ਬਹੁਤ ਘੱਟ ਲੋਕ ਕੁਝ ਨਵਾਂ ਕਰਨ ਦੀ ਹਿੰਮਤ ਕਰਦੇ ਹਨ। ਮੋਹਾਲੀ ਦੀ ਅਨੁਰੀਤ ਪਾਲ ਕੌਰ ਉਨ੍ਹਾਂ ਕੁਝ ਸ਼ਖਸੀਅਤਾਂ ਵਿੱਚੋਂ ਇੱਕ ਹੈ ਜਿਨ੍ਹਾਂ ਨੇ ਹਾਲ ਹੀ ਵਿੱਚ ਇੰਡੀਆ ਬੁੱਕ ਆਫ਼ ਰਿਕਾਰਡਸ ਵਿੱਚ ਨਾਮ ਦਰਜ ਕਰਵਾਇਆ ਹੈ।
ਆਪਣੇ ਸਾਹਾਂ ਨੂੰ ਸਾਧਕੇ ਅਲਗੋਜ਼ਾ ਵਜਾਉਣਾ ਸਿੱਖ ਕੇ ਇਸ ਮੁਕਾਮ ਨੂੰ ਹਾਸਲ ਕਰਨ ਵਾਲੀ ਅਨੁਰੀਤ ਕੌਰ ਦਾ ਨਾਂ ਹੁਣ ਅਜ਼ਾਦੀ ਦਿਹਾੜੇ ਦੇ ਸਮਰਾਹੋ ਵਿੱਚ ਸਨਮਾਨਤ ਕੀਤੇ ਜਾਣ ਲਈ ਵੀ ਸੂਚੀ ਵਿੱਚ ਆ ਗਿਆ ਹੈ।
24 ਸਾਲਾ ਅਨੁਰੀਤ ਦੇ ਪਿਤਾ ਨਰਿੰਦਰਪਾਲ ਸਿੰਘ ਨੀਨਾ ਪੰਜਾਬੀ ਅਤੇ ਹਿੰਦੀ ਫਿਲਮਾਂ ਦੇ ਕਲਾਕਾਰ ਹਨ। ਅਨੁਰੀਤ ਹਾਲ ਹੀ ਵਿੱਚ ਆਈਸੀਸੀਆਰ ਤੋਂ ਗਰੁੱਪ ਵੱਲੋਂ ਮਿਸਰ ਗਈ ਸੀ। ਉੱਥੇ ਮੁੰਡਿਆਂ ਦੇ ਭੰਗੜਾ ਗਰੁੱਪ ਵਿੱਚ ਮੁੰਡੇ ਘੱਟ ਗਏ, ਇਸ ਲਈ ਅਨੁਰੀਤ ਨੇ ਉਨ੍ਹਾਂ ਨਾਲ ਭੰਗੜਾ ਪਾਇਆ। ਅਨੁਰੀਤ ਘੋੜਸਵਾਰੀ ਅਤੇ ਗੱਤਕਾ ਖੇਡਣ ਵਿੱਚ ਵੀ ਦਿਲਚਸਪੀ ਰੱਖਦੀ ਹੈ। ਅਨੁਰੀਤ ਨੇ ਕਈ ਵਾਰ ਦੇਸ਼ ਅਤੇ ਵਿਦੇਸ਼ਾਂ ਵਿੱਚ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ ਹੈ।
ਲੋਕ ਸਾਜ਼ਾਂ ਵਿੱਚ ਮੁਹਾਰਤ ਹਾਸਲ ਕਰਕੇ, ਉਸਨੇ ਦੁਨੀਆ ਦੀ ਪਹਿਲੀ ਲੜਕੀ ਦਾ ਖਿਤਾਬ ਜਿੱਤਿਆ ਹੈ, ਜੋ ਦੋ ਅਲਗੋਜ਼ੇ ਇੱਕੱਠੇ ਅਤੇ ਉਹ ਵੀ 10 ਮਿੰਟ ਤੱਕ ਬਿਨਾਂ ਰੁਕੇ ਵਜਾ ਸਕਦੀ ਹੈ। ਦਰਅਸਲ ਇਹ ਕੰਮ ਇੰਨਾ ਸੌਖਾ ਵੀ ਨਹੀਂ ਹੈ। ਇਸਦੇ ਲਈ ਸਾਹ ਨੂੰ ਪੂਰੀ ਤਰ੍ਹਾਂ ਸਾਧਣਾ ਪੈਂਦਾ ਹੈ। ਹੁਣ ਇਸ ਨਵੀਂ ਪ੍ਰਾਪਤੀ ਦੇ ਨਾਲ ਉਸਦਾ ਨਾਮ ਇੰਡੀਆ ਬੁੱਕ ਆਫ ਰਿਕਾਰਡਸ ਵਿੱਚ ਦਰਜ ਹੋ ਗਿਆ ਹੈ। ਹਾਲ ਹੀ ਵਿੱਚ ਸੋਮਵਾਰ ਨੂੰ ਟੀਮ ਵੱਲੋਂ ਇੱਕ ਸਰਟੀਫਿਕੇਟ, ਮੈਡਲ, ਆਈਡੀ ਕਾਰਡ, ਪੈਨ ਅਤੇ ਬੈਜ ਭੇਜੇ ਗਏ ਹਨ। ਇਸ ਨਾਲ ਉਸ ਦਾ ਨਾਂ ਸੁਤੰਤਰਤਾ ਦਿਵਸ ਸਮਾਰੋਹ ਵਿੱਚ ਸਨਮਾਨਤ ਹੋਣ ਵਾਲੀ ਮੋਹਾਲੀ ਜ਼ਿਲ੍ਹੇ ਦੀਆਂ ਸ਼ਖਸੀਅਤਾਂ ਵਿੱਚ ਸ਼ਾਮਲ ਹੋ ਗਿਆ ਹੈ।
ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : 15 ਅਗਸਤ ਤੋਂ ਪਹਿਲਾਂ ਦਹਿਸ਼ਤ ਫੈਲਾਉਣ ਦੀਆਂ ਕੋਸ਼ਿਸ਼ਾਂ- ਖਾਲਸਾ ਕਾਲਜ ਦੇ ਬਾਹਰ ਲਿਖੇ ਖਾਲਿਸਤਾਨੀ ਨਾਅਰੇ
ਅਨੁਰੀਤ ਪਾਲ ਕੌਰ ਦਾ ਕਹਿਣਾ ਹੈ ਕਿ ਉਸਨੇ 4 ਸਾਲ ਪਹਿਲਾਂ ਅਲਗੋਜ਼ਾ ਵਜਾਉਣਾ ਸ਼ੁਰੂ ਕੀਤਾ ਸੀ। ਅੰਤਰਰਾਸ਼ਟਰੀ ਅਲਗੋਜ਼ਾ ਖਿਡਾਰੀ ਕਰਮਜੀਤ ਸਿੰਘ ਬੱਗਾ ਤੋਂ ਇਸ ਦੀਆਂ ਬਾਰੀਕੀਆਂ ਸਿੱਖੀਆਂ। ਸਖਤ ਮਿਹਨਤ ਦਾ ਫਲ ਮਿਲਿਆ ਅਤੇ ਹੁਣ ਇੰਡੀਆ ਬੁੱਕ ਆਫ਼ ਰਿਕਾਰਡਜ਼ ਵਿੱਚ ਨਾਮ ਦਰਜ ਹੋਣ ‘ਤੇ ਖੁਸ਼ੀ ਜ਼ਾਹਰ ਕਰਦਿਆਂ ਉਸ ਨੇ ਕਿਹਾ ਕਿ ਅੱਗੇ ਤੋਂ ਵੀ ਸਖਤ ਮਿਹਨਤ ਜਾਰੀ ਰੱਖੇਗੀ। ਉਹ ਅਜੇ ਵੀ ਰੋਜ਼ਾਨਾ ਅਭਿਆਸ ਕਰਦੀ ਹੈ। ਦੂਜੇ ਪਾਸੇ ਪਿਤਾ ਨਰਿੰਦਰਪਾਲ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪਣੀ ਧੀ ‘ਤੇ ਮਾਣ ਹੈ।
