kids hygienic care tips: ਬਿਮਾਰੀਆਂ ਤੋਂ ਬਚਣ ਲਈ ਸਫ਼ਾਈ ਸਭ ਤੋਂ ਜ਼ਰੂਰੀ ਹੈ। ਬਰਸਾਤ ਦੇ ਮੌਸਮ ਦੌਰਾਨ ਸਾਨੂੰ ਆਪਣੇ ਨਾਲ-ਨਾਲ ਬੱਚਿਆਂ ਦੀਆਂ ਆਦਤਾਂ ਨੂੰ ਵੀ ਬਦਲਣਾ ਪਵੇਗਾ ਤਾਂ ਜੋ ਕੋਈ ਬੀਮਾਰੀ ਉਨ੍ਹਾਂ ਨੂੰ ਨਾ ਛੂਹ ਸਕੇ। ਹਰ ਮਾਤਾ-ਪਿਤਾ ਲਈ ਇਹ ਜ਼ਰੂਰੀ ਹੈ ਕਿ ਉਹ ਆਪਣੇ ਬੱਚਿਆਂ ਨੂੰ ਹੁਣ ਤੋਂ ਹੀ ਸਫ਼ਾਈ ਨਾਲ ਸਬੰਧਤ ਆਦਤਾਂ ਸਿਖਾਉਣੀਆਂ ਸ਼ੁਰੂ ਕਰ ਦੇਣ।ਇਹ ਆਦਤਾਂ ਉਨ੍ਹਾਂ ਨੂੰ ਸਿਹਤਮੰਦ ਅਤੇ ਫਿੱਟ ਰੱਖਣਗੀਆਂ। ਆਓ ਜਾਣਦੇ ਹਾਂ ਬੱਚਿਆਂ ਨੂੰ ਬਿਮਾਰੀਆਂ ਤੋਂ ਕਿਵੇਂ ਬਚਾ ਸਕਦੇ ਹਾਂ।
ਐਂਟੀਸੈਪਟਿਕ
- ਸਾਬਣ ਦੀ ਵਰਤੋਂ ਕਰਕੇ ਤੁਸੀਂ ਬੱਚਿਆਂ ਨੂੰ ਸੁਰੱਖਿਅਤ ਇਸ਼ਨਾਨ ਕਰਵਾ ਸਕਦੇ ਹੋ।
- ਬਰਸਾਤ ਦੇ ਮੌਸਮ ‘ਚ ਬੱਚੇ ਨੂੰ ਦਿਨ ‘ਚ ਦੋ ਵਾਰ ਕੀਟਾਣੂਨਾਸ਼ਕ ਸਾਬਣ ਨਾਲ ਨਹਾਉਣ ਦੀ ਚੰਗੀ ਆਦਤ ਬਣਾਓ।
- ਬੱਚੇ ਨੂੰ ਭਿੱਜਣ ਤੋਂ ਬਚਾਓ ਤਾਂ ਜੋ ਬੱਚੇ ਨੂੰ ਜ਼ੁਕਾਮ ਨਾ ਲੱਗੇ।
- ਜੇਕਰ ਬੱਚਾ ਭਿੱਜ ਜਾਵੇ ਤਾਂ ਤੁਰੰਤ ਉਸਦੇ ਕੱਪੜੇ ਬਦਲ ਦਿਓ।
ਇਨ੍ਹਾਂ ਚੀਜ਼ਾਂ ਦਾ ਰੱਖੋ ਧਿਆਨ
- ਪਹਿਲਾਂ ਬੇਸਿਕ ਸਾਫ਼-ਸਫਾਈ ਬਾਰੇ ਦੱਸੋ।
- ਸਫਾਈ ਕਿਉਂ ਜ਼ਰੂਰੀ ਹੈ ਉਦਾਹਰਣਾਂ ਦੇ ਨਾਲ ਸਮਝਾਓ।
- ਬੱਚਿਆਂ ਨੂੰ ਪਿਆਰ ਨਾਲ ਸਮਝਾਓ, ਮਾਰ-ਕੁੱਟ ਕੇ ਨਹੀਂ।
- ਖ਼ੁਦ ਵੀ ਸਾਫ਼-ਸਫਾਈ ਦਾ ਧਿਆਨ ਰੱਖੋ।
ਤੁਰੰਤ ਬਦਲੋ ਗੰਦੇ ਕੱਪੜੇ: ਕਈ ਵਾਰ ਬੱਚੇ ਬਾਹਰੋਂ ਖੇਡਣ ਲਈ ਆਉਂਦੇ ਹਨ, ਉਹ ਆਪਣੇ ਹੱਥ-ਪੈਰ ਨਹੀਂ ਧੋਦੇ ਹਨ। ਰੋਕਣ ਤੋਂ ਬਾਅਦ ਵੀ ਉਹ ਸਫਾਈ ਕਰਨ ਤੋਂ ਇਨਕਾਰ ਕਰਦੇ ਹਨ। ਜੇਕਰ ਤੁਹਾਡਾ ਬੱਚਾ ਵੀ ਅਜਿਹਾ ਕਰਦਾ ਹੈ ਤਾਂ ਇਸ ਆਦਤ ਨੂੰ ਤੁਰੰਤ ਬਦਲਣ ਦੀ ਕੋਸ਼ਿਸ਼ ਕਰੋ। ਉਸ ਨੂੰ ਸਮਝਾਓ ਕਿ ਬਾਹਰੋਂ ਆ ਕੇ ਆਪਣੇ ਆਪ ਨੂੰ ਸਾਫ਼ ਕਰਨਾ ਕਿਉਂ ਜ਼ਰੂਰੀ ਹੈ। ਉਨ੍ਹਾਂ ਨੂੰ ਸਮਝਾਓ ਕਿ ਜੁੱਤੀਆਂ ਅਤੇ ਚੱਪਲਾਂ ਨੂੰ ਇਕ ਥਾਂ ‘ਤੇ ਰੱਖੋ। ਹੱਥ, ਪੈਰ ਅਤੇ ਮੂੰਹ ਸਾਬਣ ਨਾਲ ਚੰਗੀ ਤਰ੍ਹਾਂ ਧੋਵੋ ਅਤੇ ਕੱਪੜੇ ਬਦਲ ਕੇ ਹੀ ਹੋਰ ਕੰਮ ਕਰੋ।
ਇਸ ਮੌਸਮ ‘ਚ ਖਾਣ-ਪੀਣ ਦਾ ਧਿਆਨ ਰੱਖਣਾ ਵੀ ਜ਼ਰੂਰੀ
- ਰਸੋਈ ‘ਚ ਸਾਫ਼-ਸਫ਼ਾਈ ਦਾ ਖ਼ਾਸ ਖ਼ਿਆਲ ਰੱਖੋ ਤਾਂ ਜੋ ਪਰਿਵਾਰ ਖ਼ਾਸਕਰ ਬੱਚਿਆਂ ਨੂੰ ਦੂਸ਼ਿਤ ਭੋਜਨ ਨਾ ਮਿਲੇ।
- ਸਬਜ਼ੀਆਂ ਅਤੇ ਫਲਾਂ ਨੂੰ ਕੋਸੇ ਪਾਣੀ ਨਾਲ ਧੋਣ ਤੋਂ ਬਾਅਦ, ਕਦੇ-ਕਦੇ ਨਮਕ ਵਾਲੇ ਪਾਣੀ ਨਾਲ ਵਰਤਣਾ ਠੀਕ ਹੈ।
- ਬਰਸਾਤ ਦੇ ਮੌਸਮ ‘ਚ ਬੱਚੇ ਨੂੰ ਕਿਸੇ ਨਾ ਕਿਸੇ ਰੂਪ ‘ਚ ਸ਼ਹਿਦ ਜ਼ਰੂਰ ਦਿਓ।
- ਭੋਜਨ ਤੋਂ ਬਾਅਦ ਅਦਰਕ ਦੇ ਰਸ ‘ਚ ਸ਼ਹਿਦ ਮਿਲਾ ਕੇ 4 ਬੂੰਦਾਂ ਚਟਾਓ।
