ਹਲਦੀ ਸਦੀਆਂ ਤੋਂ ਭਾਰਤੀ ਰਸੋਈ ਦਾ ਮਹੱਤਵਪੂਰ ਹਿੱਸਾ ਰਹੀ ਹੈ। ਇਹ ਸਿਰਫ ਖਾਣ ਦਾ ਰੰਗ ਤੇ ਸੁਆਦ ਵਾਲਾ ਮਸਾਲਾ ਹੀ ਨਹੀਂ ਸਗੋਂ ਔਸ਼ਧੀ ਗੁਣਾਂ ਨਾਲ ਵੀ ਭਰਪੂਰ ਹੈ। ਭਾਰ ਘਟਾਉਣ ਦੀ ਜੱਦੋ-ਜਹਿਦ ਵਿਚ ਲੱਗੇ ਲੋਕਾਂ ਲਈ ਹਲਦੀ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ। ਹਾਲਾਂਕਿ ਬਾਜ਼ਾਰ ਵਿਚ ਕਈ ਤਰ੍ਹਾਂ ਦੇ ਹੈਲਦੀ ਵਾਲੇ ਪ੍ਰੋਡਕਟਸ ਮੌਜੂਦ ਹਨ ਪਰ ਭਾਰ ਘਟਾਉਣ ਲਈ ਹਲਦੀ ਦਾ ਸਭ ਤੋਂ ਕਾਰਗਰ ਤਰੀਕਾ ਸਰਲ ਤੇ ਸਿੱਧਾ ਹੈ। ਆਓ ਜਾਣਦੇ ਹਾਂ ਹਲਦੀ ਨੂੰ ਕਿਸ ਤਰ੍ਹਾਂ ਤੋਂ ਇਸਤੇਮਾਲ ਕੀਤਾ ਜਾਵੇ ਜਿਸ ਨਾਲ ਤੁਸੀਂ ਤੇਜ਼ੀ ਨਾਲ ਤੇ ਸੁਰੱਖਿਅਤ ਤਰੀਕੇ ਨਾਲ ਭਾਰ ਘੱਟ ਕਰ ਸਕੋ।
ਹਲਦੀ ਵਿਚ ਪਾਇਆ ਜਾਣ ਵਾਲਾ ਮੁੱਖ ਤੱਤ ਕਰਕਿਊਮਿਨ ਨਾਮਕ ਬਾਇਓਐਕਟਿਵ ਮਿਸ਼ਰਣ ਹੁੰਦਾ ਹੈ। ਖੋਜ ਦਰਸਾਉਂਦੀ ਹੈ ਕਿ ਕਰਕਿਊਮਿਨ ਵਿੱਚ ਸਾੜ ਵਿਰੋਧੀ (ਸੋਜ ਨੂੰ ਘਟਾਉਣ) ਅਤੇ ਮੈਟਾਬੋਲਿਜ਼ਮ ਨੂੰ ਵਧਾਉਣ ਵਾਲੀਆਂ ਵਿਸ਼ੇਸ਼ਤਾਵਾਂ ਹਨ। ਇਹ ਦੋਵੇਂ ਗੁਣ ਭਾਰ ਘਟਾਉਣ ਵਿੱਚ ਮਦਦਗਾਰ ਹਨ।
ਸਰੀਰ ਵਿਚ ਸੋਜਿਸ਼ ਨੂੰ ਘੱਟ ਕਰਨਾ
ਜ਼ਿਆਦਾ ਭਾਰ ਤੇ ਮੋਟਾਪੇ ਨਾਲ ਗ੍ਰਸਤ ਲੋਕਾਂ ਵਿਚ ਅਕਸਰ ਸਰੀਰ ਵਿਚ ਸੋਜਿਸ਼ ਦੀ ਸਮੱਸਿਆ ਹੁੰਦੀ ਹੈ। ਹਲਦੀ ਵਿਚ ਮੌਜੂਦ ਕਰਕਿਊਮਿਨ ਇਸ ਸੋਜਿਸ਼ ਨੂੰ ਘੱਟ ਕਰਨ ਵਿਚ ਮਦਦ ਕਰਦਾ ਹੈ ਜਿਸ ਨਾਲ ਭਾਰ ਘਟਾਉਣ ਦੀ ਪ੍ਰਕਿਰਿਆ ਆਸਾਨ ਹੋ ਜਾਂਦੀ ਹੈ।
ਮੈਟਾਬਾਲਿਜ਼ਮ ਨੂੰ ਵਧਾਉਣਾ
ਸਰੀਰ ਦਾ ਮੈਟਾਬਾਲਿਜ਼ਮ ਜਿੰਨਾ ਤੇਜ਼ ਹੁੰਦਾ ਹੈ, ਓਨੀ ਹੀ ਜ਼ਿਆਦਾ ਕੈਲੋਰੀ ਉਹ ਬਰਨ ਕਰਦਾ ਹੈ। ਹਲਦੀ ਵਿਚ ਮੌਜੂਦ ਕਰਕਿਊਮਿਨ ਸਰੀਰ ਦੇ ਮੈਟਾਬਾਲਿਜ਼ਮ ਨੂੰ ਵਧਾਉਣ ਵਿਚ ਮਦਦ ਕਰਦਾ ਹੈ ਜਿਸ ਨਾਲ ਸਰੀਰ ਹਲਦੀ ਨਾਲ ਫੈਟ ਬਰਨ ਕਰਨ ਲੱਗਦਾ ਹੈ।
ਹਲਦੀ ਵਾਲਾ ਪਾਣੀ
ਸਵੇਰੇ ਖਾਲੀ ਪੇਟ ਇਕ ਗਿਲਾਸ ਕੋਸੇ ਪਾਣੀ ਵਿਚ ਇਕ ਚੱਮਚ ਹਲਦੀ ਪਾਊਡਰ ਤੇ ਥੋੜ੍ਹਾ ਜਿਹਾ ਨਿੰਬੂ ਪਾ ਕੇ ਪੀਓ। ਇਹ ਭਾਰ ਘਟਾਉਣ ਦਾ ਸਭ ਤੋਂ ਸਰਲ ਤੇ ਕਾਰਗਰ ਘਰੇਲੂ ਨੁਸਖਾ ਹੈ।
ਹਲਦੀ ਵਾਲਾ ਦੁੱਧ : ਇਕ ਗਿਲਾਸ ਗਰਮ ਦੁੱਧ ਵਿਚ ਅੱਧਾ ਚੱਮਚ ਹਲਦੀ ਪਾਊਡਰ ਤੇ ਥੋੜ੍ਹੀ ਜਿਹੀ ਦਾਲਚੀਨੀ ਪਾਊਡਰ ਪਾ ਕੇ ਪੀਓ। ਇਹ ਨਾ ਸਿਰਫ ਭਾਰ ਘਟਾਉਣ ਵਿਚ ਮਦਦ ਕਰੇਗਾ ਸਗੋਂ ਚੰਗੀ ਨੀਂਦ ਵੀ ਆਏਗੀ।
ਖਾਣੇ ਵਿਚ ਸ਼ਾਮਲ ਕਰੋ
ਹਲਦੀ ਨੂੰ ਆਪਣੀਆਂ ਸਬਜ਼ੀਆਂਤੇ ਦਾਲਾਂ ਵਿਚ ਰੈਗੂਲਰ ਤੌਰ ‘ਤੇ ਸ਼ਾਮਲ ਕਰੋ। ਇਸ ਨਾਲ ਨਾ ਸਿਰਫ ਖਾਣਾ ਦਾ ਸੁਆਦ ਵਧੇਗਾ ਸਗੋਂ ਭਾਰ ਘਟਾਉਣ ਵਿਚ ਵੀ ਮਦਦ ਮਿਲੇਗੀ।
ਹਾਲਾਂਕਿ ਹਲਦੀ ਸੁਰੱਖਿਅਤ ਮੰਨੀ ਜਾਂਦੀ ਹੈ ਪਰ ਜ਼ਿਆਦਾ ਮਾਤਰਾ ਵਿਚ ਸੇਵਨ ਕਰਨ ਨਾਲ ਪੇਟ ਵਿਚ ਜਲਨ ਜਾਂ ਐਸੀਡਿਟੀ ਹੋ ਸਕਦੀ ਹੈ। ਇਸ ਲਈ ਨਿਰਧਾਰਤ ਮਾਤਰਾ ਵਿਚ ਜ਼ਿਆਦਾ ਸੇਵਨ ਨਾ ਕਰੋ। ਗਰਭਵਤੀ ਜਾਂ ਦੁੱਧ ਚੁੰਘਾਉਣ ਵਾਲੀਆਂ ਔਰਤਾਂ ਨੂੰ ਹਲਦੀ ਦਾ ਸੇਵਨ ਕਰਨ ਤੋਂ ਪਹਿਲਾਂ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ।
