਪਤਨੀ ਨੇ ਨਹਿਰ ਦੇ ਕੰਢੇ ਕੁਝ ਫੋਟੋਆਂ ਖਿਚਵਾਈਆਂ ਸਨ। ਇੰਦਰਜੀਤ ਨੇ ਦੱਸਿਆ ਕਿ ਪੁਲਿਸ ਨੇ ਸੰਜੀਵ ਕੌਲ ਦੀ ਲਾਸ਼ ਨੂੰ ਬਰਾਮਦ ਕਰਕੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ। ਪਰਿਵਾਰ ਦੇ ਬਿਆਨਾਂ ‘ਤੇ ਕਾਰਵਾਈ ਕਰਕੇ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
