ਸੋਸ਼ਲ ਮੀਡੀਆ ਅੱਜ ਦੇ ਬੱਚਿਆਂ ਦੇ ਮਨਾਂ ਅਤੇ ਦਿਲਾਂ ‘ਤੇ ਇੰਨਾ ਭਾਰੂ ਹੋ ਗਿਆ ਹੈ ਕਿ ਉਹ ਕਿਸੇ ਵੀ ਹੱਦ ਤੱਕ ਜਾਣ ਲਈ ਤਿਆਰ ਹਨ। ਅਜਿਹੇ ਹੀ ਇੱਕ ਮਾਮਲੇ ਵਿੱਚ ਪੰਜਾਬ ਦੇ ਇੱਕ 13 ਸਾਲ ਦੇ ਬੱਚੇ ਵੀਰੇਸ਼ ਨੇ ਆਪਣੇ ਮਨਪਸੰਦ YouTuber ਨਿਸ਼ਚੇ ਮਲਹਾਨ ਨੂੰ ਮਿਲਣ ਲਈ ਆਪਣੀ ਕਲਾਸ ਬੰਕ ਕੀਤੀ ਅਤੇ ਲਗਭਗ 300 ਕਿਲੋਮੀਟਰ ਦੀ ਦੂਰੀ ਤੈਅ ਕਰਦੇ ਹੋਏ ਸਾਈਕਲ ‘ਤੇ ਦਿੱਲੀ ਪਹੁੰਚਿਆ।
ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਦੀਪਕ ਪਾਰਿਕ ਨੇ ਦੱਸਿਆ ਕਿ ਇਹ ਮਾਮਲਾ ਪਟਿਆਲਾ ਦਾ ਹੈ ਅਤੇ ਇੱਥੋਂ ਦੇ ਮੌਰੀਆ ਐਨਕਲੇਵ ਥਾਣੇ ਦੇ ਅਧਿਕਾਰੀਆਂ ਨੂੰ ਮੁੰਡੇ ਬਾਰੇ ਜਾਣਕਾਰੀ ਮਿਲੀ ਸੀ ਅਤੇ ਇਹ ਵੀ ਕਿ ਯੂਟਿਊਬਰ ਪੀਤਮਪੁਰਾ ਵਿੱਚ ਰਹਿੰਦਾ ਹੈ। ਬੱਚਾ 4 ਅਕਤੂਬਰ ਨੂੰ ਪਟਿਆਲਾ ਤੋਂ ਗਿਆ ਸੀ। ਉਹ ਸਕੂਲ ਜਾਣ ਵੇਲੇ ਘਰੋਂ ਨਿਕਲਿਆ। ਜਦੋਂ ਸਕੂਲ ਤੋਂ ਬਾਅਦ ਵੀ ਉਹ ਘਰ ਨਹੀਂ ਪਰਤਿਆ ਤਾਂ ਪਰਿਵਾਰ ਨੇ ਇਸ ਦੀ ਸੂਚਨਾ ਪੁਲਿਸ ਥਾਣੇ ਵਿੱਚ ਦਿੱਤੀ।
ਤਫਤੀਸ਼ ਕਰਦਿਆਂ ਤੇ ਬੱਚੇ ਦੇ ਘਰ ਦੇ ਸਾਰੇ ਫੋਨ ਨੂੰਬਰ ਖੰਗਾਲਦਿਆਂ ਸਾਈਬਰ ਸੈੱਲ ਤੋਂ ਪਤਾ ਲੱਗਾ ਕਿ ਬੱਚਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦਾ ਸੀ ਅਤੇ ਉਹ ਯੂਟਿਊਬਰ ਨੂੰ ਮਿਲਣਾ ਚਾਹੁੰਦਾ ਸੀ। ਇਸੇ ਜਨੂੰਨ ਵਿੱਚ ਉਹ ਸਾਈਕਲ ‘ਤੇ ਦਿੱਲੀ ਨਿਕਲ ਗਿਆ। ਪੁਲਿਸ ਨੇ ਇਲਾਕੇ ਦੀਆਂ ਸਾਰੀਆਂ ਰੈਜ਼ੀਡੈਂਟ ਵੈਲਫੇਅਰ ਐਸੋਸੀਏਸ਼ਨਾਂ ਦੇ ਵ੍ਹਾਟਸਐਪ ਗਰੁੱਪਾਂ ‘ਤੇ ਬੱਚੇ ਬਾਰੇ ਜਾਣਕਾਰੀ ਸ਼ੇਅਰ ਕੀਤੀ। ਅਧਿਕਾਰੀ ਨੇ ਦੱਸਿਆ ਕਿ ਅਖੀਰ ਸਾਨੂੰ ਇੱਕ ਸੀਸੀਟੀਵੀ ਫੁਟੇਜ ਦੀ ਮਦਦ ਨਾਲ ਬੱਚਾ ਮਲਹਾਨ ਦੇ ਘਰ ਦੇ ਨੇੜੇ ਇੱਕ ਪਾਰਕ ਵਿੱਚ ਦਿਸਿਆ।
ਇਹ ਵੀ ਪੜ੍ਹੋ : ਦਰਦਨਾਕ ਹਾਦਸਾ, ਬੱਸ ਨੂੰ ਅੱਗ ਲੱਗਣ ਨਾਲ 12 ਸਵਾਰੀਆਂ ਜਿਊਂਦੀਆਂ ਸੜੀਆਂ, 38 ਜ਼ਖਮੀ
ਪੁਲਿਸ ਦੀ ਇੱਕ ਟੀਮ ਨੇ ਉਸਦਾ ਪਿੱਛਾ ਕੀਤਾ ਅਤੇ ਬੱਚੇ ਨੂੰ ਪੀਤਮਪੁਰਾ ਦੇ ਜ਼ਿਲ੍ਹਾ ਪਾਰਕ ਵਿੱਚ ਲੱਭ ਲਿਆ। ਸ਼ੁੱਕਰਵਾਰ ਸ਼ਾਮ ਕਰੀਬ 5 ਵਜੇ ਉਸ ਨੂੰ ਆਪਣੇ ਪਰਿਵਾਰ ਨੂੰ ਸੌਂਪਿਆ ਪੁਲਿਸ ਨੇ ਦੱਸਿਆ ਕਿ ਘਟਨਾ ਦੇ ਨੇਵੇ ਮਲਹਾਨ ਇਕ ਪਰਿਵਾਰਕ ਸਮਾਰੋਹ ‘ਚ ਸ਼ਾਮਲ ਹੋਣ ਲਈ ਦੁਬਈ ‘ਚ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
