ਵਾਰਾਣਸੀ ਦੇ ਸੁਰਾਹੀ ਪਿੰਡ ‘ਚ ਕਾਰ ਅਤੇ ਟਰੱਕ ਵਿਚਾਲੇ ਹੋਈ ਟੱਕਰ ‘ਚ 8 ਲੋਕਾਂ ਦੀ ਮੌਤ ਹੋ ਗਈ। ਸਾਰੇ ਮ੍ਰਿਤਕਾਂ ਦੀ ਪਛਾਣ ਪੀਲੀਭੀਤ ਨਿਵਾਸੀ ਵਜੋਂ ਹੋਈ ਹੈ। ਜਾਣਕਾਰੀ ਮੁਤਾਬਕ ਸਾਰੇ ਵਾਰਾਣਸੀ ਦਰਸ਼ਨ ਅਤੇ ਪੂਜਾ ਲਈ ਆਏ ਹੋਏ ਸਨ ਅਤੇ ਵਾਪਸ ਘਰ ਪਰਤ ਰਹੇ ਸਨ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਉੱਚ ਅਧਿਕਾਰੀ ਮੌਕੇ ‘ਤੇ ਪਹੁੰਚ ਗਏ। ਯੂਪੀ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਇਸ ਘਟਨਾ ‘ਤੇ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਨੇ ਜ਼ਿਲਾ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਨੂੰ ਜ਼ਖਮੀਆਂ ਦੇ ਸਹੀ ਇਲਾਜ ਦੇ ਨਿਰਦੇਸ਼ ਦਿੱਤੇ ਹਨ।
ਵਾਰਾਣਸੀ-ਲਖਨਊ ਹਾਈਵੇਅ ‘ਤੇ ਸੂਰਹੀ ਪਿੰਡ ‘ਚ ਇਕ ਤੇਜ਼ ਰਫਤਾਰ ਅਰਟਿਗਾ ਕਾਰ ਅੱਗੇ ਜਾ ਰਹੇ ਇਕ ਟਰੱਕ ਦੇ ਪਿੱਛੇ ਜਾ ਟਕਰਾਈ। ਕਾਰ ਵਿਚ ਸਵਾਰ ਲੋਕ ਕਾਸ਼ੀ ਵਿਸ਼ਵਨਾਥ ਦੇ ਦਰਸ਼ਨ ਕਰਕੇ ਵਾਪਸ ਪਰਤ ਰਹੇ ਸਨ। ਘਟਨਾ ਸਵੇਰੇ ਚਾਰ ਵਜੇ ਦੇ ਕਰੀਬ ਵਾਪਰੀ ਦੱਸੀ ਜਾ ਰਹੀ ਹੈ। ਸਾਰਿਆਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਇੱਕ ਅੱਠ ਸਾਲ ਦਾ ਬੱਚਾ ਬਚਿਆ ਹੈ ਜਿਸ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
Accident in Varanasi
ਸਾਰੇ ਮ੍ਰਿਤਕ ਪਿੰਡ ਮੁਜ਼ੱਫਰਨਗਰ ਡਾਕਖਾਨਾ ਦੁਧੀਖੁਰਦ ਥਾਣਾ ਪੂਰਨਪੁਰ ਜ਼ਿਲ੍ਹਾ ਪੀਲੀਭੀਤ ਦੇ ਵਸਨੀਕ ਹਨ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪਰਿਵਾਰਕ ਮੈਂਬਰਾਂ ‘ਚ ਹਫੜਾ-ਦਫੜੀ ਮਚ ਗਈ। ਮੌਕੇ ‘ਤੇ ਮੌਜੂਦ ਵਿਅਕਤੀ ਨੇ ਘਟਨਾ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ- ਅਸੀਂ ਸੌਂ ਰਹੇ ਸੀ ਅਚਾਨਕ ਸਵੇਰੇ ਚਾਰ ਵਜੇ ਦੇ ਕਰੀਬ ਜ਼ੋਰਦਾਰ ਆਵਾਜ਼ ਆਈ। ਜਦੋਂ ਜਾ ਕੇ ਦੇਖਿਆ ਤਾਂ ਇਕ ਕਾਰ ਨੁਕਸਾਨੀ ਗਈ ਸੀ ਅਤੇ ਉਸ ਵਿਚ ਸਵਾਰ ਚਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ।
ਇਹ ਵੀ ਪੜ੍ਹੋ : ਬ੍ਰਾਜ਼ੀਲ ‘ਚ ਕ੍ਰੈਸ਼ ਹੋਇਆ ਜਹਾਜ਼ : ਹਾਦਸੇ ‘ਚ ਪਾਇਲਟ ਤੇ ਕੋ-ਪਾਇਲਟ ਸਣੇ 14 ਲੋਕਾਂ ਦੀ ਹੋਈ ਮੌ.ਤ
ਮ੍ਰਿਤਕਾਂ ਵਿੱਚ ਮਾਧੋਟਾਂਡਾ ਇਲਾਕੇ ਦੇ ਪਿੰਡ ਰੁਦਰਪੁਰ ਵਾਸੀ ਵਿਪਨ ਯਾਦਵ (32) ਅਤੇ ਉਸ ਦੀ ਮਾਂ ਗੰਗਾ ਦੇਵੀ (48) ਸ਼ਾਮਲ ਹਨ। ਹੋਰ ਪਰਿਵਾਰ ਵੀ ਇਸੇ ਪਿੰਡ ਦੇ ਹਨ। ਮਹੇਂਦਰ ਪਾਲ (43) ਪਰਿਵਾਰ ਦੇ ਬਜ਼ੁਰਗ ਦੀਆਂ ਅਸਥੀਆਂ ਵਿਸਰਜਨ ਕਰਨ ਲਈ ਆਪਣੀ ਪਤਨੀ ਚੰਦਰਕਲੀ (40) ਅਤੇ ਪੂਰਨਪੁਰ ਖੇਤਰ ਦੇ ਮੁਜ਼ੱਫਰਨਗਰ ਪਿੰਡ ਦੇ ਰਹਿਣ ਵਾਲੇ ਭਰਾ ਦਾਮੋਦਰ ਪ੍ਰਸਾਦ (35) ਦਾਮੋਦਰ ਦੀ ਪਤਨੀ ਨਿਰਮਲਾ ਦੇਵੀ (32) ਅਤੇ ਪੰਜ ਸਾਲਾ ਪੁੱਤਰ ਸ਼ਾਂਤੀ ਸਵਰੂਪ ਨਾਲ ਗਿਆ ਸੀ।
ਇਸ ਤੋਂ ਇਲਾਵਾ ਰਜਿੰਦਰ ਪੁੱਤਰ ਰਾਮ ਭਜਨ (55) ਵਾਸੀ ਮਾਧੋਟਾੰਡਾ ਇਲਾਕੇ ਦੇ ਪਿੰਡ ਧਰਮਗੜ੍ਹਪੁਰ ਵੀ ਸ਼ਾਮਲ ਸੀ। ਪੂਰਨਪੁਰ ਇਲਾਕੇ ਦੇ ਪਿਪਰੀਆ ਦੁਲਈ ਦਾ ਰਹਿਣ ਵਾਲਾ ਅਮਨ (24) ਗੱਡੀ ਚਲਾ ਰਿਹਾ ਸੀ। ਹਾਦਸੇ ਵਿੱਚ ਪੰਜ ਸਾਲਾ ਬੱਚੇ ਸ਼ਾਂਤੀ ਸਵਰੂਪ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਬਾਕੀ ਸਾਰਿਆਂ ਦੀ ਇਸ ਦਰਦਨਾਕ ਹਾਦਸੇ ‘ਚ ਮੌਤ ਹੋ ਚੁਕੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
