ਸਰਦੀਆਂ ਦੀ ਧੁੱਪ ਵਿਚ ਕਈ ਘੰਟੇ ਬੈਠ ਕੇ ਪਰਿਵਾਰ ਨਾਲ ਗੱਲਾਂ ਕਰਨਾ, ਮਟਰ ਛਿਲਣਾ, ਹਰੀ ਪੱਤੇਦਾਰ ਸਬਜ਼ੀਆਂ ਸਾਫ ਕਰਨਾ, ਸਵੈਟਰ ਬੁਣਨਾ ਜਾਂ ਫਿਰ ਘੰਟਿਆਂ ਦੀ ਨੀਂਦ ਲੈਣਾ ਵਰਗੀਆਂ ਬਚਪਨ ਦੀਆਂ ਯਾਦਾਂ ਸਾਰਿਆਂ ਦੇ ਦਿਮਾਗ ਵਿਚ ਹਨ। ਇਕ ਸਮਾਂ ਸੀ ਜਦੋਂ ਸਰਦੀ ਦੀ ਸ਼ੁਰੂਆਤ ਹੋਣ ਦੇ ਨਾਲ ਹੀ ਲਗਭਗ ਹਰ ਘਰ ਵਿਚ ਧੁੱਪ ਸੇਕਣਦਾ ਸ਼ੈਡਿਊਲ ਸ਼ੁਰੂ ਹੋ ਜਾਂਦਾ ਸੀ। ਪਰ ਅੱਜ ਸਾਰਿਆਂ ਆਪਣੀ ਜ਼ਿੰਦਗੀ ਵਿਚ ਇੰਨੇ ਬਿਜ਼ੀ ਹੋ ਗਏ ਹਨ ਕਿ ਧੁੱਪ ਸੇਕਣਾ ਭੁੱਲ ਹੀ ਗਏ ਹਨ ਜਾਂ ਇਹ ਕਹਿ ਸਕਦੇ ਹੋ ਕਿ ਇਸ ਲਈ ਸਮਾਂ ਨਹੀਂ ਮਿਲਦਾ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਠੰਡ ਤੋਂ ਰਾਹਤ ਪਾਉਣ ਲਈ ਧੁੱਪ ਵਿਚ ਬੈਠਣ ਨਾ ਸਿਰਫ ਤੁਹਾਨੂੰ ਸਰੀਰਕ ਤੌਰ ‘ਤੇ ਮਜ਼ਬੂਤ ਕਰਦਾ ਹੈ ਸਗੋਂ ਇਹ ਤੁਹਾਨੂੰ ਮਾਨਸਿਕ ਤੌਰ ‘ਤੇ ਵੀ ਸਿਹਤਮੰਦ ਰੱਖਦਾ ਹੈ।
ਸਰਦੀਆਂ ਵਿਚ ਧੁੱਪ ਸੇਕਣ ਦੇ ਫਾਇਦੇ
1. ਆਉਂਦੀ ਹੈ ਚੰਗੀ ਨੀਂਦ
ਸਰਦੀਆਂ ਵਿਚ ਧੁੱਪ ਸੇਕਣ ਨਾਲ ਤੁਹਾਨੂੰ ਨੀਂਦ ਵਧੀਆ ਆਉਂਦੀ ਹੈ। ਇਹ ਤੁਹਾਡੀ ਸਰਕੇਡੀਅਨ ਲੈਅ ਨੂੰ ਸੁਧਾਰਦਾ ਹੈ। ਸਰਕੇਡੀਅਨ ਰਿਦਮ 24-ਘੰਟੇ ਦੀ ਅੰਦਰੂਨੀ ਘੜੀ ਦੀ ਇੱਕ ਕਿਸਮ ਹੈ। ਇਹ ਸਾਡੇ ਨੀਂਦ ਦੇ ਚੱਕਰ ਨੂੰ ਕੰਟਰੋਲ ਕਰਦਾ ਹੈ ਜਦੋਂ ਸਾਡੇ ਵਾਤਾਵਰਣ ਵਿੱਚ ਮਾਮੂਲੀ ਤਬਦੀਲੀਆਂ ਹੁੰਦੀਆਂ ਹਨ। ਸੂਰਜ ਵਿੱਚ ਬੈਠਣ ਨਾਲ ਇਸ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਸਾਨੂੰ ਚੰਗੀ ਨੀਂਦ ਆਉਂਦੀ ਹੈ। ਜਦੋਂ ਕਿ ਸੂਰਜ ਦੀ ਰੌਸ਼ਨੀ ਮੇਲਾਟੋਨਿਨ ਦੇ ਰਿਸਾਅ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦੀ ਹੈ। ਮੇਲਾਟੋਨਿਨ ਚੰਗੀ ਨੀਂਦ ਨੂੰ ਵੀ ਉਤਸ਼ਾਹਿਤ ਕਰਦਾ ਹੈ।
2. ਧੁੱਪ ਵਧਾਉਂਦੀ ਹੈ ਹੈਪੀ ਹਾਰਮੋਨ
ਠੰਡ ਦੇ ਮੌਸਮ ਵਿਚ ਧੁੱਪ ਵਿਚ ਬੈਠਣ ਨਾਲ ਤੁਹਾਨੂੰ ਅੰਦਰੂਨੀ ਖੁਸ਼ੀ ਮਿਲਦੀ ਹੈ। ਇਸ ਨਾਲ ਸਰੀਰ ਵਿਚ ਹੈਪੀ ਹਾਰਮੋਨ ਕਹੇ ਜਾਣ ਵਾਲੇ ਸੇਰੋਟੋਨਿਨ ਦਾ ਪੱਧਰ ਵਧਦਾ ਹੈ।ਇਹ ਹਾਰਮੋਨ ਡਿਪ੍ਰੈਸ਼ਨ ਨੂੰ ਘੱਟ ਕਰਦਾ ਹੈ ਤੇ ਤੁਹਾਨੂੰ ਖੁਸ਼ ਰੱਖਣ ਵਿਚ ਵੀ ਮਦਦਗਾਰ ਕਰਦਾ ਹੈ। ਇਸ ਨਾਲ ਮਨ ਦੀ ਸੰਤੁਸ਼ਟੀ ਮਿਲਦੀ ਹੈ। ਸਰਦੀਆਂ ਵਿਚ ਧੁੱਪ ਸੇਕਣ ਨਾਲ ਤੁਹਾਡਾ ਫੋਕਸ ਵਧਦਾ ਹੈ ਤੇ ਯਾਦਦਾਸ਼ਤ ਮਜ਼ਬੂਤ ਹੁੰਦੀ ਹੈ।
3. ਵਿਟਾਮਿਨ ਡੀ ਦਾ ਮੁੱਖ ਸਰੋਤ
ਵਿਟਾਮਿਨ ਡੀ ਸਾਡੇ ਸਰੀਰ ਲਈ ਬਹੁਤਹੀ ਮਹੱਤਵਪੂਰਨ ਹੈ। ਇਸ ਦੀ ਕਮੀ ਨਾਲ ਸਰੀਰ ਵਿਚ ਕਈ ਪ੍ਰੇਸ਼ਾਨੀਆਂ ਹੋਣ ਲੱਗਦੀਆਂ ਹਨ। ਵਿਟਾਮਿਨ ਡੀ ਦੇ ਕਾਰਨ ਸਰੀਰ ਦੀ ਰੋਕ ਰੋਕੂ ਸਮਰੱਥਾ ਵਧਦੀ ਹੈ, ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ। ਇਹ ਸਰੀਰ ਵਿਚ ਐਨਰਜੀ ਦਾ ਪੱਧਰ ਵਧਾਉਣ ਵਿਚ ਵੀ ਮਦਦਗਾਰ ਹੁੰਦਾ ਹੈ। ਇਹ ਡਾਇਬਟੀਜ਼, ਦਿਲ ਦੀਆਂ ਬੀਮਾਰੀਆਂ ਦੇ ਕੁਝ ਕੈਂਸਰ ਦੇ ਖਤਰਿਆਂ ਨੂੰ ਵੀ ਘੱਟ ਕਰਦਾ ਹੈ। ਸਰਦੀਆਂ ਵਿਚ ਧੁੱਪ ਵਿਚ ਬੈਠਣ ਨਾਲ ਤੁਸੀਂ ਇਸ ਵਿਟਾਮਿਨ ਨੂੰ ਆਰਾਮ ਨਾਲ ਪ੍ਰਾਪਤ ਕਰ ਸਕਦੇ ਹੋ।
4. ਐਨਰਜੀ ਮਹਿਸੂਸ ਕਰੋਗੇ ਤੁਸੀਂ
ਸਰਦੀਆਂ ਵਿਚ ਅਕਸਰ ਲੋਕ ਮਹਿਸੂਸ ਕਰਦੇ ਹਨ ਕਿ ਸੂਰਜ ਦਾ ਪ੍ਰਕਾਸ਼ ਤੁਹਾਡੇ ਸਰੀਰ ਵਿਚ ਊਰਜਾ ਦਾ ਪੱਧਰ ਵਧਾਉਣ ਵਿਚ ਮਦਦਗਾਰ ਬਣਦਾ ਹੈ। ਧੁੱਪ ਸੇਰੋਟੋਨਿਨ ਦੇ ਉਤਪਾਦਨ ਨੂੰ ਉਤੇਜਿਤ ਕਰਦੀ ਹੈ ਜਿਸ ਨਾਲ ਤੁਹਾਡੇ ਸਰੀਰ ਵਿਚ ਉਤਪਾਦਕਤਾ ਵਧਦੀ ਹੈ। ਸੇਰੋਟੋਨਿਨ ਸਾਡੇ ਦਿਮਾਗ ਤੱਕ ਸੰਦੇਸ਼ ਪਹੁੰਚਾਉਣ ਦਾ ਕੰਮ ਕਰਦਾ ਹੈ। ਇਸ ਦੀ ਕਮੀ ਨਾਲ ਬ੍ਰੇਨ ਸੈੱਲ ਤੱਕ ਸੰਦੇਸ਼ ਠੀਕ ਤਰ੍ਹਾਂ ਨਹੀਂ ਪਹੁੰਚਦੇ।
5. ਮਜ਼ਬੂਤ ਹੁੰਦੀ ਹੈ ਇਮਊਨਿਟੀ
ਮਜ਼ਬੂਤ ਇਮਊਨਿਟੀ ਕਾਰਨ ਤੁਸੀਂ ਕਈ ਬੀਮਾਰੀਆਂ ਤੋਂ ਬਚ ਸਕਦੇ ਹੋ। ਸਰਦੀ ਦੀ ਧੁੱਪ ਤੁਹਾਡੇ ਲਈ ਇਮਊਨਿਟੀ ਟੌਨਿਕ ਵਜੋਂ ਕੰਮ ਕਰਦੀ ਹੈ। ਧੁੱਪ ਕਾਰਨ ਤੁਹਾਡੇ ਸਰੀਰ ਵਿਚ ਸਫੈਦ ਖੂਨ ਕੋਸ਼ਿਕਾਵਾਂ ਦਾ ਉਤਪਾਦਨ ਵਧਦਾ ਹੈ। ਇਸ ਨਾਲ ਇਨਫੈਕਸ਼ਨਾਂ ਤੋਂ ਬਚਣ ਵਿਚ ਮਦਦ ਮਿਲਦੀ ਹੈ। ਇਸ ਤੋਂ ਇਲਾਵਾ, ਸੂਰਜ ਦੀ ਰੌਸ਼ਨੀ ਦੀ ਕਮੀ ਕਾਰਨ ਮੌਸਮੀ ਪ੍ਰਭਾਵੀ ਵਿਕਾਰ ਦਾ ਖ਼ਤਰਾ ਵੀ ਘੱਟ ਜਾਂਦਾ ਹੈ।
