Gathia pain home remedies: ਬੀਮਾਰੀਆਂ ਤੋਂ ਛੁਟਕਾਰਾ ਪਾਉਣ ਲਈ ਜ਼ਰੂਰੀ ਨਹੀਂ ਕਿ ਤੁਸੀਂ ਸਿਰਫ਼ ਦਵਾਈਆਂ ਹੀ ਲਓ। ਤੁਸੀਂ ਕੁਝ ਘਰੇਲੂ ਨੁਸਖਿਆਂ ਨਾਲ ਵੀ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਖ਼ਰਾਬ ਲਾਈਫਸਟਾਈਲ ਕਾਰਨ ਸ਼ੂਗਰ, ਹਾਈ ਬਲੱਡ ਪ੍ਰੈਸ਼ਰ, ਕੈਂਸਰ ਵਰਗੀਆਂ ਬਿਮਾਰੀਆਂ ਵਧ ਰਹੀਆਂ ਹਨ। ਜਿਨ੍ਹਾਂ ‘ਚੋਂ ਗਠੀਆ ਇੱਕ ਅਜਿਹੀ ਸਥਿਤੀ ਹੈ ਜਿਸ ਕਾਰਨ ਸਰੀਰ ‘ਚ ਕਈ ਤਰ੍ਹਾਂ ਦੇ ਦਰਦ ਹੁੰਦੇ ਹਨ। ਗਠੀਆ ਦੇ ਦਰਦ ‘ਚ ਜੋੜਾਂ ‘ਚ ਦਰਦ ਅਤੇ ਅਕੜਾਅ ਵਰਗੀਆਂ ਸਮੱਸਿਆਵਾਂ ਵੀ ਸ਼ਾਮਲ ਹੁੰਦੀਆਂ ਹਨ। ਇਸ ਦਰਦ ਤੋਂ ਤੁਸੀਂ ਸਿਰਫ਼ ਦਵਾਈਆਂ ਹੀ ਨਹੀਂ ਬਲਕਿ ਕੁਝ ਘਰੇਲੂ ਨੁਸਖਿਆਂ ਨਾਲ ਵੀ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਗਠੀਏ ਦੇ ਦਰਦ ਲਈ ਤੇਜ਼ ਪੱਤਾ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਦਰਦ ਤੋਂ ਰਾਹਤ ਪਾਉਣ ਲਈ ਤੁਸੀਂ ਇਸ ਦਾ ਸੇਵਨ ਕਰ ਸਕਦੇ ਹੋ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਦੇ ਫਾਇਦੇ…
ਤੇਜ਼ ਪੱਤਾ ਦੇਵੇਗਾ ਦਰਦ ਤੋਂ ਰਾਹਤ: ਤੇਜ਼ ਪੱਤੇ ‘ਚ ਬਹੁਤ ਸਾਰੇ ਐਂਟੀ-ਇੰਫਲਾਮੇਟਰੀ ਗੁਣ ਪਾਏ ਜਾਂਦੇ ਹਨ। ਆਯੁਰਵੇਦ ਦੇ ਅਨੁਸਾਰ ਤੁਸੀਂ ਦਰਦ ਤੋਂ ਰਾਹਤ ਪਾਉਣ ਲਈ ਤੇਜ਼ ਪੱਤੇ ਦੇ ਤੇਲ ਦੀ ਵਰਤੋਂ ਕਰ ਸਕਦੇ ਹੋ। ਖੋਜ ‘ਚ ਤੇਜ਼ ਪੱਤੇ ਦੇ ਗੁਣਾਂ ਬਾਰੇ ਵੀ ਦੱਸਿਆ ਗਿਆ ਹੈ। ਉਨ੍ਹਾਂ ਦੇ ਅਨੁਸਾਰ ਤੇਜ਼ ਪੱਤੇ ਦੀ ਵਰਤੋਂ ਨਾਲ ਜ਼ਖ਼ਮ ਬਹੁਤ ਜਲਦੀ ਠੀਕ ਹੋ ਜਾਂਦੇ ਹਨ। ਤੇਜ਼ ਪੱਤੇ ‘ਚ ਪਾਏ ਜਾਣ ਵਾਲੇ ਐਂਟੀਬੈਕਟੀਰੀਅਲ ਅਤੇ ਐਂਟੀਵਾਇਰਲ ਗੁਣਾਂ ਦੇ ਕਾਰਨ ਇਹ ਜ਼ਖ਼ਮ ਨੂੰ ਜਲਦੀ ਭਰਨ ‘ਚ ਮਦਦ ਕਰਦਾ ਹੈ।
ਸੂਪ ਤੋਂ ਪਾਓ ਰਾਹਤ: ਖੋਜ ਦੇ ਅਨੁਸਾਰ ਤੇਜ਼ਪੱਤਾ ‘ਚ ਹਾਈਡ੍ਰੋਕਸਾਈਪ੍ਰੋਲਿਨ ਨਾਮਕ ਤੱਤ ਪਾਇਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਕੋਲੇਜਨ ਵੀ ਭਰਪੂਰ ਹੁੰਦਾ ਹੈ। ਹਾਲ ਹੀ ਦੀ ਖੋਜ ਦੇ ਅਨੁਸਾਰ ਗਠੀਆ ਤੋਂ ਪੀੜਤ ਲੋਕਾਂ ਨੂੰ ਤੇਜ਼ਪੱਤਾ ਦਾ ਸੂਪ ਦਿੱਤਾ ਗਿਆ ਸੀ, ਜਿਸਦਾ ਸੇਵਨ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਜੋੜਾਂ ਦੇ ਦਰਦ ਤੋਂ ਬਹੁਤ ਰਾਹਤ ਮਿਲੀ। ਇਸ ਬਾਰੇ ਦੱਸਦੇ ਹੋਏ ਖੋਜਕਰਤਾਵਾਂ ਨੇ ਦੱਸਿਆ ਕਿ ਤੇਜ਼ਪੱਤਾ ਦੇ ਸੇਵਨ ਨਾਲ ਲੋਕਾਂ ਨੂੰ ਦਰਦ ਤੋਂ ਬਹੁਤ ਰਾਹਤ ਮਿਲਦੀ ਹੈ।
ਮਲੇਰੀਏ ਅਤੇ ਪੀਲੀਏ ‘ਚ ਵੀ ਕੀਤੀ ਜਾਂਦੀ ਹੈ ਤੇਜ਼ਪੱਤਾ: ਮਲੇਰੀਏ ਅਤੇ ਪੀਲੀਏ ਵਰਗੀਆਂ ਸਮੱਸਿਆਵਾਂ ‘ਚ ਵੀ ਤੁਸੀਂ ਤੇਜ਼ਪੱਤਾ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਦੀ ਵਰਤੋਂ ਕਰਨ ਨਾਲ ਮਲੇਰੀਏ ਅਤੇ ਪੀਲੀਏ ਦੇ ਮਰੀਜ਼ਾਂ ਦੀ ਹਾਲਤ ‘ਚ ਵੀ ਕਾਫੀ ਸੁਧਾਰ ਪਾਇਆ ਗਿਆ ਹੈ। ਆਯੁਰਵੇਦ ਦੇ ਅਨੁਸਾਰ ਜੇਕਰ ਕੋਈ ਵਿਅਕਤੀ ਪੀਲੀਆ ਤੋਂ ਪੀੜਤ ਹੈ ਤਾਂ ਉਸਨੂੰ ਦਿਨ ‘ਚ 2-3 ਵਾਰ ਤੇਜ਼ਪੱਤਾ ਚਬਾਉਣਾ ਚਾਹੀਦਾ ਹੈ। ਕਈ ਖੋਜਾਂ ‘ਚ ਇਹ ਵੀ ਸਿੱਧ ਹੋ ਚੁੱਕਾ ਹੈ ਕਿ ਤੇਜ਼ਪੱਤਾ ਬ੍ਰੈਸਟ ਕੈਂਸਰ ਅਤੇ ਕੋਲੋਰੈਕਟਲ ਕੈਂਸਰ ਤੋਂ ਬਚਾਉਣ ‘ਚ ਵੀ ਬਹੁਤ ਫਾਇਦੇਮੰਦ ਮੰਨੇ ਜਾਂਦੇ ਹਨ।
ਕੈਂਸਰ ਸੈੱਲਾਂ ਨੂੰ ਵਧਣ ਤੋਂ ਰੋਕਦਾ ਹੈ ਤੇਜ਼ਪੱਤਾ: ਤੇਜ਼ਪੱਤਾ ਕੈਂਸਰ ਸੈੱਲਾਂ ਨੂੰ ਵਧਣ ਤੋਂ ਵੀ ਰੋਕਦੇ ਹਨ। ਇਸ ‘ਚ ਕੈਟੇਚਿਨ, ਲਿਨਲੂਲ ਅਤੇ ਪਾਰਥੇਨੋਲਾਈਡ ਵਰਗੇ ਐਂਟੀਆਕਸੀਡੈਂਟ ਹੁੰਦੇ ਹਨ ਜੋ ਸਰੀਰ ਨੂੰ ਫ੍ਰੀ ਰੈਡੀਕਲਸ ਤੋਂ ਬਚਾਉਣ ‘ਚ ਮਦਦ ਕਰਦੇ ਹਨ। ਇਸ ਤੋਂ ਇਲਾਵਾ ਤੇਜ਼ਪੱਤੇ ‘ਚ ਪਾਇਆ ਜਾਣ ਵਾਲਾ ਲਿਨਲੂਲ ਵੀ ਤਣਾਅ ਨੂੰ ਘੱਟ ਕਰਨ ‘ਚ ਮਦਦ ਕਰਦਾ ਹੈ।
