neck darkness care tips: ਜ਼ਿਆਦਾਤਰ ਲੋਕ ਚਿਹਰੇ ਦੀ ਖੂਬਸੂਰਤੀ ਵਧਾਉਣ ਦੇ ਚੱਕਰ ‘ਚ ਬਾਕੀ ਸਰੀਰ ਨੂੰ ਭੁੱਲ ਜਾਂਦੇ ਹਨ। ਅਕਸਰ ਦੇਖਿਆ ਜਾਂਦਾ ਹੈ ਕਿ ਲੋਕਾਂ ਦਾ ਚਿਹਰਾ ਚਮਕਦਾ ਹੈ ਪਰ ਗਰਦਨ ਕਾਫੀ ਕਾਲੀ ਦਿਖਾਈ ਦਿੰਦੀ ਹੈ। ਕਾਲੀ ਗਰਦਨ ਨਾ ਸਿਰਫ ਤੁਹਾਡੀ ਸੁੰਦਰਤਾ ਨੂੰ ਘਟਾਉਂਦੀ ਹੈ ਬਲਕਿ ਤੁਹਾਨੂੰ ਸ਼ਰਮਿੰਦਗੀ ਵੀ ਮਹਿਸੂਸ ਕਰਵਾਉਂਦੀ ਹੈ। ਤਾਂ ਆਓ ਜਾਣਦੇ ਹਾਂ ਘਰੇਲੂ ਨੁਸਖਿਆਂ ਨਾਲ ਤੁਸੀਂ ਗਰਦਨ ਦੇ ਕਾਲੇਪਨ ਨੂੰ ਕਿਵੇਂ ਦੂਰ ਕਰ ਸਕਦੇ ਹੋ।
ਬਦਾਮ ਦਾ ਤੇਲ
- ਕੋਟਨ ‘ਤੇ ਬਦਾਮ ਦੇ ਤੇਲ ਦੀਆਂ ਕੁਝ ਬੂੰਦਾਂ ਲੈ ਕੇ ਟੈਪ ਕਰਦੇ ਹੋਏ ਗਰਦਨ ‘ਤੇ ਲਗਾਓ।
- ਫਿਰ ਹਲਕੇ ਹੱਥਾਂ ਨਾਲ ਕੁਝ ਦੇਰ ਜਾਂ ਤੇਲ ਦੇ ਸਕਿਨ ‘ਚ ਸੁੱਕਣ ਤੱਕ ਮਸਾਜ ਕਰੋ।
- ਲਗਾਤਾਰ ਕੁਝ ਦਿਨ ਇਸ ਤਰ੍ਹਾਂ ਕਰਨ ਨਾਲ ਤੁਹਾਨੂੰ ਫਰਕ ਨਜ਼ਰ ਆਵੇਗਾ।
- ਬਦਾਮ ਦਾ ਤੇਲ ਵਿਟਾਮਿਨ ਈ, ਬਲੀਚਿੰਗ ਏਜੰਟ ਅਤੇ ਹੋਰ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਸਕਿਨ ਦੀ ਦੇਖਭਾਲ ਲਈ ਕੰਮ ਕਰਦਾ ਹੈ।
ਵੇਸਣ
- ਵੇਸਣ, ਹਲਦੀ, ਨਿੰਬੂ ਦਾ ਰਸ ਅਤੇ ਦਹੀਂ ਨੂੰ ਚੰਗੀ ਤਰ੍ਹਾਂ ਮਿਲਾ ਕੇ ਗਾੜ੍ਹਾ ਪੇਸਟ ਬਣਾ ਲਓ।
- ਇਸ ਨੂੰ ਗਰਦਨ ‘ਤੇ ਚੰਗੀ ਤਰ੍ਹਾਂ ਲਗਾਓ ਅਤੇ 15-20 ਮਿੰਟ ਤੱਕ ਸੁੱਕਣ ਲਈ ਛੱਡ ਦਿਓ।
- 20 ਮਿੰਟ ਬਾਅਦ ਕੋਸੇ ਪਾਣੀ ਨਾਲ ਗਰਦਨ ਨੂੰ ਚੰਗੀ ਤਰ੍ਹਾਂ ਧੋ ਲਓ।
- ਹਫਤੇ ‘ਚ 2-3 ਵਾਰ ਅਜਿਹਾ ਕਰਨ ਨਾਲ ਫਰਕ ਦੇਖਣ ਨੂੰ ਮਿਲੇਗਾ
ਐਲੋਵੇਰਾ ਜੈੱਲ
- ਐਲੋਵੇਰਾ ਜੈੱਲ ਨਾਲ ਗਰਦਨ ਨੂੰ 5 ਮਿੰਟ ਲਈ ਰਗੜੋ ਜਾਂ ਮਾਲਸ਼ ਕਰੋ।
- ਫਿਰ ਇਸ ਨੂੰ 30 ਮਿੰਟ ਤੱਕ ਲੱਗਾ ਰਹਿਣ ਦਿਓ।
- ਬਾਅਦ ‘ਚ ਤਾਜ਼ੇ ਪਾਣੀ ਨਾਲ ਧੋ ਲਓ।
- ਇਹ ਗਰਦਨ ਦੇ ਕਾਲੇਪਨ ਨੂੰ ਦੂਰ ਕਰਦਾ ਹੈ ਅਤੇ ਇਸਨੂੰ ਸਾਫ਼, ਚਮਕਦਾਰ ਅਤੇ ਨਰਮ ਬਣਾਉਂਦਾ ਹੈ।
ਆਲੂ
- 1 ਆਲੂ ਗਰੇਟ ਕਰੋ। ਫਿਰ ਇਸ ਨੂੰ ਕੱਪੜੇ ‘ਚ ਪਾ ਕੇ ਦਬਾਓ ਅਤੇ ਰਸ ਕੱਢ ਲਓ।
- ਇਸ ਰਸ ਨੂੰ ਰੂੰ ਦੀ ਮਦਦ ਨਾਲ ਪ੍ਰਭਾਵਿਤ ਥਾਂ ‘ਤੇ ਲਗਾਓ। ਇਸ ਨੂੰ 15 ਮਿੰਟ ਲਈ ਲੱਗਾ ਰਹਿਣ ਦਿਓ।
- ਇਸ ਤੋਂ ਬਾਅਦ ਤਾਜ਼ੇ ਪਾਣੀ ਨਾਲ ਸਾਫ਼ ਕਰ ਲਓ। ਕੁਝ ਦਿਨ ਲਗਾਤਾਰ ਅਜਿਹਾ ਕਰਨ ਨਾਲ ਗਰਦਨ ਦਾ ਕਾਲਾਪਨ ਦੂਰ ਹੋ ਜਾਵੇਗਾ।
ਕੱਚਾ ਪਪੀਤਾ
- ਕੱਚੇ ਪਪੀਤੇ ਨੂੰ ਕੱਟ ਕੇ ਪੀਸ ਕੇ ਪੇਸਟ ਤਿਆਰ ਕਰੋ।
- ਹੁਣ ਇਸ ਪੇਸਟ ‘ਚ ਗੁਲਾਬ ਜਲ ਅਤੇ ਇਕ ਚੱਮਚ ਦਹੀਂ ਮਿਲਾ ਕੇ ਪੇਸਟ ਤਿਆਰ ਕਰੋ।
- ਇਸ ਪੇਸਟ ਨੂੰ ਗਰਦਨ ‘ਤੇ ਲਗਾਓ ਅਤੇ ਕੁਝ ਦੇਰ ਸੁੱਕਣ ਲਈ ਛੱਡ ਦਿਓ।
- ਅਜਿਹਾ ਹਫਤੇ ‘ਚ ਇਕ ਵਾਰ ਕਰੋ।
ਖੀਰਾ
- ਤੁਸੀਂ ਖੀਰੇ ਦੀ ਮਦਦ ਨਾਲ ਵੀ ਗਰਦਨ ਨੂੰ ਸਾਫ਼ ਕਰ ਸਕਦੇ ਹੋ।
- ਸਭ ਤੋਂ ਪਹਿਲਾਂ ਖੀਰੇ ਨੂੰ ਪੀਸ ਲਓ। ਹੁਣ ਇਸ ‘ਚ ਗੁਲਾਬ ਜਲ ਮਿਲਾ ਕੇ ਪੇਸਟ ਬਣਾ ਲਓ।
- ਫਿਰ ਇਸ ਪੇਸਟ ਨੂੰ ਗਰਦਨ ‘ਤੇ ਲਗਾਓ ਅਤੇ 10 ਮਿੰਟ ਲਈ ਛੱਡ ਦਿਓ।
- ਇਸ ਤੋਂ ਬਾਅਦ ਪਾਣੀ ਨਾਲ ਧੋ ਲਓ। ਅਜਿਹਾ ਕਰਨ ਨਾਲ ਗਰਦਨ ‘ਚ ਚਮਕ ਆਵੇਗੀ।
ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ
- ਵਾਰ-ਵਾਰ ਰਗੜਨ ਨਾਲ ਗਰਦਨ ਹੋਰ ਵੀ ਕਾਲੀ ਹੋ ਸਕਦੀ ਹੈ। ਇਸ ਲਈ ਇਸ ਨੂੰ ਵਾਰ-ਵਾਰ ਰਗੜਨ ਦੀ ਗਲਤੀ ਨਾ ਕਰੋ।
- ਘਰ ਤੋਂ ਬਾਹਰ ਨਿਕਲਣ ਤੋਂ ਪਹਿਲਾਂ ਚਿਹਰੇ ਦੇ ਨਾਲ-ਨਾਲ ਗਰਦਨ ‘ਤੇ ਸਨਸਕ੍ਰੀਨ ਲਗਾਉਣਾ ਨਾ ਭੁੱਲੋ।
