ਹੱਥ ਤੇ ਨਹੁੰ ਨਾ ਸਿਰਫ ਸਾਡੀ ਪਰਸਨੈਲਿਟੀ ਤੇ ਮੈਨਰਸ ਦਾ ਪ੍ਰਤੀਕ ਹਨ ਸਗੋਂ ਸਾਡੀ ਸਿਹਤ ਬਾਰੇ ਵੀ ਕਈ ਅਹਿਮ ਗੱਲਾਂ ਦੱਸਦੇ ਹਨ। ਅਕਸਰ ਲੋਕ ਨਹੁੰਆਂ ਨੂੰ ਸਿਰਫ ਸੁੰਦਰਤਾ ਲਈ ਦੇਖਦੇ ਹਨ ਪਰ ਮਾਹਿਰ ਮੰਨਦੇ ਹਨ ਕਿ ਨਹੁੰ ਸਰੀਰ ਦੀ ਅੰਦਰੂਨੀ ਸਥਿਤੀ ਦਾ ਸੰਕੇਤ ਦੇਣ ਵਾਲੇ ਛੋਟੇ ਮੈਸੇਂਜਰ ਹੁੰਦੇ ਹਨ। ਨਹੁੰ ਲਗਭਗ 3 ਮਿਲੀਮੀਟਰ ਪ੍ਰਤੀ ਮਹੀਨੇ ਦੀ ਰਫਤਾਰ ਨਾਲ ਵਧਦੇ ਹਨ। ਇਸ ਹੌਲੀ ਵਾਧੇ ਕਾਰਨ ਨਹੁੰ ਸਮੇਂ ਦੇ ਨਾਲ ਸਰੀਰ ਵਿਚ ਹੋ ਰਹੇ ਛੋਟੇ ਬਦਲਾਵਾਂ ਨੂੰ ਰਿਕਾਰਡ ਕਰਦੇ ਹਨ। ਜੇਕਰ ਨਹੁੰਆਂ ਦਾ ਰੰਗ, ਆਕਾਰ ਮੋਟਾਈ ਜਾਂ ਬਨਾਵਟ ਬਦਲਦੀ ਹੈ ਤਾਂ ਇਹ ਕਦੇ-ਕਦੇ ਕਿਸੇ ਸਿਹਤ ਸਮੱਸਿਆ ਦਾ ਵੀ ਸੰਕੇਤ ਹੋ ਸਕਦਾ ਹੈ।
ਮਾਹਿਰ ਦੱਸਦੇ ਹਨ ਕਿ ਨਹੁੰਆਂ ਵਿਚ ਹੋਣ ਵਾਲੇ ਬਦਲਾਵਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਸਹੀ ਨਹੀਂ ਹੈ। ਉਨ੍ਹਾਂ ਮੁਤਾਬਕ ਨਹੁੰਆਂ ਦਾ ਰੰਗ, ਬਨਾਵਟ ਤੇ ਆਕਾਰ ਕਈ ਵਾਰ ਸਰੀਰ ਦੀਆਂ ਗੰਭੀਰ ਬੀਮਾਰੀਆਂ ਦਾ ਸੰਕੇਤ ਦੇ ਸਕਦੇ ਹਨ ਜਿਵੇਂ ਪੀਲੇ ਨਹੁੰ ਆਇਰਨ ਦੀ ਕਮੀ ਨਾਲ ਹੋਣ ਵਾਲੇ ਅਨੀਮੀਆ ਦਾ ਸੰਕੇਤ ਹੋ ਸਕਦੇ ਹਨ। ਪੀਲੇ ਦੇ ਮੋਟੇ ਨਹੁੰ ਫੰਗਲ ਇੰਫੈਕਸ਼ਨ ਜਾਂ ਫੇਫੜਿਆਂ ਨਾਲ ਜੁੜੀਆਂ ਸਮੱਸਿਆਵਾਂ ਵੱਲ ਇਸ਼ਾਰਾ ਕਰ ਸਕਦੇ ਹਨ। ਨਹੁੰਆਂ ‘ਤੇ ਡੂੰਘੇ ਧੱਬੇ ਜਾਂ ਰੰਗ ਬਦਲਣਾ ਕੁਝ ਮਾਮਲਿਆਂ ਵਿਚ ਇਹ ਸਕਿਨ ਕੈਂਸਰ ਵਰਗੇ ਗੰਭੀਰ ਰੋਗ ਦਾ ਸੰਕੇਤ ਵੀ ਹੋ ਸਕਦੇ ਹਨ।
ਆਇਰਨ ਦੀ ਕਮੀ ਦਾ ਸੰਕੇਤ
ਆਇਰਨ ਸਰੀਰ ਵਿਚ ਆਕਸੀਜਨ ਪਹੁੰਚਾਉਣ ਵਿਚ ਮਦਦ ਕਰਦਾ ਹੈ। ਜਦੋਂ ਆਇਰਨ ਦੀ ਕਮੀ ਹੁੰਦੀ ਹੈ ਤਾਂ ਸਰੀਰ ਐਨਰਜੀ ਬਚਾਉਣ ਲੱਗਦਾ ਹੈ। ਨਹੁੰ ਜੋ ਕੇਰਾਟਿਨ ਤੋਂ ਬਣੇ ਹੁੰਦੇ ਹਨ ਤੇ ਚੰਗੇ ਬਲੱਡ ਫਲੋਅ ‘ਤੇ ਨਿਰਭਰ ਰਦੇ ਹਨ, ਉਹ ਸਭ ਤੋਂ ਪਹਿਲਾਂ ਇਸ ਕਮੀ ਦਾ ਸੰਕੇਤ ਦਿਖਾਉਂਦੇ ਹਨ। ਆਇਰਨ ਦੀ ਕਮੀ ਕਾਰਨ ਨਹੁੰ ਪੀਲੇ ਰੰਗ ਦੇ ਹੋ ਸਕਦੇ ਹਨ। ਪਤਲੇ ਜਾਂ ਕਮਜ਼ੋਰ ਹੋ ਸਕਦੇ ਹਨ, ਕਦੇ-ਕਦੇ ਅੰਦਰ ਵੱਲ ਮੁੜ ਕੇ ਚੱਮਚ ਵਰਗਾ ਆਕਾਰ ਲੈ ਸਕਦੇ ਹਨ। ਆਇਰਨ ਦੀ ਕਮੀ ਪੂਰੀ ਕਰਨ ਨਾਲ ਨਹੁੰ ਹੌਲੀ-ਹੌਲੀ ਸਾਧਾਰਨ ਆਕਾਰ ਤੇ ਮਜ਼ਬੂਤੀ ਵਿਚ ਪਰਤ ਆਉਂਦੇ ਹਨ।
ਫੇਫੜਿਆਂ ਤੇ ਇੰਫੈਕਸ਼ਨ ਨਾਲ ਜੁੜੇ ਸੰਕੇਤ
ਨਹੁੰ ਦਾ ਪੀਲਾ ਤੇ ਮੋਟਾ ਹੋਣਾ ਅਕਸਰ ਫੰਗਲ ਇੰਫੈਕਸ਼ਨ ਵੱਲ ਇਸ਼ਾਰਾ ਕਰਦਾ ਹੈ। ਜੇਕਰ ਪੀਲੇ ਨਹੁੰ ਲੰਬੇ ਸਮੇਂ ਤੱਕ ਰਹਿੰਦੇ ਹਨ ਤੇ ਸਾਹ ਲੈਣ ਵਿਚ ਸਮੱਸਿਆ ਜਾਂ ਸੋਜਿਸ਼ ਵੀ ਹੋਵੇ ਤਾਂ ਇਹ ਯੈਲੋ ਨੇਲ ਸਿੰਡ੍ਰੋਮ ਵਰਗੀ ਦੁਰਲੱਭ ਸਥਿਤੀ ਵੱਲ ਸੰਕੇਤ ਕਰ ਸਕਦਾ ਹੈ। ਯੈਲੋ ਨੇਲ ਸਿੰਡ੍ਰੋਮ ਫੇਫੜਿਆਂ ਦੀ ਪੁਰਾਣੀ ਸਮੱਸਿਆਵਾਂ ਨਾਲ ਜੁੜਿਆ ਹੋ ਸਕਦਾ ਹੈ।ਇਸ ਦਾ ਮਤਲਬ ਇਹ ਨਹੀਂ ਕਿ ਹਰ ਪੀਲਾ ਨਹੁੰ ਫੇਫੜਿਆਂ ਦੀ ਬੀਮਾਰੀ ਦਾ ਸੰਕੇਤ ਹੈ ਪਰ ਲਗਾਤਾਰ ਬਦਲਾਅ ਹੋਣ ‘ਤੇ ਡਾਕਟਰ ਤੋਂ ਸਲਾਹ ਲੈਣ ਜ਼ਰੂਰੀ ਹੈ।
ਨਹੁੰ ‘ਤੇ ਡੂੰਘੇ ਧੱਬੇ ਜਾਂ ਰੰਗ ਬਦਲਣਾ
ਕਦੇ-ਕਦੇ ਨਹੁੰ ‘ਤੇ ਦਿਖਾਈ ਦੇਣ ਵਾਲੀ ਪਤਲੀ ਜਾਂ ਡੂੰਘੀਆਂ ਰੇਖਾਵਾਂ ਹਾਨੀਰਹਿਤ ਹੁੰਦੀਆਂ ਹਨ ਪਰ ਕੁਝ ਰੇਖਾਵਾਂ ਮੇਲਾਨੋਨ ਜਾਂ ਨਹੁੰ ਦੇ ਹੇਠਾਂ ਦੇ ਕੈਂਸਰ ਦਾ ਸੰਕੇਤ ਵੀ ਹੋ ਸਕਦੀਆਂ ਹਨ।
ਨਹੁੰਆਂ ਦਾ ਆਕਾਰ ਬਦਲਣਾ
ਨਹੁੰਆਂ ਦਾ ਗੋਲ ਜਾਂ ਗੁਬੰਦ ਵਰਗਾ ਆਕਾਰ ਲੈਣਾ ਅਕਸਰ ਲੰਬੇ ਸਮੇਂ ਤੱਕ ਖੂਨ ਵਿਚ ਆਕਸੀਜਨ ਦੀ ਕਮੀ ਦਾ ਸੰਕੇਤ ਦਿੰਦਾ ਹੈ। ਇਹ ਜਨਮਜਾਤ ਹਾਰਟ ਡਿਜੀਜ, ਕ੍ਰਾਨਿਕ ਫੇਫੜਿਆਂ ਦੀ ਬੀਮਾਰੀਆਂ ਦਾ ਸੋਜਿਸ਼ ਅੰਤੜੀਆਂ ਰੋਗਾਂ ਨਾਲ ਜੁੜਿਆ ਹੋ ਸਕਦਾ ਹੈ।
ਕਮਜ਼ੋਰ ਜਾਂ ਧਾਰੀਦਾਰ ਨਹੁੰ
ਨਹੁੰਆਂ ‘ਤੇ ਧਾਰੀਆਂ, ਕਮਜ਼ੋਰੀ ਜਾਂ ਆਸਾਨੀ ਨਾਲ ਟੁੱਟਣਾ ਅਕਸਰ ਪੋਸ਼ਣ ਦੀ ਕਮੀ, ਥਾਇਰਾਇਡ ਵਿਕਾਰ ਜਾਂ ਲੰਬੇ ਸਮੇਂ ਦੇ ਤਣਾਅ ਦਾ ਸੰਕੇਤ ਦੇ ਸਕਦੇ ਹਨ। ਬਾਇਓਟਿਨ, ਜ਼ਿੰਕ, ਆਇਰਨ ਤੇ ਪ੍ਰੋਟੀਨ ਦੀ ਕਮੀ ਨਾਲ ਨਹੁੰ ਕਮਜ਼ੋਰ ਹੋ ਸਕਦੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
