Kids feet pain exercises: ਛੋਟੇ ਬੱਚੇ ਖੇਡਣ-ਕੁੱਦਣ ਕਾਰਨ ਆਪਣੀ ਸਿਹਤ ਵੱਲ ਜ਼ਿਆਦਾ ਧਿਆਨ ਨਹੀਂ ਦਿੰਦੇ। ਜਿਸ ਕਾਰਨ ਛੋਟੀ ਉਮਰ ‘ਚ ਹੀ ਉਨ੍ਹਾਂ ਦੇ ਪੈਰ ਦੁਖਣ ਲੱਗਦੇ ਹਨ। ਪੈਰਾਂ ਦੇ ਦਰਦ ਦਾ ਕਾਰਨ ਬੱਚੇ ਦੀ ਗਲਤ ਡਾਇਟ ਅਤੇ ਘੱਟ ਸਰੀਰਕ ਗਤੀਵਿਧੀ ਵੀ ਹੋ ਸਕਦੀ ਹੈ। ਅੱਜ ਕੱਲ੍ਹ ਬੱਚਿਆਂ ‘ਤੇ ਪੜ੍ਹਾਈ ਦਾ ਵੀ ਤਣਾਅ ਹੈ ਜਿਸ ਕਾਰਨ ਉਹ ਆਪਣੇ ਦੋਸਤਾਂ ਨਾਲ ਜ਼ਿਆਦਾ ਸਮਾਂ ਨਹੀਂ ਬਿਤਾ ਪਾਉਂਦੇ ਹਨ। ਇਕ ਜਗ੍ਹਾ ਬੈਠਣਾ ਉਨ੍ਹਾਂ ਲਈ ਸਰੀਰਕ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ। ਮਾਪੇ ਬੱਚਿਆਂ ਨੂੰ ਰੁਟੀਨ ‘ਚ ਚੰਗੀ ਡਾਇਟ ਅਤੇ ਕੁਝ ਯੋਗਾ ਅਭਿਆਸ ਦੇ ਕੇ ਆਪਣੇ ਸਰੀਰ ਨੂੰ ਤੰਦਰੁਸਤ ਰੱਖ ਸਕਦੇ ਹਨ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ…
ਦੌੜ: ਤੁਸੀਂ ਬੱਚਿਆਂ ਤੋਂ ਦੌੜ ਵੀ ਜ਼ਰੂਰ ਲਗਵਾਓ। ਇਹ ਬਹੁਤ ਹੀ ਆਸਾਨ ਕਸਰਤ ਹੈ। ਬੱਚੇ ਵੀ ਇਸ ਨੂੰ ਆਸਾਨੀ ਨਾਲ ਕਰ ਸਕਣਗੇ। ਜੇਕਰ ਤੁਸੀਂ ਬਚਪਨ ਤੋਂ ਹੀ ਬੱਚਿਆਂ ‘ਚ ਦੌੜਨ ਦੀ ਆਦਤ ਪਾਓਗੇ ਤਾਂ ਉਨ੍ਹਾਂ ਦੇ ਸਰੀਰ ਦਾ ਵੀ ਬਹੁਤ ਵਧੀਆ ਵਿਕਾਸ ਹੋਵੇਗਾ। ਇਸ ਨਾਲ ਉਨ੍ਹਾਂ ਨੂੰ ਲੱਤਾਂ ਦੇ ਦਰਦ ਅਤੇ ਮਾਸਪੇਸ਼ੀਆਂ ਦੇ ਦਰਦ ਤੋਂ ਵੀ ਰਾਹਤ ਮਿਲਦੀ ਹੈ।
ਸਾਈਕਲਿੰਗ: ਤੁਸੀਂ ਆਪਣੇ ਬੱਚਿਆਂ ਨੂੰ ਸਾਈਕਲਿੰਗ ਵੀ ਕਰਵਾ ਸਕਦੇ ਹੋ। ਇਸ ਨਾਲ ਉਨ੍ਹਾਂ ਦੀਆਂ ਲੱਤਾਂ ਦੀਆਂ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦੀਆਂ ਹਨ। ਇਸ ਨਾਲ ਉਨ੍ਹਾਂ ਦੀ ਸਮੁੱਚੀ ਸਿਹਤ ਵੀ ਠੀਕ ਰਹਿੰਦੀ ਹੈ। ਤੁਸੀਂ ਸਵੇਰ ਜਾਂ ਸ਼ਾਮ ਨੂੰ ਕਿਸੇ ਵੀ ਸਮੇਂ ਬੱਚਿਆਂ ਨੂੰ ਸਾਈਕਲਿੰਗ ਕਰਵਾ ਸਕਦੇ ਹੋ। ਸਾਈਕਲ ਚਲਾਉਣ ਨਾਲ ਬੱਚਿਆਂ ਦਾ ਦਿਲ ਵੀ ਤੰਦਰੁਸਤ ਰਹੇਗਾ।
ਸਵੀਮਿੰਗ: ਤੁਹਾਨੂੰ ਬੱਚਿਆਂ ਨੂੰ ਸਵੀਮਿੰਗ ਵੀ ਜ਼ਰੂਰ ਕਰਵਾਉ। ਇਸ ਨਾਲ ਉਨ੍ਹਾਂ ‘ਚ ਆਤਮ ਵਿਸ਼ਵਾਸ ਵੀ ਵਧੇਗਾ। ਇਸ ਤੋਂ ਇਲਾਵਾ ਸਵੀਮਿੰਗ ਨਾਲ ਉਨ੍ਹਾਂ ਦੇ ਪੂਰੇ ਸਰੀਰ ਦੀ ਹਿਲਜੁਲ ਹੁੰਦੀ ਹੈ। ਜਿਸ ਕਾਰਨ ਉਨ੍ਹਾਂ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਵਧੀਆ ਹੁੰਦਾ ਹੈ। ਬੱਚਿਆਂ ਨੂੰ ਪੈਰਾਂ ਦੇ ਦਰਦ ਤੋਂ ਵੀ ਰਾਹਤ ਮਿਲਦੀ ਹੈ ਅਤੇ ਸਾਹ ਦੀ ਸਮੱਸਿਆ ਵੀ ਠੀਕ ਹੋ ਜਾਂਦੀ ਹੈ।
ਪੁੱਲ ਅੱਪ: ਬੱਚਿਆਂ ਲਈ ਪੁੱਲ ਅੱਪਸ ਵੀ ਬਹੁਤ ਫਾਇਦੇਮੰਦ ਮੰਨੇ ਜਾਂਦੇ ਹਨ। ਇਸ ਕਾਰਨ ਉਨ੍ਹਾਂ ਨੂੰ ਪੈਰਾਂ ਦੇ ਦਰਦ ਤੋਂ ਵੀ ਬਹੁਤ ਹੱਦ ਤੱਕ ਰਾਹਤ ਮਿਲਦੀ ਹੈ। ਹੱਥ-ਪੈਰ ਵੀ ਮਜ਼ਬੂਤ ਹੋ ਜਾਂਦੇ ਹਨ। ਇਹ ਕਸਰਤ ਲੱਤਾਂ ਦੀਆਂ ਮਾਸਪੇਸ਼ੀਆਂ ਨੂੰ ਖਿੱਚਣ ਅਤੇ ਸਰੀਰ ਨੂੰ ਲਚਕੀਲਾ ਬਣਾਉਣ ਲਈ ਬਹੁਤ ਫਾਇਦੇਮੰਦ ਹੈ।
ਬੀਅਰ ਕ੍ਰਾਲ: ਤੁਸੀਂ ਬੱਚਿਆਂ ਨੂੰ ਬੀਅਰ ਕ੍ਰਾਲ ਕਸਰਤ ਕਰ ਸਕਦੇ ਹੋ। ਇਸ ਨੂੰ ਪੂਰੇ ਸਰੀਰ ਦੀ ਕਸਰਤ ਮੰਨਿਆ ਜਾਂਦਾ ਹੈ। ਹੱਥਾਂ ਅਤੇ ਪੈਰਾਂ ਨੂੰ ਹੇਠਾਂ ਰੱਖ ਕੇ ਜਾਨਵਰ ਵਾਂਗ ਚੱਲਣ ਨੂੰ ਬੀਅਰ ਕ੍ਰਾਲ ਐਕਸਰਸਾਈਜ਼ ਕਿਹਾ ਜਾਂਦਾ ਹੈ। ਹੱਥਾਂ-ਪੈਰਾਂ ਨੂੰ ਮਜ਼ਬੂਤ ਕਰਨ ਲਈ ਸਰੀਰ ਨੂੰ ਲਚਕੀਲਾ ਬਣਾਉਣ ਲਈ ਇਹ ਕਸਰਤ ਵੀ ਬਹੁਤ ਜ਼ਰੂਰੀ ਮੰਨੀ ਜਾਂਦੀ ਹੈ।
