ਹੈਲਦੀ ਰਹਿਣ ਲਈ ਸਾਨੂੰ ਬਹੁਤ ਸਾਰੇ ਪੋਸ਼ਕ ਤੱਤਾਂ ਦੀ ਲੋੜ ਹੁੰਦੀ ਹੈ। ਇਹ ਪੋਸ਼ਕ ਤੱਤ ਸਾਡੇ ਸਰੀਰ ਦੇ ਸਹੀ ਵਿਕਾਸ ਵਿਚ ਮਦਦ ਕਰਨ ਦੇ ਨਾਲ-ਨਾਲ ਸਾਰੇ ਅੰਗਾਂ ਦੇ ਸਹੀ ਤਰ੍ਹਾਂ ਤੋਂ ਫੰਕਸ਼ਨਿੰਗ ਕਰਨ ਵਿਚ ਵੀ ਮਦਦ ਕਰਦੇ ਹਨ। ਪੋਟਾਸ਼ੀਅਮ ਇਨ੍ਹਾਂ ਜ਼ਰੂਰੀ ਪੋਸ਼ਕ ਤੱਤਾਂ ਵਿਚੋਂ ਇਕ ਹੈ ਜਿਸ ਬਾਰੇ ਲੋਕ ਅਕਸਰ ਘੱਟ ਹੀ ਗੱਲ ਕਰਦੇ ਹਨ।
ਇਹੀ ਵਜ੍ਹਾ ਹੈ ਕਿ ਲੋਕ ਆਪਣੀ ਡਾਇਟ ਵਿਚ ਪੋਟਾਸ਼ੀਅਮ ਇਨਟੇਕ ‘ਤੇ ਜ਼ਿਆਦਾ ਧਿਆਨ ਨਹੀਂ ਦਿੰਦੇ ਤੇ ਇਸ ਲਈ ਸਰੀਰ ਵਿਚ ਕਈ ਵਾਰ ਇਸ ਦੀ ਕਮੀ ਹੋਣ ਲੱਗਦੀ ਹੈ। ਸਰੀਰ ਵਿਚ ਪੋਟਾਸ਼ੀਅਮ ਦੀ ਕਮੀ ਹੋਣ ‘ਤੇ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਲਈ ਜ਼ਰੂਰੀ ਹੈ ਕਿ ਸਮਾਂ ਰਹਿੰਦੇ ਇਸ ਕਮੀ ਨੂੰ ਪਛਾਣ ਕੇ ਦੂਰ ਕੀਤਾ ਜਾਵੇ।
ਪੋਟਾਸ਼ੀਅਮ ਸਾਡੇ ਲਈ ਬਹੁਤ ਜ਼ਰੂਰੀ ਹੁੰਦਾ ਹੈ। ਸਾਡੇ ਸਰੀਰ ਵਿਚ ਮੌਜੂਦ ਇਹ ਪੋਸ਼ਕ ਤੱਤ ਕਈ ਤਰ੍ਹਾਂ ਦੇ ਜ਼ਰੂਰੀ ਕੰਮ ਕਰਦਾ ਹੈ। ਇਹ ਸਰੀਰ ਵਿਚ ਫਲੂਇਡ ਬੈਲੇਂਸ ਤੇ ਇਲੈਕਟ੍ਰਿਕ ਸਿਗਨਲਸ ਨੂੰ ਰੈਗੂਲੇਟ ਕਰਕੇ ਨਰਵਸ, ਮਾਸਪੇਸ਼ੀਆਂ ਤੇ ਹਾਰਟ ਨੂੰ ਸਹੀ ਤਰੀਕੇ ਨਾਲ ਕੰਮ ਕਰਨ ਵਿਚ ਮਦਦ ਕਰਦਾ ਹੈ। ਅਜਿਹੇ ਵਿਚ ਇਸ ਦੀ ਕਮੀ ਹੋਣ ‘ਤੇ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਪੋਟਾਸ਼ੀਅਮ ਦੀ ਕਮੀ ਨਾਲ ਮਾਸਪੇਸ਼ੀਆਂ ਵਿਚ ਸੋਜਿਸ਼, ਥਕਾਵਟ, ਕਬਜ਼, ਦਿਲ ਦੀ ਧੜਕਣ ਤੇਜ਼ ਹੋਣਾ, ਸਿਰ ਚਕਰਾਉਣਾ, ਬੇਹੋਸ਼ੀ ਮਹਿਸੂਸ ਹੋ ਸਕਦੀ ਹੈ।
ਕਾਬਲੀ ਛੋਲੇ : ਛੋਲਿਆਂ ਵਿਚ ਪੋਟਾਸ਼ੀਅਮ ਭਰਪੂਰ ਮਾਤਰਾ ਵਿਚ ਪਾਇਆ ਜਾਂਦਾ ਹੈ। ਅਜਿਹੇ ਵਿਚ ਇਸ ਦੀ ਕਮੀ ਦੂਰ ਕਰਨ ਲਈ ਕਾਬੁਲੀ ਛੋਲਿਆਂ ਨੂੰ ਡਾਇਟ ਵਿਚ ਸ਼ਾਮਲ ਕਰ ਸਕਦੇ ਹੋ।
ਐਵੋਕਾਡੋ-ਸਰੀਰ ਵਿਚ ਪੋਟਾਸ਼ੀਅਮ ਦੀ ਕਮੀ ਨੂੰ ਦੂਰ ਕਰਨ ਲਈ ਤੁਸੀਂ ਐਵੋਕਾਡੋ ਨੂੰ ਡਾਇਟ ਵਿਚ ਸ਼ਾਮਲ ਕਰ ਸਕਦੇ ਹੋ। ਇਸ ਵਿਚ ਪੋਟਾਸ਼ੀਮ ਦੀ ਚੰਗੀ ਖਾਸੀ ਮਾਤਰਾ ਹੁੰਦੀ ਹੈ, ਜਿਸ ਨਾਲ ਤੁਸੀਂ ਇਸ ਦੀ ਡੇਲੀ ਡੋਜ਼ ਦੀ ਸਪਲਾਈ ਹੋ ਸਕਦੀ ਹੈ।
ਪਾਲਕ-ਆਮ ਤੌਰ ‘ਤੇ ਆਇਰਨ ਦੀ ਕਮੀ ਦੂਰ ਕਰਨ ਲਈ ਇਸਤੇਮਾਲ ਕੀਤੀ ਜਾਣ ਵਾਲੀ ਪਾਲਕ ਵੀ ਪੋਟਾਸ਼ੀਅਮ ਨਾਲ ਭਰਪੂਰ ਹੁੰਦੀ ਹੈ। ਇਸ ਨੂੰ ਵੀ ਆਪਣੀ ਡਾਇਟ ਵਿਚ ਸ਼ਾਮਲ ਕਰਨਾ ਫਾਇਰੇਮੰਦ ਹੋਵੇਗਾ।
ਸੈਲਮਨ-ਜੇਕਰ ਤੁਸੀਂ ਨਾਨ-ਵੈਜੀਟੇਰੀਅਨ ਹੋ ਤਾਂ ਪੋਟਾਸ਼ੀਅਮ ਦੀ ਕਮੀ ਨੂੰ ਦੂਰ ਕਰਨ ਲਈ ਸੈਲਮਨ ਨੂੰ ਵੀ ਡਾਇਟ ਦਾ ਹਿੱਸਾ ਬਣ ਸਕਦੇ ਹੋ। ਸੀ-ਫੂਡ ਨੂੰ ਸਭ ਤੋਂ ਵਧ ਪੋਟਾਸ਼ੀਅਮ ਵਾਲਾ ਆਪਸ਼ਨ ਮੰਨਿਆ ਜਾਂਦਾ ਹੈ।
ਕੇਲੇ-ਕੇਲਾ ਪੋਟਾਸ਼ੀਅਮ ਕੰਟੈਂਟ ਲਈ ਜਾਣਿਆ ਜਾਂਦਾ ਹੈ। ਕੇਲੇ ਵਿਚ ਜ਼ਿਆਦਾ ਮਾਤਰਾ ਵਿਚ ਪੋਟਾਸ਼ੀਅਮ ਪਾਇਆ ਜਾਂਦਾ ਹੈ ਪਰ ਇਹ ਫਲ ਸਟਾਰਯੁਕਤ ਕਾਰਬੋਹਾਈਡ੍ਰੇਟ ਤੇ ਨੈਚੁਰਲ ਸ਼ੂਗਰ ਦਾ ਵੀ ਇਕ ਸਰੂਪ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
