Summer baby health Care: ਮਈ ਮਹੀਨੇ ਦੀ ਸ਼ੁਰੂਆਤ ‘ਚ ਹੀ ਗਰਮੀ ਨੇ ਆਪਣਾ ਕਹਿਰ ਮਚਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਬਰਸਾਤ ਦੀ ਗਰਮੀ ‘ਚ ਬਜ਼ੁਰਗਾਂ ਤੋਂ ਇਲਾਵਾ ਬੱਚਿਆਂ ਦਾ ਵੀ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਜੇ ਬੱਚਾ ਛੋਟਾ ਹੋਵੇ ਤਾਂ Parents ਲਈ ਹੋਰ ਵੀ ਔਖਾ ਹੋ ਜਾਂਦਾ ਹੈ। ਛੋਟੇ ਬੱਚੇ ਸਰੀਰਕ ਤੌਰ ‘ਤੇ ਬਹੁਤ ਕਮਜ਼ੋਰ ਹੁੰਦੇ ਹਨ। ਕੜਾਕੇ ਦੀ ਗਰਮੀ ਅਤੇ ਲੂ ਬੱਚਿਆਂ ਦੀ ਸਿਹਤ ਲਈ ਵੀ ਬਹੁਤ ਖਤਰਨਾਕ ਹੈ। ਇਸ ਮੌਸਮ ‘ਚ ਬੱਚਿਆਂ ਪ੍ਰਤੀ ਮਾਪਿਆਂ ਦੀ ਜ਼ਿੰਮੇਵਾਰੀ ਹੋਰ ਵੀ ਵੱਧ ਜਾਂਦੀ ਹੈ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕੁਝ ਅਜਿਹੇ ਤਰੀਕੇ ਜਿਨ੍ਹਾਂ ਨਾਲ ਤੁਸੀਂ ਬੱਚੇ ਦੀ ਦੇਖਭਾਲ ਕਰ ਸਕਦੇ ਹੋ।
ਕੜਕਦੀ ਧੁੱਪ ‘ਚ ਨਾ ਲੈ ਕੇ ਜਾਓ: ਤੇਜ਼ ਧੁੱਪ ‘ਚ ਬੱਚੇ ਨੂੰ ਬਾਹਰ ਨਾ ਲੈ ਕੇ ਜਾਓ। ਸਵੇਰੇ 10 ਤੋਂ 5 ਵਜੇ ਤੱਕ ਬਹੁਤ ਗਰਮੀ ਪੈਂਦੀ ਹੈ। ਇਸ ਲਈ ਖਾਸ ਕਰਕੇ ਇਸ ਸਮੇਂ ਦੌਰਾਨ ਛੋਟੇ ਬੱਚਿਆਂ ਨੂੰ ਬਾਹਰ ਨਾ ਲੈ ਕੇ ਜਾਓ। ਬੱਚਿਆਂ ‘ਚ ਮੇਲਾਨਿਨ ਨਾਂ ਦਾ ਹਾਰਮੋਨ ਬਹੁਤ ਘੱਟ ਮਾਤਰਾ ‘ਚ ਪਾਇਆ ਜਾਂਦਾ ਹੈ। ਜਿਸ ਕਾਰਨ ਸੂਰਜ ਦੀ ਰੌਸ਼ਨੀ ਦਾ ਸਿੱਧਾ ਅਸਰ ਬੱਚੇ ਦੀ ਸਕਿਨ, ਵਾਲਾਂ ਅਤੇ ਅੱਖਾਂ ‘ਤੇ ਪੈਂਦਾ ਹੈ।
ਜ਼ਿਆਦਾ ਤੋਂ ਜ਼ਿਆਦਾ ਪਾਣੀ ਪਿਲਾਓ: ਗਰਮੀਆਂ ਦੇ ਇਸ ਮੌਸਮ ‘ਚ ਬੱਚਿਆਂ ਨੂੰ ਬਿਮਾਰੀਆਂ ਤੋਂ ਬਚਾਉਣ ਲਈ ਵੱਧ ਤੋਂ ਵੱਧ ਪਾਣੀ ਪੀਣਾ ਚਾਹੀਦਾ ਹੈ। ਪਾਣੀ ਬੱਚੇ ਦੇ ਸਰੀਰ ਨੂੰ ਠੰਢਾ ਕਰਕੇ ਹਾਈਡ੍ਰੇਟ ਕਰਨ ‘ਚ ਮਦਦ ਕਰਦਾ ਹੈ। ਜੇਕਰ ਬੱਚਾ ਬਹੁਤ ਛੋਟਾ ਹੈ ਤਾਂ ਉਸ ਨੂੰ ਸਮੇਂ-ਸਮੇਂ ‘ਤੇ ਆਪਣਾ ਦੁੱਧ ਪਿਲਾਉਂਦੇ ਰਹੋ।
ਫੈਬਰਿਕ ਦੇ ਕੱਪੜੇ ਨਾ ਪਹਿਨਾਉ: ਗਰਮੀਆਂ ਦੇ ਮੌਸਮ ‘ਚ ਆਪਣੇ ਬੱਚੇ ਨੂੰ ਫੈਬਰਿਕ ਦੇ ਕੱਪੜੇ ਨਾ ਪਹਿਨਾਉ। ਫੈਬਰਿਕ ਕੱਪੜੇ ਪਾਉਣ ਨਾਲ ਬੱਚੇ ਦੇ ਸਰੀਰ ‘ਤੇ ਧੱਫੜ ਸ਼ੁਰੂ ਹੋ ਜਾਂਦੇ ਹਨ। ਤੁਸੀਂ ਬੱਚੇ ਨੂੰ ਸੂਤੀ ਕੱਪੜੇ ਪਹਿਨਾ ਸਕਦੇ ਹੋ। ਬੱਚੇ ਇਸ ਨੂੰ ਪਹਿਨਣ ਵਿੱਚ ਬਹੁਤ ਆਰਾਮਦਾਇਕ ਮਹਿਸੂਸ ਕਰਨਗੇ। ਇਸ ਤੋਂ ਇਲਾਵਾ ਜਦੋਂ ਵੀ ਤੁਸੀਂ ਬੱਚੇ ਨੂੰ ਬਾਹਰ ਲੈ ਕੇ ਜਾਓ ਤਾਂ ਉਸ ਨੂੰ ਸੂਤੀ ਕੱਪੜੇ ਨਾਲ ਢੱਕ ਕੇ ਲਓ।
ਸੂਤੀ ਨੈਪੀ ਪਹਿਨਾਉ: ਬੱਚਿਆਂ ਦੀ ਸਕਿਨ ਬਹੁਤ ਹੀ ਨਾਜ਼ੁਕ ਹੁੰਦੀ ਹੈ। ਗਰਮੀ ਕਾਰਨ ਉਨ੍ਹਾਂ ਦੀ ਸਕਿਨ ‘ਤੇ ਰੈਸ਼ੇਜ ਹੋਣ ਲੱਗਦੇ ਹਨ। ਇਸ ਲਈ ਤੁਸੀਂ ਉਨ੍ਹਾਂ ਨੂੰ ਸਿਰਫ ਸੂਤੀ ਦੀ ਨੈਪੀ ਪਹਿਨਾਉ। ਨੈਪੀ ਪਾਉਣ ਤੋਂ ਪਹਿਲਾਂ ਤੁਸੀਂ ਬੱਚੇ ਦੀ ਸਕਿਨ ‘ਤੇ ਥੋੜ੍ਹੀ ਜਿਹੀ ਹਵਾ ਵੀ ਲੱਗਣ ਦਿਓ। ਇਸ ਤੋਂ ਇਲਾਵਾ ਤੁਸੀਂ ਉਨ੍ਹਾਂ ‘ਤੇ ਬੇਬੀ ਕਰੀਮ ਜਾਂ ਪਾਊਡਰ ਜ਼ਰੂਰ ਲਗਾਓ।
ਪਿੱਤ ਤੋਂ ਬਚਾਓ: ਗਰਮੀਆਂ ‘ਚ ਸਰੀਰ ‘ਚੋਂ ਪਸੀਨਾ ਨਿਕਲਦਾ ਹੈ ਜਿਸ ਕਾਰਨ ਪਿੱਤ ਹੋਣ ਲੱਗਦੀ ਹੈ। ਪਿੱਤ ਤੋਂ ਬਚਾਉਣ ਲਈ ਤੁਸੀਂ ਬੱਚੇ ਨੂੰ ਸੂਤੀ ਕੱਪੜੇ ਪਹਿਨਾਉ। ਬੱਚੇ ਦੀ ਪਿੱਤ ਨੂੰ ਦੂਰ ਕਰਨ ਲਈ ਤੁਸੀਂ ਬੇਬੀ ਪਾਊਡਰ ਅਤੇ ਤੇਲ ਦੀ ਵਰਤੋਂ ਬਿਲਕੁਲ ਨਾ ਕਰੋ।
