Babbu maan upcoming song : ਪੰਜਾਬੀ ਬੇਬਾਕ ਗਾਇਕ ਬੱਬੂ ਮਾਨ ਜੋ ਕਿ ਅਕਸਰ ਆਪਣੇ ਵੱਖਰੇ ਅੰਦਾਜ਼ ਲਈ ਜਾਣੇ ਜਾਂਦੇ ਹਨ। ਦੱਸਣਯੋਗ ਹੈ ਕਿ ਜਲਦ ਹੀ ਮੁਹੰਮਦ ਸਦੀਕ ਨਾਲ ਨਵਾਂ ਗੀਤ ‘ਇਸ਼ਕਪੂਰਾ‘ ਲੈ ਕੇ ਦਰਸ਼ਕਾਂ ਦੇ ਰੂਬਰੂ ਹੋਣਗੇ। ਇਹ ਗੀਤ ਬੱਬੂ ਮਾਨ ਤੇ ਮੁਹੰਮਦ ਸਦੀਕ ਸਾਬ ਵਲੋਂ ਗਾਇਆ ਗਿਆ ਹੈ। ਬੱਬੂ ਮਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਜਿਸ ਦੇ ਵਿੱਚ ਉਹਨਾਂ ਨੇ ਪੋਸਟਰ ਸਾਂਝਾ ਕਰਦੇ ਹੋਏ ਲਿਖਿਆ ਹੈ ਕਿ – ਸਤਿ ਸ਼੍ਰੀ ਅਕਾਲ ਜੀ … ਇਹ ਗੀਤ ਜਿੰਨੇ ਵੀ ਮੇਰੇ ਵੱਡੇ ਸੀਨੀਅਰ ਕਲਾਕਾਰ , ਜਿਹਨਾਂ ਨੂੰ ਮਈ ਬਚਪਨ ਤੋਂ ਸੁਣਦਾ ਆਇਆ ਹਾਂ ਉਹਨਾਂ ਨੂੰ ਸਮਰਪਿਤ ਹੈ।
ਇਹ ਗੀਤ ਸਮਰਪਿਤ ਹੈ ਕਿਸਾਨੀ ਅੰਦੋਲਨ ਨੂੰ। ਇਹ ਗੀਤ ਮੁਹੰਮਦ ਸਦੀਕ ਸਾਬ , ਜਿਹੜੇ ਸਭ ਤੋਂ ਪਹਿਲਾ ਸਿਰਫ ਤੇ ਸਿਰਫ ਕਲਾਕਾਰ ਹਨ। ਉਹਨਾਂ ਲਈ ਹੈ। ਮੁਹੰਮਦ ਸਦੀਕ ਸਿਆਸਤਦਾਨ ਲਈ ਨਹੀਂ। ਅਸੀਂ ਕਿਸਾਨ ਹਿਤੇਸ਼ੀ ਹਾਂ ਤੇ ਕਿਸਾਨਾਂ ਦੇ ਪੱਖ ਵਿੱਚ ਹਾਂ। ਕਿਸਾਨਾਂ ਦੇ ਨਾਲ ਅਸੀਂ ਡੱਟ ਕੇ ਖੜੇ ਹਾਂ। ਤੇ ਹਰ ਸਿਆਸੀ ਜਮਾਤ ਦਾ ਓਦੋ ਤੱਕ ਵਿਰੋਧ ਕਰਾਂਗੇ ਜਦੋ ਤੱਕ ਇਹ ਕਾਲੇ ਕਾਨੂੰਨ ਰੱਧ ਨਹੀਂ ਹੁੰਦੇ। ਇਹ ਗੀਤ ਸਿਰਫ ਤੇ ਸਿਰਫ ਮਨੋਰੰਜਨ ਲਈ ਹੀ ਵਰਤਿਆ ਜਾ ਸਕਦਾ ਹੈ। ਇਸ ਗੀਤ ਨੂੰ ਕਿਸੇ ਵੀ ਸਿਆਸੀ ਮੰਤਵ ਲਈ ਸਦੀਕ ਸਾਬ ਨਹੀਂ ਵਰਤ ਸਕਦੇ। ਧੰਨਵਾਦ।
ਦੱਸਣਯੋਗ ਹੈ ਕਿ ਬੱਬੂ ਮਾਨ ਪਹਿਲੇ ਦਿਨ ਤੋਂ ਹੀ ਚੱਲ ਰਹੇ ਕਿਸਾਨੀ ਅੰਦੋਲਨ ਦਾ ਪੂਰੀ ਤਰਾਂ ਸਮਰਥਨ ਕਰਦੇ ਹਨ ਤੇ ਦਿੱਲੀ ਧਰਨੇ ਤੇ ਵੀ ਬਹੁਤ ਵਾਰ ਜਾ ਕੇ ਤੇ ਆਪਣੇ ਗੀਤ ਰਹੀ ਉਹਨਾਂ ਨੇ ਕਿਸਾਨਾਂ ਦਾ ਹੋਂਸਲਾ ਕਾਫੀ ਅਫਜਾਈ ਕੀਤਾ ਹੈ।
