Women Halwa health benefits: ਔਰਤਾਂ ‘ਚ ਹਾਰਮੋਨਲ ਅਸੰਤੁਲਨ ਕਾਰਨ ਮਿੱਠੇ ਦੀ ਕਰੇਵਿੰਗ ਜ਼ਿਆਦਾ ਹੁੰਦੀ ਹੈ। ਅਜਿਹੇ ‘ਚ ਸ਼ੂਗਰ ਨਾਲ ਭਰਪੂਰ ਅਨਹੈਲਥੀ ਚੀਜ਼ਾਂ ਦਾ ਸੇਵਨ ਕਰਨ ਨਾਲ ਭਾਰ ਵਧ ਸਕਦਾ ਹੈ ਸਰੀਰ ਦਾ pH ਅਸੰਤੁਲਿਤ ਹੋ ਸਕਦਾ ਹੈ ਅਤੇ ਵੈਜਾਇਨਲ ਖੁਜਲੀ ਵਧ ਸਕਦੀ ਹੈ। ਇਸ ਦੀ ਥਾਂ ਜੇਕਰ ਮਿੱਠੇ ‘ਚ ਕੁਝ ਨੈਚੂਰਲ ਮਿਠਾਸ ਵਾਲੀਆਂ ਚੀਜ਼ਾਂ ਨੂੰ ਖਾਧਾ ਜਾਵੇ ਤਾਂ ਇਸ ਨਾਲ ਮਿੱਠੇ ਦੀ ਕਰੇਵਿੰਗ ਵੀ ਖ਼ਤਮ ਹੋ ਜਾਵੇਗੀ ਅਤੇ ਸਰੀਰ ਨੂੰ ਕੋਈ ਨੁਕਸਾਨ ਵੀ ਨਹੀਂ ਹੋਵੇਗਾ। ਇਸ ਲਈ ਅੱਜ ਅਸੀਂ ਔਰਤਾਂ ‘ਚ ਮਿੱਠੇ ਦੀ ਕਰੇਵਿੰਗ ਨੂੰ ਘੱਟ ਕਰਨ ਲਈ ਕਈ ਤਰ੍ਹਾਂ ਦੇ ਹੈਲਦੀ ਹਲਵੇ ਬਾਰੇ ਦੱਸਾਂਗੇ ਜੋ ਨਾ ਸਿਰਫ ਟੇਸਟੀ ਹਨ ਬਲਕਿ ਇਨ੍ਹਾਂ ਨੂੰ ਖਾਣ ਦੇ ਕਈ ਹੈਲਥੀ ਫਾਇਦੇ ਵੀ ਹਨ। ਇਸ ਲਈ ਆਓ ਅੱਜ ਜਾਣਦੇ ਹਾਂ ਅਜਿਹੇ 5 ਹੈਲਥੀ ਹਲਵੇਆਂ ਬਾਰੇ ਜੋ ਪੀਰੀਅਡ ਤੋਂ ਲੈ ਕੇ ਪ੍ਰੈਗਨੈਂਸੀ ਤੱਕ ਔਰਤਾਂ ਲਈ ਕਈ ਤਰ੍ਹਾਂ ਨਾਲ ਫਾਇਦੇਮੰਦ ਹੁੰਦੇ ਹਨ।
ਔਰਤਾਂ ਲਈ ਹੈਲਥੀ ਹਲਵੇ
ਅਜਵਾਇਣ ਦਾ ਹਲਵਾ: ਅਜਵਾਈਨ ਦਾ ਹਲਵਾ ਔਰਤਾਂ ਦੀ ਸਿਹਤ ਲਈ ਹਮੇਸ਼ਾ ਹੀ ਫਾਇਦੇਮੰਦ ਮੰਨਿਆ ਗਿਆ ਹੈ। ਦਰਅਸਲ ਅਜਵਾਈਨ ਦਾ ਹਲਵਾ ਪੀਰੀਅਡਜ਼ ਨੂੰ ਨਿਯੰਤ੍ਰਿਤ ਕਰਦਾ ਹੈ ਅਤੇ ਪੀਰੀਅਡਜ ਸਾਈਕਲ ਨੂੰ ਰੈਗੂਲੇਟ ਕਰਦਾ ਹੈ। ਔਰਤਾਂ ਸਵੇਰੇ ਨਾਸ਼ਤੇ ‘ਚ ਅਜਵਾਈਨ ਦਾ ਹਲਵਾ ਖਾ ਸਕਦੀਆਂ ਹਨ। ਅਜਵਾਈਨ ਐਂਟੀ-ਆਕਸੀਡੈਂਟਸ ਨਾਲ ਭਰਪੂਰ ਹੁੰਦੀ ਹੈ ਜੋ ਔਰਤਾਂ ਦੇ ਸਰੀਰ ‘ਚ ਐਨਰਜ਼ੀ ਬੂਸਟ ਕਰਨ ਦਾ ਕੰਮ ਕਰਦਾ ਹੈ। ਨਾਲ ਹੀ ਇਹ ਬ੍ਰੈਸਟਫੀਡਿੰਗ ਵਾਲੀਆਂ ਮਾਵਾਂ ਦੇ ਦੁੱਧ ਨੂੰ ਵਧਾਉਂਦਾ ਹੈ। ਅਜਵਾਈਨ ਦੇ ਹਲਵੇ ਦਾ ਇੱਕ ਹੋਰ ਫਾਇਦਾ ਇਹ ਹੈ ਕਿ ਇਹ ਔਰਤਾਂ ‘ਚ ਕਬਜ਼ ਦੀ ਸਮੱਸਿਆ ਨੂੰ ਦੂਰ ਕਰਦਾ ਹੈ।
ਚੁਕੰਦਰ ਦਾ ਹਲਵਾ: ਚੁਕੰਦਰ ਦਾ ਹਲਵਾ ਐਂਟੀਆਕਸੀਡੈਂਟਸ ਅਤੇ ਬੀਟਾਸਾਈਨਿਨ ਨਾਲ ਭਰਪੂਰ ਹੁੰਦਾ ਹੈ ਜੋ ਬਲੱਡ ਸਰਕੂਲੇਸ਼ਨ ਨੂੰ ਵਧੀਆ ਬਣਾਉਂਦਾ ਹੈ। ਇਹ ਖੂਨ ਨੂੰ ਸਾਫ਼ ਕਰਕੇ ਤੁਹਾਡੇ ਲੀਵਰ ਦੀ ਸਿਹਤ ਲਈ ਅਚਰਜ ਕੰਮ ਕਰਦਾ ਹੈ। ਇਸ ਲਈ ਔਰਤਾਂ ਲਈ ਚੁਕੰਦਰ ਦਾ ਹਲਵਾ ਖਾਣਾ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਚੁਕੰਦਰ ਦਾ ਹਲਵਾ ਸਿਹਤਮੰਦ ਖਣਿਜਾਂ, ਵਿਟਾਮਿਨਾਂ ਅਤੇ ਫਾਈਬਰ ਨਾਲ ਵੀ ਭਰਪੂਰ ਹੁੰਦਾ ਹੈ ਜੋ ਤੁਹਾਨੂੰ ਲੰਬੇ ਸਮੇਂ ਤੱਕ ਭਰਿਆ ਹੋਇਆ ਮਹਿਸੂਸ ਕਰਨ ਅਤੇ ਕਰੇਵਿੰਗ ਨੂੰ ਘੱਟ ਕਰਦਾ ਹੈ। ਨਾਲ ਹੀ ਇਸ ਹਲਵੇ ਦੀ ਖਾਸ ਗੱਲ ਇਹ ਹੈ ਕਿ ਇਸ ‘ਚ ਕੈਲੋਰੀ ਘੱਟ ਹੁੰਦੀ ਹੈ ਇਸ ਲਈ ਤੁਸੀਂ ਇਸ ਨੂੰ ਮੋਟਾਪੇ ਦੀ ਚਿੰਤਾ ਕੀਤੇ ਬਿਨਾਂ ਖਾ ਸਕਦੇ ਹੋ। ਇਹ ਹਲਵਾ ਸਕਿਨ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ ਜੋ ਸਕਿਨ ਨੂੰ ਪੋਸ਼ਣ ਦਿੰਦਾ ਹੈ ਅਤੇ ਇਸ ਨੂੰ ਗਲੋਇੰਗ ਬਣਾਉਣ ‘ਚ ਮਦਦ ਕਰਦਾ ਹੈ।
ਸਿੰਘਾੜੇ ਦੇ ਆਟੇ ਦਾ ਹਲਵਾ: ਸਿੰਘਾੜੇ ਦੇ ਆਟੇ ਦਾ ਹਲਵਾ ਖਾਣਾ ਔਰਤਾਂ ਲਈ ਕਈ ਤਰ੍ਹਾਂ ਨਾਲ ਫਾਇਦੇਮੰਦ ਹੁੰਦਾ ਹੈ। ਸਭ ਤੋਂ ਪਹਿਲਾਂ ਇਸ ‘ਚ ਫਾਈਬਰ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ ਜੋ ਪੇਟ ਨੂੰ ਸਿਹਤਮੰਦ ਰੱਖਣ ‘ਚ ਮਦਦ ਕਰਦਾ ਹੈ। ਦਰਅਸਲ ਸਿੰਘਾੜੇ ਦੇ ਆਟੇ ‘ਚ ਕੈਲਸ਼ੀਅਮ ਦੀ ਚੰਗੀ ਮਾਤਰਾ ਹੁੰਦੀ ਹੈ ਜਿਸ ਦੀ ਕਮੀ ਅਕਸਰ ਔਰਤਾਂ ‘ਚ ਦੇਖਣ ਨੂੰ ਮਿਲਦੀ ਹੈ। ਇਹ ਹੱਡੀਆਂ ਨੂੰ ਸਿਹਤਮੰਦ ਰੱਖਦਾ ਹੈ ਅਤੇ ਉਨ੍ਹਾਂ ਨੂੰ ਅੰਦਰੋਂ ਮਜ਼ਬੂਤ ਬਣਾਉਂਦਾ ਹੈ। ਇਸ ਦੇ ਨਾਲ ਹੀ ਸਿੰਘਾੜੇ ਦੇ ਆਟੇ ‘ਚ ਆਇਓਡੀਨ ਦੀ ਵੀ ਬਹੁਤ ਮਾਤਰਾ ਹੁੰਦੀ ਹੈ ਜੋ ਔਰਤਾਂ ਨੂੰ ਸਰੀਰ ‘ਚ ਥਾਇਰਾਇਡ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਬਚਾਉਂਦੀ ਹੈ।
ਕੱਦੂ ਦਾ ਹਲਵਾ: ਕੱਦੂ ਦਾ ਹਲਵਾ ਔਰਤਾਂ ਦੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਕੱਦੂ ‘ਚ ਵਿਟਾਮਿਨ ਸੀ ਅਤੇ ਵਿਟਾਮਿਨ ਈ ਦੀ ਚੰਗੀ ਮਾਤਰਾ ਹੁੰਦੀ ਹੈ ਜੋ ਔਰਤਾਂ ਨੂੰ ਸੰਕ੍ਰਮਿਕ ਬਿਮਾਰੀਆਂ ਤੋਂ ਬਚਾਉਣ ‘ਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਇਸ ਦਾ ਵਿਟਾਮਿਨ ਈ ਔਰਤਾਂ ਦੀ ਸਕਿਨ ਅਤੇ ਵਾਲਾਂ ਲਈ ਵੀ ਫਾਇਦੇਮੰਦ ਹੁੰਦਾ ਹੈ। ਨਾਲ ਹੀ ਕੱਦੂ ਦਾ ਹਲਵਾ ਸ਼ੂਗਰ ਦੀਆਂ ਔਰਤ ਮਰੀਜ਼ਾਂ ਲਈ ਅਤੇ ਜੋੜਾਂ ਦੇ ਦਰਦ ਤੋਂ ਪੀੜਤ ਔਰਤਾਂ ਲਈ ਲਾਭਦਾਇਕ ਹੈ। ਅਜਿਹਾ ਇਸ ਲਈ ਕਿਉਂਕਿ ਇਸ ‘ਚ ਐਂਟੀ-ਡਾਇਬੀਟਿਕ ਅਤੇ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ ਜੋ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ।
ਖਸਖਸ ਦਾ ਹਲਵਾ: ਖਸਖਸ ਦਾ ਹਲਵਾ ਖਸਖਸ ਦੇ ਬੀਜ, ਘਿਓ, ਦੁੱਧ, ਮਖਾਣੇ, ਇਲਾਇਚੀ ਪਾਊਡਰ, ਸੁੱਕੇ ਮੇਵੇ ਅਤੇ ਗੁੜ ਤੋਂ ਬਣਦਾ ਹੈ। ਇਸ ਦੀ ਖਾਸ ਗੱਲ ਇਹ ਹੈ ਕਿ ਐਨਰਜ਼ੀ ਵਧਾਉਣ ਦੇ ਨਾਲ-ਨਾਲ ਇਸ ‘ਚ ਫਾਈਬਰ ਵੀ ਭਰਪੂਰ ਹੁੰਦਾ ਹੈ ਜੋ ਸਰੀਰ ‘ਚ ਐਨਰਜ਼ੀ ਬੂਸਟ ਕਰਦਾ ਹੈ। ਪੇਟ ਨੂੰ ਵੀ ਸਿਹਤਮੰਦ ਰੱਖਦਾ ਹੈ। ਇਸ ਤੋਂ ਇਲਾਵਾ ਇਹ ਹੱਡੀਆਂ ਨੂੰ ਸਿਹਤਮੰਦ ਰੱਖਣ ‘ਚ ਵੀ ਫਾਇਦੇਮੰਦ ਹੈ। ਇਸ ਤਰ੍ਹਾਂ ਔਰਤਾਂ ਦੀ ਸਿਹਤ ਲਈ ਇਹ 5 ਤਰ੍ਹਾਂ ਦੇ ਹਲਵੇ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਤੁਸੀਂ ਇਨ੍ਹਾਂ ਨੂੰ ਕਦੇ ਵੀ ਬਣਾ ਕੇ ਖਾ ਸਕਦੇ ਹੋ। ਪਰ ਚੰਗਾ ਹੋਵੇਗਾ ਕਿ ਜਦੋਂ ਤੁਹਾਨੂੰ ਮਿੱਠੇ ਦੀ ਕਰੇਵਿੰਗ ਹੋਵੇ ਤਾਂ ਤੁਸੀਂ ਇਸ ਦਾ ਸੇਵਨ ਜ਼ਰੂਰ ਕਰੋ ਤਾਂ ਜੋ ਇਹ ਤੁਹਾਡੇ ਸਰੀਰ ਦੇ ਨਾਲ-ਨਾਲ ਮਨ ਲਈ ਵੀ ਲਾਭਕਾਰੀ ਹੋਵੇ।
