ਦੁਨੀਆ ਵਿਚ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜਿਨ੍ਹਾਂ ਨੂੰ ਤਰ੍ਹਾਂ-ਤਰ੍ਹਾਂ ਦੀਆਂ ਚੀਜ਼ਾਂ ਤੋਂ ਐਲਰਜੀ ਹੈ। ਕੁਝ ਲੋਕਾਂ ਨੂੰ ਤਾਂ ਖਾਣ-ਪੀਣ ਦੀਆਂ ਚੀਜ਼ਾਂ ਤੋਂ ਵੀ ਐਲਰਜੀ ਹੋ ਜਾਂਦੀ ਹੈ ਤੇ ਇਹ ਕਾਫੀ ਅਜੀਬ ਹੁੰਦਾ ਹੈ। ਅਜਿਹੀ ਹੀ ਇਕ ਮਹਿਲਾ ਅੱਜ ਕਲ ਕਾਫੀ ਚਰਚਾ ਵਿਚ ਹੈ, ਜਿਸ ਨੂੰ ਇਕ ਅਜਿਹੀ ਚੀਜ ਤੋਂ ਐਲਰਜੀ ਹੈ ਜੋ ਇਨਸਾਨ ਲਈ ਸਭ ਤੋਂ ਜ਼ਿਆਦਾ ਜ਼ਰੂਰੀ ਹੈ। ਜੀ ਹਾਂ, ਇਹ ਚੀਜ਼ ਹੈ ਪਾਣੀ। ਦਰਅਸਲ ਏਬੀ ਨਾਂ ਦੀ ਇਸ ਮਹਿਲਾ ਨੂੰ ਪਾਣੀ ਤੋਂ ਐਲਰਜੀ ਹੈ। ਉਸ ਨੇ ਖੁਦ ਆਪਣੀ ਸਥਿਤੀ ਬਾਰੇ ਦੱਸਿਆ ਕਿ ਇਹ ਉਸ ਦੇ ਜੀਵਨ ਨੂੰ ਕਿਵੇਂ ਪ੍ਰਭਾਵਿਤ ਕਰਦਾ ਹੈ।
ਐਬੀ ਨੇ ਦੱਸਿਆ ਕਿ ਉਸ ਨੂੰ ਐਕਵਾਜੇਨਿਕ ਛਪਾਕੀ ਨਾਂ ਦੀ ਬੀਮਾਰੀ ਹੈ, ਜਿਸ ਕਾਰਨ ਪਾਣੀ ਦੇ ਸੰਪਰਕ ਵਿਚ ਆਉਣ ‘ਤੇ ਉਸ ਦੀ ਚਮੜੀ ‘ਤੇ ਛਪਾਕੀ ਦਿਖਾਈ ਦਿੰਦੀ ਹੈ, ਜਿਸ ਨੂੰ ਧੱਫੜ ਵੀ ਕਿਹਾ ਜਾਂਦਾ ਹੈ। ਅਸਲ ਵਿੱਚ, ‘ਐਕਵਾਜੇਨਿਕ ਛਪਾਕੀ’ ਇੱਕ ਬਹੁਤ ਹੀ ਦੁਰਲੱਭ ਸਥਿਤੀ ਹੈ। ਦੁਨੀਆ ਭਰ ਵਿੱਚ ਇਸ ਦੇ ਬਹੁਤ ਘੱਟ ਮਾਮਲੇ ਸਾਹਮਣੇ ਆਉਂਦੇ ਹਨ। ਇਸ ਬਿਮਾਰੀ ਤੋਂ ਪੀੜਤ ਵਿਅਕਤੀ ਜਦੋਂ ਪਾਣੀ ਦੇ ਸੰਪਰਕ ਵਿਚ ਆਉਂਦੇ ਹਨ ਤਾਂ ਉਸ ਦੀ ਚਮੜੀ ਵਿਚ ਸੋਜ, ਖਾਰਿਸ਼ ਅਤੇ ਜਲਨ ਸ਼ੁਰੂ ਹੋ ਜਾਂਦੀ ਹੈ ਅਤੇ ਇਹ ਲੱਛਣ ਪਾਣੀ ਦੇ ਸੰਪਰਕ ਵਿਚ ਆਉਣ ਤੋਂ ਕੁਝ ਮਿੰਟਾਂ ਬਾਅਦ ਹੀ ਦਿਖਾਈ ਦੇਣ ਲੱਗ ਪੈਂਦੇ ਹਨ।
ਐਬੀ ਨੇ ਦੱਸਿਆ ਕਿ ਜਦੋਂ ਲੋਕ ਮੈਨੂੰ ਪੁੱਛਦੇ ਹਨ ਕਿ ਤੁਸੀਂ ਕਿਵੇਂ ਨਹਾਉਂਦੇ ਹੋਏ। ਇਹ ਮੇਰੀ ਲਈ ਹਮੇਸ਼ਾ ਵੱਡਾ ਸਵਾਲ ਹੁੰਦਾ ਹੈ। ਮੈਂ ਲੋਕਾਂ ਨੂੰ ਦੱਸਦੀ ਹਾਂ ਕਿ ਮੈਂ ਹਰ ਕਿਸੇ ਦੀ ਤਰ੍ਹਾਂ ਦੀ ਨਹਾਉਂਦੀ ਹਾਂ ਤੇ ਅਜੇ ਵੀ ਹਰ ਹਫਤੇ ਸਾਧਾਰਨ ਤੌਰ ਤੋਂ ਇਸਨਾਨ ਕਰਦੀ ਹਾਂ ਪਰ ਮੈਂ ਇਸ ਨੂੰ ਘੱਟ ਰੱਖਣ ਦੀ ਕੋਸ਼ਿਸ਼ ਕਰਦਾ ਹਾਂ। ਮੈਂ ਸ਼ਾਵਰ ਵਿਚ ਘੱਟ ਤੋਂ ਘੱਟ ਸਮਾਂ ਬਿਤਾਉਂਦੀ ਹਾਂ ਤਾਂ ਕਿ ਚਕਤਿਆਂ ਦਾ ਨਿਕਲਣਾ ਓਨਾ ਬੁਰਾ ਨਾ ਸਾਬਤ ਹੋਵੇ।
ਇਹ ਵੀ ਪੜ੍ਹੋ : ਰਾਹ ਜਾਂਦੇ ਟਰੱਕ ਦੇ ਇੰਜਣ ‘ਚੋਂ ਲੀਕ ਹੋਇਆ ਡੀਜ਼ਲ, ਡਰਾਈਵਰ ਨੇ ਇੰਝ ਬਚਾਈ ਜਾ.ਨ
ਕੁਝ ਲੋਕ ਐਬੀ ਨੂੰ ਇਹ ਵੀ ਪੁੱਛਦੇ ਹਨ ਕਿ ਜੇਕਰ ਉਸ ਨੂੰ ਪਾਣੀ ਤੋਂ ਐਲਰਜੀ ਹੈ ਤਾਂ ਉਹ ਕੀ ਪਾਣੀ ਪੀਂਦੀ ਹੈ ਜਿਸ ਦੇ ਜਵਾਬ ਵਿਚ ਉਹ ਕਹਿੰਦੀ ਹੈ ਕਿ ਮੈਂ ਆਸਾਨੀ ਨਾਲ ਪਾਣੀ ਪੀ ਸਕਦੀ ਹਾਂ ਕਿਉਂਕਿ ਮੈਨੂੰ ਅੰਦਰੂਨੀ ਤੌਰ ਤੋਂ ਐਲਰਜੀ ਨਹੀਂ ਹੈ। ਉਹ ਦੱਸਦੀ ਹੈ ਕਿ ਉਸ ਨੂੰ ਪਾਣੀ ਤੋਂ ਐਲਰਜੀ ਸਿਰਫ ਬਾਹਰੀ ਤੌਰ ‘ਤੇ ਹੈ। ਉਸ ਦੀ ਚਮੜੀ ‘ਤੇ ਜੇਕਰ ਪਾਣੀ ਪੈ ਜਾਵੇ ਤਾਂ ਦਿੱਕਤ ਹੁੰਦੀ ਹੈ, ਸਰੀਰ ਦੇ ਅੰਦਰ ਪਾਣੀ ਚਲਾ ਜਾਵੇ ਤਾਂ ਦਿੱਕਤ ਨਹੀਂ ਹੁੰਦੀ।
ਵੀਡੀਓ ਲਈ ਕਲਿੱਕ ਕਰੋ -:
