ਲੰਡਨ ਦੇ ਦੱਖਣ-ਪੂਰਬੀ ਤਟ ‘ਤੇ ਸਥਿਤ ਸਾਊਐਂਡ ਏਅਰਪੋਰਟ ‘ਤੇ ਬੀਤੇ ਦਿਨੀਂ ਇਕ ਛੋਟਾ ਜਹਾਜ਼ ਟੇਕਆਫ ਦੇ ਕੁਝ ਸੈਕੰਡ ਬਾਅਦ ਹਾਦਸਾਗ੍ਰਸਤ ਹੋ ਗਿਆ।ਪਲੇਨ ਜ਼ਮੀਨ ਨਾਲ ਟਕਰਾਉਂਦੇ ਹੀ ਅੱਗ ਦਾ ਗੋਲਾ ਬਣ ਗਿਆ। ਹਾਦਸੇ ਦੇ ਤੁਰੰਤ ਬਾਅਦ ਏਅਰਪੋਰਟ ਨੂੰ ਅਗਲੀ ਸੂਚਨਾ ਤੱਕ ਬੰਦ ਕਰ ਦਿੱਤਾ ਗਿਆ ਹੈ ਤੇ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਦਿ ਮਿਰਰ ਦੀ ਰਿਪੋਰਟ ਮੁਤਾਬਕ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਸ਼ਾਮ ਲਗਭਗ 4 ਵਜੇ ਹੋਇਆ। ਹਾਦਸੇ ਵਿਚ ਜਾਨ ਗੁਆਉਣ ਵਾਲਿਆਂ ਦੀ ਗਿਣਤੀ ਹੁਣ ਤੱਕ ਦੱਸੀ ਨਹੀਂ ਗਈ ਹੈ। ਹਾਦਸੇ ਦੇ ਕੁਝ ਹੀ ਮਿੰਟਾਂ ਵਿਚ ਸੋਸ਼ਲ ਮੀਡੀਆ ‘ਤੇ ਅੱਗ ਤੇ ਕਾਲੇ ਧੂੰਏਂ ਦੀਆਂ ਫੋਟੋਆਂ ਵਾਇਰਲ ਹੋ ਗਈਆਂ। ਵੀਡੀਓ ਵਿਚ ਦੇਖਿਆ ਗਿਆ ਕਿ ਜਹਾਜ਼ ਸੜ ਰਿਹਾ ਸੀ ਤੇ ਬਚਾਅ ਟੀਮਾਂ ਘਟਨਾ ਵਾਲੀ ਥਾਂ ਵੱਲ ਭੱਜ ਰਹੀਆਂ ਸਨ। ਮੌਕੇ ‘ਤੇ ਮੌਜੂਦ ਜਾਨ ਜਾਨਸਰ ਨੇ ਦੱਸਿਆ ਕਿ ਟੇਕਆਫ ਦੇ ਕੁਝ ਹੀ ਸੈਕੰਡ ਬਾਅਦ ਸੱਜੇ ਪਾਸੇ ਜਹਾਜ਼ ਝੁਕਿਆ, ਫਿਰ ਪਲਟਿਆ ਤੇ ਜ਼ਮੀਨ ਨਾਲ ਟਕਰਾ ਗਿਆ।
ਇਹ ਵੀ ਪੜ੍ਹੋ : ਪੰਜਾਬ ਕੈਬਨਿਟ ਦੀ ਅਹਿਮ ਮੀਟਿੰਗ ਹੋਵੇਗੀ ਅੱਜ, ਬੇਅਦਬੀ ਮਾਮਲੇ ‘ਤੇ ਬਿੱਲ ਦੇ ਖਰੜੇ ਨੂੰ ਮਿਲ ਸਕਦੀ ਹੈ ਮਨਜ਼ੂਰੀ
ਡਚ ਏਵੀਏਸ਼ਨ ਕੰਪਨੀ ਜਿਊਸ਼ ਏਵੀਏਸ਼ਨ ਨੇ ਪੁਸ਼ਟੀ ਕੀਤੀ ਹੈ ਕਿ ਉਸ ਦਾ ਜਹਾਜ਼ SUZI ਇਸ ਹਾਦਸੇ ਵਿਚ ਸ਼ਾਮਲ ਸੀ। ਕੰਪਨੀ ਨੇ ਦੱਸਿਆ ਕਿ ਇਹ ਫਲਾਈਟ ਗ੍ਰੀਨ ਦੀ ਰਾਜਧਾਨੀ ਏਥੇਂਸ ਤੋਂ ਕ੍ਰੋਏਸ਼ੀਆ ਦੇ ਪੁਲਾ ਸ਼ਹਿਰ ਹੁੰਦੇ ਹੋਏ ਸਾਉਐਂਡ ਪਹੁੰਚਿਆ ਸੀ ਤੇ ਉਥੋਂ ਨੀਦਰਲੈਂਡ ਦੇ ਲੇਲੀਸਟਾਡ ਏਅਰਪੋਰਟ ਪਰਤਣ ਵਾਲਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
