ਸਰਦੀਆਂ ਦੇ ਮੌਸਮ ਵਿਚ ਕਈ ਮੌਸਮੀ ਚੀਜ਼ਾਂ ਆਉਂਦੀਆਂ ਹਨ ਜਿਨ੍ਹਾਂ ਨੂੰ ਖਾਣਾ ਸਿਹਤ ਲਈ ਕਾਫੀ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ। ਇਹ ਵਿੰਟਰ ਫੂਡਸ ਨਾ ਸਿਰਫ ਸੁਆਦ ਵਧਾਉਣ ਦਾ ਕੰਮ ਕਰਦੇ ਹਨ ਸਗੋਂ ਸਰੀਰ ਨੂੰ ਕਈ ਸਮੱਸਿਆਵਾਂ ਤੋਂ ਬਚਾਉਣ ਵਿਚ ਵੀ ਮਦਦ ਕਰ ਸਕਦੇ ਹਨ। ਸਰਦੀਆਂ ਦੇ ਮੌਸਮ ਵਿਚ ਮਿਲਣ ਵਾਲੀ ਸ਼ਕਰਕੰਦ ਉਨ੍ਹਾਂ ਸਬਜ਼ੀਆਂ ਵਿਚੋਂ ਇਕ ਹੈ। ਸ਼ਕਰਕੰਦ ਨੂੰ ਸਵੀਟ ਪੋਟੈਟੋ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ।ਇਹ ਇਕ ਅਜਿਹਾ ਸੁਪਰ ਫੂਡ ਹੈ ਜੋ ਸਰਦੀਆਂ ਵਿਚ ਤੁਹਾਡੇ ਸਰੀਰ ਨੂੰ ਗਰਮ ਰੱਖਣ ਵਿਚ ਮਦਦ ਕਰਦਾ ਹੈ। ਸ਼ਕਰਕੰਦ ਨੂੰ ਡਾਇਬਟੀਜ਼ ਰੋਗੀਆਂ ਲਈ ਵੀ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਸ਼ਕਰਕੰਦ ਵਿਚ ਫਾਈਬਰ, ਐਂਟੀ ਆਕਸੀਡੈਂਟਸ, ਵਿਟਾਮਿਨ ਤੇ ਵਿਟਾਮਿਨ ਬੀ6 ਪਾਇਆ ਜਾਂਦਾ ਹੈ। ਸ਼ਕਰਕੰਦ ਇਕ ਜੜ੍ਹ ਆਧਾਰਿਤ ਸਬਜ਼ੀ ਹੈ ਜੋ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨੀ ਜਾਂਦੀ ਹੈ।
ਡਾਇਬਟੀਜ਼ ‘ਚ : ਠੰਡ ਦੇ ਮੌਸਮ ਵਿਚ ਡਾਇਬਟੀਜ਼ ਰੋਗੀਆਂ ਨੂੰ ਆਪਣੀ ਡਾਇਟ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ ਕਿਉਂਕਿ ਇਸ ਮੌਸਮ ਵਿਚ ਉਨ੍ਹਾਂ ਲਈ ਖਤਰਾ ਹੋਰ ਵਧ ਜਾਂਦਾ ਹੈ। ਸ਼ਕਰਕੰਦ ਡਾਇਬਟੀਜ਼ ਰੋਗੀਆਂ ਲਈ ਫਾਇਦੇਮੰਦ ਹੈ। ਸਫੈਦ ਸਕਿਨ ਵਾਲੀ ਸ਼ਕਰਕੰਦ ਦੇ ਸੇਵਨ ਨਾਲ ਡਾਇਬਟੀਜ਼ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
ਪਾਚਣ ‘ਚ : ਸ਼ਕਰਕੰਦ ਕਬਜ਼ ਤੋਂ ਰਾਹਤ ਦਿਵਾਉਣ ਵਿਚ ਵੀ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਜਿਹੜੇ ਲੋਕਾਂ ਨੂੰ ਪੇਟ ਦੀ ਬੀਮਾਰੀ ਹੁੰਦੀ ਹੈ ਉਨ੍ਹਾਂ ਨੂੰ ਸ਼ਕਰਕੰਦ ਦਾ ਸੇਵਨ ਰਾਹਤ ਦਿਵਾ ਸਕਦਾ ਹੈ।
ਇਮਊਨਿਟੀ ਲਈ : ਇਮਊਨਿਟੀ ਵਧਾਉਣ ਲਈ ਤੁਸੀਂ ਸ਼ਕਰਕੰਦ ਦਾ ਸੇਵਨ ਕਰ ਸਕਦੇ ਹੋ। ਸ਼ਕਰਕੰਦ ਵਿਚ ਵਿਟਾਮਿਨ ਸੀ ਪਾਇਆ ਜਾਂਦਾ ਹੈ ਜੋ ਇਮਊਨਿਟੀ ਨੂੰ ਮਜ਼ਬੂਤ ਬਣਾਉਣ ਵਿਚ ਮਦਦ ਕਰ ਸਕਦਾ ਹੈ। ਇਮਊਨਿਟੀ ਸਰਦੀ, ਖਾਂਸੀ ਤੇ ਵਾਇਰਲ ਇੰਫੈਕਸ਼ਨ ਤੋਂ ਬਚਾਉਣ ਵਿਚ ਮਦਦਗਾਰ ਹੈ।
ਅਸਥਮਾ ‘ਚ : ਸ਼ਕਰਕੰਦ ਵਿਚ ਕੋਲੀਨ ਹੁੰਦਾ ਹੈ। ਇਹ ਪੌਸ਼ਕ ਤੱਤ ਮਾਸਪੇਸ਼ੀਆਂ ਦੀ ਰਫਤਾਰ, ਸਿੱਖਣ ਤੇ ਯਾਦਦਾਸ਼ਤ ਨੂੰ ਬਣਾਏ ਰੱਖਣ ਵਿਚ ਵੀ ਮਦਦ ਕਰਦਾ ਹੈ।ਇੰਨਾ ਹੀ ਨਹੀਂ ਸ਼ਕਰਕੰਦ ਨੂੰ ਅਸਥਪਾ ਤੇ ਸਾਹ ਸਬੰਧੀ ਸਮੱਸਿਆਵਾਂ ਲਈ ਵੀ ਫਾਇਦੇਮੰਦ ਹੈ।
ਮੋਟਾਪੇ ‘ਚ : ਸ਼ਕਰਕੰਦ ਨੂੰ ਆਲੂ ਦੀ ਤੁਲਨਾ ਵਿਚ ਜ਼ਿਆਦਾ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਭਾਰ ਨੂੰ ਘੱਟ ਕਰਨਾ ਚਾਹੁੰਦੇ ਹੋ ਤਾਂ ਆਪਣੀ ਡਾਇਟ ਵਿਚ ਸ਼ਕਰਕੰਦ ਨੂੰ ਸ਼ਾਮਲ ਕਰ ਸਕਦੇ ਹੋ।
ਵੀਡੀਓ ਲਈ ਕਲਿੱਕ ਕਰੋ : –
