Amazon ਦੇ ਮਾਲਕ ਅਤੇ ਦੁਨੀਆ ਦੇ ਸਭ ਤੋਂ ਅਮੀਰ ਆਦਮੀ ਜੈੱਫ ਬੇਜੋਸ ਦੀ ਸਾਬਕਾ ਪਤਨੀ ਮੈਕੇਂਜ਼ੀ ਸਕੌਟ ਨੇ ਵੱਖ-ਵੱਖ ਸੰਸਥਾਵਾਂ ਨੂੰ 2.7 ਬਿਲੀਅਨ ਡਾਲਰ ਦਾਨ ਕੀਤੇ ਹਨ। ਉਨ੍ਹਾਂ ਨੇ ਮੰਗਲਵਾਰ ਨੂੰ ਇੱਕ ਬਲਾੱਗ ਪੋਸਟ ਵਿੱਚ ਲਿਖਿਆ ਕਿ ਜੁਲਾਈ 2020 ਵਿੱਚ ਪਹਿਲੀ ਵਾਰ ਦੇਣ ਤੋਂ ਬਾਅਦ ਉਨ੍ਹਾਂ ਦਾ ਕੁੱਲ ਦਾਨ 8.5 ਬਿਲੀਅਨ ਡਾਲਰ ਹੋ ਗਿਆ ਹੈ। ਦਰਅਸਲ, 51 ਸਾਲਾਂ ਦੀ ਸਕਾਟ ਨੇ ਪਿਛਲੇ ਸਾਲ ਆਪਣੇ ਦਾਨ ਨਾਲ ਪੂਰੀ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ।
ਇਸ ਦੇ ਨਾਲ ਹੀ, ਇਸ ਵਾਰ ਉਨ੍ਹਾਂ ਨੇ ਐਲਵਿਨ ਏਲੀ ਅਮੈਰੀਕਨ ਡਾਂਸ ਥੀਏਟਰ ਤੋਂ 286 ਸੰਗਠਨਾਂ ਨੂੰ ਦਾਨ ਕੀਤਾ ਹੈ। ਮੈਕੇਂਜ਼ੀ ਨੇ ਕੁਝ ਸਮਾਂ ਪਹਿਲਾਂ ਸੀਏਟਲ ਸਾਇੰਸ ਦੀ ਅਧਿਆਪਕਾ ਨਾਲ ਵਿਆਹ ਕਰਵਾ ਲਿਆ ਸੀ, ਜਿਸ ਤੋਂ ਬਾਅਦ ਪਹਿਲੀ ਵਾਰ ਉਨ੍ਹਾਂ ਨੇ ਦਾਨ ਦਾ ਐਲਾਨ ਕੀਤਾ ਹੈ।
ਜਾਣਕਾਰੀ ਦੇ ਅਨੁਸਾਰ, ਮੈਕੇਂਜ਼ੀ ਸਕੌਟ ਬੇਜੋਸ ਨਾਲ ਤਲਾਕ ਲੈਣ ਤੋਂ ਬਾਅਦ Amazon.com Inc. ਵਿੱਚ 4% ਦੀ ਹਿੱਸੇਦਾਰੀ ਨਾਲ ਦੁਨੀਆ ਦੀ ਸਭ ਤੋਂ ਪਰਉਪਕਾਰੀ ਲੋਕਾਂ ਵਿੱਚੋਂ ਇੱਕ ਬਣ ਗਈ ਹੈ। ਮੈਕੈਂਜ਼ੀ, ਜੋ ਕਿ 60 ਬਿਲੀਅਨ ਡਾਲਰ ਦੀ ਮਾਲਕ ਹੈ, ਨੇ ਆਪਣੇ ਬਲਾੱਗ ਵਿੱਚ ਲਿਖਿਆ ਕਿ ‘ਅਸੀਂ ਇੱਕ ਨਿਮਰ ਵਿਸ਼ਵਾਸ ਨਾਲ ਦਾਨ ਕਰਦੇ ਹਾਂ ਜਿਸ ਨਾਲ ਲੋਕਾਂ ਦੀ ਮਦਦ ਹੋ ਸਕੇਗੀ।
ਜਾਣਕਾਰੀ ਅਨੁਸਾਰ ਪਿਛਲੇ ਸਾਲ ਮੈਂਕੇਂਜੀ ਨੇ ਦਾਨ ਦੇ ਕੇ ਸਭ ਤੋਂ ਵੱਡਾ ਸਾਲਾਨਾ ਰਿਕਾਰਡ ਬਣਾਇਆ ਸੀ । ਸਕਾਟ ਦੀ ਮਾਹਰਾਂ ਅਤੇ ਪਰਉਪਕਾਰੀ ਆਲੋਚਕਾਂ ਨੇ ਉਨ੍ਹਾਂ ਦੀ ਬਹੁਤ ਤਾਰੀਫ ਕੀਤੀ ਸੀ, ਕਿਉਂਕਿ ਮੈਕੇਂਜ਼ੀ ਵੱਡੀਆਂ ਅਤੇ ਛੋਟੀਆਂ ਸੰਸਥਾਵਾਂ ਨੂੰ ਦਾਨ ਦਿੰਦੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ ‘ਚ ਬੁੱਧਵਾਰ ਨੂੰ ਮਿਲੇ ਕੋਰੋਨਾ ਦੇ 688 ਨਵੇਂ ਕੇਸ, 46 ਨੇ ਤੋੜਿਆ ਦਮ
ਦੱਸ ਦੇਈਏ ਕਿ ਇਸ ਸਬੰਧੀ ਮੈਕੇਂਜੀ ਨੇ ਆਪਣੇ ਇੱਕ ਬਲਾੱਗ ਵਿੱਚ ਲਿਖਿਆ ਕਿ ‘ਸਾਨੂੰ ਪੈਸੇ ਖਰਚਣ ਦੇ ਤਰੀਕੇ ਅਤੇ ਇਸ ਦੀ ਸਹੀ ਵਰਤੋਂ ਕਰਨ ਬਾਰੇ ਪਤਾ ਹੋਣਾ ਚਾਹੀਦਾ ਹੈ, ਤਾਂ ਜੋ ਲੋੜਵੰਦ ਲੋਕਾਂ ਦੀ ਮਦਦ ਕੀਤੀ ਜਾ ਸਕੇ।
ਇਹ ਵੀ ਦੇਖੋ: ਜੈਪਾਲ ਭੁੱਲਰ ਦੇ ਜੂਨੀਅਰ ਨੇ ਦੱਸੀ ਅਸਲੀਅਤ, ਕੌਣ ਬਣਾਉਂਦਾ ਖਿਡਾਰੀਆਂ ਨੂੰ ਗੈਂਗਸਟਰ ?
