flax seed health benefits: ਬਦਲਦੇ ਲਾਈਫਸਟਾਈਲ ‘ਚ ਦਿਲ ਦੀਆਂ ਸਮੱਸਿਆਵਾਂ ਅਤੇ ਕੋਲੈਸਟ੍ਰੋਲ ਦਾ ਵਧਣਾ ਬਹੁਤ ਆਮ ਗੱਲ ਹੈ। ਜੇਕਰ ਤੁਹਾਨੂੰ ਵੀ ਇਹ ਸਾਰੀਆਂ ਸਮੱਸਿਆਵਾਂ ਹਨ ਤਾਂ ਘਬਰਾਉਣ ਦੀ ਲੋੜ ਨਹੀਂ ਹੈ। ਤੁਹਾਨੂੰ ਸਿਰਫ ਆਪਣੀ ਡਾਇਟ ‘ਚ ਇੱਕ ਛੋਟੀ ਜਿਹੀ ਚੀਜ਼ ਨੂੰ ਸ਼ਾਮਲ ਕਰਨ ਦੀ ਲੋੜ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਫਲੈਕਸਸੀਡ ਦੀ ਜੋ ਤਿਲ ਵਰਗੀ ਦਿਖਾਈ ਦਿੰਦੀ ਹੈ। ਫਲੈਕਸਸੀਡ ਦੇ ਛੋਟੇ ਬੀਜਾਂ ‘ਚ ਸਰੀਰ ਲਈ ਬਹੁਤ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦਾ ਭੰਡਾਰ ਹੁੰਦਾ ਹੈ ਜੋ ਕਈ ਗੰਭੀਰ ਬਿਮਾਰੀਆਂ ਤੋਂ ਛੁਟਕਾਰਾ ਪਾਉਣ ‘ਚ ਮਦਦ ਕਰਦਾ ਹੈ। ਫਲੈਕਸਸੀਡ ਲਿਗਨਾਨ ਨਾਲ ਭਰਪੂਰ ਹੁੰਦਾ ਹੈ ਅਤੇ ਇਸ ‘ਚ ਐਸਟ੍ਰੋਜਨ ਅਤੇ ਐਂਟੀਆਕਸੀਡੈਂਟ ਦੋਵੇਂ ਗੁਣ ਹੁੰਦੇ ਹਨ। ਤੁਸੀਂ ਫਲੈਕਸਸੀਡ ਨੂੰ ਆਪਣੇ ਭੋਜਨ ‘ਚ ਮਿਲਾ ਕੇ ਜਾਂ ਗਰਮ ਪਾਣੀ ‘ਚ ਉਬਾਲ ਕੇ ਇਸ ਦਾ ਸੇਵਨ ਕਰ ਸਕਦੇ ਹੋ।
ਆਓ ਜਾਣਦੇ ਹਾਂ ਫਲੈਕਸਸੀਡ ਦੇ ਕੁਝ ਹੈਰਾਨੀਜਨਕ ਫਾਇਦੇ
ਪਾਚਨ ਤੰਤਰ ਸੁਧਾਰਨ ‘ਚ ਮਦਦਗਾਰ: ਜ਼ਿਆਦਾਤਰ ਲੋਕ ਮਸਾਲੇਦਾਰ ਜੰਕ ਫੂਡ ਬੜੇ ਚਾਅ ਨਾਲ ਖਾਂਦੇ ਹਨ ਪਰ ਇਹ ਸਿਹਤ ਲਈ ਬਹੁਤ ਹਾਨੀਕਾਰਕ ਹੈ ਅਤੇ ਪਾਚਨ ਤੰਤਰ ਨੂੰ ਕਮਜ਼ੋਰ ਕਰਦਾ ਹੈ। ਪਾਚਨ ਤੰਤਰ ਨੂੰ ਮਜ਼ਬੂਤ ਰੱਖਣ ਲਈ ਫਲੈਕਸਸੀਡ ਨੂੰ ਉਬਾਲ ਕੇ ਖਾਣਾ ਜ਼ਰੂਰੀ ਹੈ। ਰੋਜ਼ਾਨਾ ਦੋ ਚੱਮਚ ਫਲੈਕਸਸੀਡ ਨੂੰ ਪਾਣੀ ‘ਚ ਉਬਾਲੋ ਅਤੇ ਨਮਕ ਮਿਲਾ ਕੇ ਇਸ ਦਾ ਸੇਵਨ ਕਰੋ। ਤੁਹਾਨੂੰ ਪਾਚਨ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਰਾਹਤ ਮਿਲੇਗੀ।
![flax seed health benefits](https://dailypost.in/wp-content/uploads/2022/10/9-4.jpg)
ਕੈਂਸਰ ਤੋਂ ਬਚਾਅ: ਫਲੈਕਸਸੀਡ ‘ਚ ਮੌਜੂਦ ਮਿਸ਼ਰਣ ਬ੍ਰੈਸਟ, ਪ੍ਰੋਸਟੇਟ ਅਤੇ ਕੋਲਨ ਕੈਂਸਰ ਤੋਂ ਬਚਾ ਸਕਦਾ ਹੈ। ਇੱਕ ਲੈਬ ਸਟੱਡੀ ‘ਚ ਇਹ ਪਾਇਆ ਗਿਆ ਹੈ ਕਿ ਇਸ ‘ਚ ਮੌਜੂਦ ਮਿਸ਼ਰਣ ਟਿਊਮਰ ਦੇ ਫੈਲਣ ਨੂੰ ਰੋਕ ਸਕਦੇ ਹਨ।
![flax seed health benefits](https://dailypost.in/wp-content/uploads/2022/10/8-5.jpg)
ਸ਼ੂਗਰ ਨੂੰ ਕੰਟਰੋਲ ਕਰਨ ‘ਚ ਮਦਦਗਾਰ: ਲਿਗਨਾਸ ਫਲੈਕਸਸੀਡ ‘ਚ ਪਾਇਆ ਜਾਂਦਾ ਹੈ। ਜੋ ਬਲੱਡ ਸ਼ੂਗਰ ਲੈਵਲ ਨੂੰ ਸੁਧਾਰਦਾ ਹੈ। ਖੋਜ ਦੇ ਅਨੁਸਾਰ ਇਹ ਟਾਈਪ 2 ਡਾਇਬਟੀਜ਼ ਤੋਂ ਪੀੜਤ ਲੋਕਾਂ ਲਈ ਫਾਇਦੇਮੰਦ ਹੈ।
![flax seed health benefits](https://dailypost.in/wp-content/uploads/2022/10/7-4.jpg)
ਸਕਿਨ ਗਲੋਇੰਗ: ਫਲੈਕਸ ਦੇ ਬੀਜਾਂ ‘ਚ ਲਿਗਨਾਨ ਅਤੇ ਬਹੁਤ ਸਾਰੇ ਐਂਟੀਆਕਸੀਡੈਂਟ ਹੁੰਦੇ ਹਨ। ਜੋ ਚਿਹਰੇ ‘ਤੇ ਝੁਰੜੀਆਂ ਨੂੰ ਰੋਕਣ ‘ਚ ਮਦਦ ਕਰ ਸਕਦਾ ਹੈ। ਅਲਸੀ ਦੇ ਤੇਲ ਨੂੰ ਸਕਿਨ ‘ਤੇ ਲਗਾਉਣ ਨਾਲ ਸੈਂਸੀਟੀਵਿਟੀ, ਡ੍ਰਾਇਨੈੱਸ ਅਤੇ ਸਕੇਲਿੰਗ ਵਰਗੀਆਂ ਸਮੱਸਿਆਵਾਂ ਦੂਰ ਹੋ ਸਕਦੀਆਂ ਹਨ। ਫਲੈਕਸਸੀਡ ‘ਚ ਮੌਜੂਦ ਫੈਟੀ ਐਸਿਡ ਸਕਿਨ ਨੂੰ ਨਰਮ ਰੱਖਣ ‘ਚ ਵੀ ਮਦਦ ਕਰਦੇ ਹਨ। ਇਸ ਤੋਂ ਇਲਾਵਾ ਇਹ ਵਾਲਾਂ ਦੇ ਝੜਨ, ਐਗਜ਼ੀਮਾ ਅਤੇ ਡੈਂਡਰਫ ਨੂੰ ਰੋਕਣ ‘ਚ ਵੀ ਮਦਦਗਾਰ ਹੈ।
![](https://dailypost.in/wp-content/uploads/2022/10/6-3.jpg)
ਭਾਰ ਘਟਾਉਣ ‘ਚ ਲਾਭਦਾਇਕ: ਫਲੈਕਸਸੀਡ ਭਾਰ ਘਟਾਉਣ ਲਈ ਵੀ ਫਾਇਦੇਮੰਦ ਹੈ। ਫਲੈਕਸ ਦੇ ਬੀਜ ਫਾਈਬਰ ਨਾਲ ਭਰੇ ਹੁੰਦੇ ਹਨ ਜਿਸ ਨੂੰ ਮਿਊਸਿਲੇਜ ਕਿਹਾ ਜਾਂਦਾ ਹੈ ਜੋ ਭੁੱਖ ਦੀ ਕਰੇਵਿੰਗ ਨੂੰ ਘਟਾ ਸਕਦਾ ਹੈ। ਇਸ ਨਾਲ ਤੁਹਾਨੂੰ ਗੈਰ-ਸਿਹਤਮੰਦ ਚੀਜ਼ਾਂ ਖਾਣ ‘ਤੇ ਕੰਟਰੋਲ ਰਹੇਗਾ ਅਤੇ ਹਾਈ ਕੋਲੈਸਟ੍ਰੋਲ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲੇਗਾ।
ਅੱਜ ਦੇ ਭੱਜ-ਦੌੜ ਭਰੇ ਲਾਈਫਸਟਾਈਲ ‘ਚ ਕੋਈ ਵੀ ਆਪਣੀ ਸਿਹਤ ਵੱਲ ਜ਼ਿਆਦਾ ਧਿਆਨ ਨਹੀਂ ਦੇ ਰਿਹਾ ਜਿਸ ਕਾਰਨ ਬਿਮਾਰੀਆਂ ਦਾ ਖਤਰਾ ਜ਼ਿਆਦਾ ਰਹਿੰਦਾ ਹੈ ਪਰ ਫਲੈਕਸਸੀਡ ਦਾ ਸੇਵਨ ਕਰਨ ਨਾਲ ਤੁਸੀਂ ਜ਼ਿਆਦਾਤਰ ਬਿਮਾਰੀਆਂ ਤੋਂ ਛੁਟਕਾਰਾ ਪਾ ਸਕਦੇ ਹੋ।