ਪੰਜਾਬ ‘ਚ ਕੋਰੋਨਾ ਪੀੜਤਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਸਿਹਤ ਵਿਭਾਗ ਨੇ 4600 ਲੋਕਾਂ ਦੇ ਸੈਂਪਲ ਲਏ ਹਨ। ਇਨ੍ਹਾਂ ਵਿੱਚੋਂ 3748 ਸੈਂਪਲਾਂ ਦੀ ਜਾਂਚ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 271 ਦੇ ਨਤੀਜੇ ਪਾਜ਼ੇਟਿਵ ਆਏ ਹਨ। 271 ਨਵੇਂ ਮਾਮਲਿਆਂ ਦੇ ਨਾਲ, ਰਾਜ ਵਿੱਚ ਕੋਰੋਨਾ ਤੋਂ ਸਰਗਰਮ ਮਾਮਲਿਆਂ ਦੀ ਗਿਣਤੀ 1546 ਤੱਕ ਪਹੁੰਚ ਗਈ ਹੈ। ਸਿਹਤ ਵਿਭਾਗ ਮੁਤਾਬਕ ਸੂਬੇ ‘ਚ 29 ਕੋਰੋਨਾ ਪੀੜਤ ਲਾਈਫ ਸਪੋਰਟ ਸਿਸਟਮ ‘ਤੇ ਹਨ।
ਲੈਵਲ-2 ਦੇ 20 ਕੋਰੋਨਾ ਮਰੀਜ਼ ਆਕਸੀਜਨ ਸਪੋਰਟ ‘ਤੇ ਹਨ ਜਦਕਿ ਲੈਵਲ-3 ਦੇ 9 ਕੋਰੋਨਾ ਮਰੀਜ਼ ਵੈਂਟੀਲੇਟਰ ‘ਤੇ ਹਨ। ਇਨ੍ਹਾਂ ਵਿੱਚੋਂ ਤਿੰਨ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਉਹ ਜਲੰਧਰ ਦੇ ਵੱਖ-ਵੱਖ ਨਿੱਜੀ ਹਸਪਤਾਲਾਂ ਵਿੱਚ ਦਾਖਲ ਹਨ। ਲੁਧਿਆਣਾ ਅਤੇ ਪਟਿਆਲਾ ‘ਚ ਵੀ ਕੋਰੋਨਾ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਮੁਹਾਲੀ ਵਿੱਚ 338 ਸੈਂਪਲ ਜਾਂਚ ਲਈ ਭੇਜੇ ਗਏ ਸਨ, ਜਿਨ੍ਹਾਂ ਵਿੱਚੋਂ 69 ਦੇ ਨਤੀਜੇ ਪਾਜ਼ੇਟਿਵ ਆਏ ਹਨ।
ਲੁਧਿਆਣਾ ਵਿੱਚ 998 ਸੈਂਪਲ ਜਾਂਚ ਲਈ ਭੇਜੇ ਗਏ ਹਨ। ਇਨ੍ਹਾਂ ਵਿੱਚੋਂ 43 ਵਿਅਕਤੀਆਂ ਦੇ ਨਮੂਨੇ ਪਾਜ਼ੇਟਿਵ ਆਏ ਹਨ ਜਦਕਿ ਪਟਿਆਲਾ ਵਿੱਚ 210 ਸੈਂਪਲਾਂ ਵਿੱਚੋਂ 43 ਦੇ ਨਤੀਜੇ ਪਾਜ਼ੇਟਿਵ ਆਏ ਹਨ। ਜਲੰਧਰ ‘ਚ ਤੇਜ਼ੀ ਨਾਲ ਵਧਣ ਤੋਂ ਬਾਅਦ ਹੁਣ ਕੋਰੋਨਾ ਦਾ ਅੰਕੜਾ ਹੇਠਾਂ ਆਇਆ ਹੈ। ਜਲੰਧਰ ‘ਚ 250 ਸੈਂਪਲ ਜਾਂਚ ਲਈ ਭੇਜੇ ਗਏ ਸਨ, ਜਿਨ੍ਹਾਂ ‘ਚੋਂ 8 ਦਾ ਨਤੀਜਾ ਪਾਜ਼ੀਟਿਵ ਆਇਆ ਹੈ।
ਇਹ ਵੀ ਪੜ੍ਹੋ : ਰੇਲਵੇ ਦੀ ਚਿਤਾਵਨੀ, ਆਨਲਾਈਨ ਟਿਕਟ ਬੁਕ ਕਰਨ ਵੇਲੇ ਨਾ ਕਰੋ ਇਹ ਗਲਤੀ, ਬੈਂਕ ਖਾਤਾ ਹੋ ਜਾਵੇਗਾ ਖਾਲੀ!
ਪਿਛਲੇ 24 ਘੰਟਿਆਂ ਦੌਰਾਨ ਪੰਜਾਬ ਦੇ ਪੰਜ ਜ਼ਿਲ੍ਹਿਆਂ ਤੋਂ ਵੀ ਰਾਹਤ ਦੀ ਖ਼ਬਰ ਹੈ। ਇੱਥੇ ਇੱਕ ਵੀ ਕੋਰੋਨਾ ਪੀੜਤ ਨਹੀਂ ਮਿਲਿਆ ਹੈ। ਮਾਨਸਾ ਤੋਂ 26, ਮੁਕਤਸਰ ਤੋਂ 51, ਰੋਪੜ ਤੋਂ 58, ਸੰਗਰੂਰ ਤੋਂ 36, ਤਰਨਤਾਰਨ ਤੋਂ 38 ਸੈਂਪਲ ਜਾਂਚ ਲਈ ਭੇਜੇ ਗਏ ਹਨ। ਇਨ੍ਹਾਂ ਸਾਰਿਆਂ ਦੇ ਨਤੀਜੇ ਨੈਗੇਟਿਵ ਆਏ ਹਨ। ਜਦੋਂਕਿ ਮਾਲੇਰਕੋਟਲਾ ਵਿੱਚ 64 ਵਿੱਚੋਂ ਸਿਰਫ਼ ਇੱਕ ਸੈਂਪਲ ਪਾਜ਼ੇਟਿਵ ਪਾਇਆ ਗਿਆ ਹੈ।
ਅੰਮ੍ਰਿਤਸਰ ਵਿੱਚ 614 ਵਿੱਚੋਂ 23, ਫਾਜ਼ਿਲਕਾ ਵਿੱਚ 144 ਵਿੱਚੋਂ 18, ਬਰਨਾਲਾ ਵਿੱਚ 95 ਵਿੱਚੋਂ 7, ਬਠਿੰਡਾ ਵਿੱਚ 80 ਵਿੱਚੋਂ 17, ਹੁਸ਼ਿਆਰਪੁਰ ਵਿੱਚ 201 ਵਿੱਚੋਂ 14, ਕਪੂਰਥਲਾ ਵਿੱਚ 14 ਵਿੱਚੋਂ 2, ਪਠਾਨਕੋਟ ਵਿੱਚ 97 ਵਿੱਚੋਂ 9, ਨਵਾਂਸ਼ਹਿਰ ’ਚੋਂ 9, ਫਰੀਦਕੋਟ ’ਚੋਂ 136 ’ਚੋਂ 15 ਵਿੱਚੋਂ 2, ਫਤਿਹਗੜ੍ਹ ਸਾਹਿਬ ਦੇ 34 ਵਿੱਚੋਂ 2, ਗੁਰਦਾਸਪੁਰ ਦੇ 150 ਵਿੱਚੋਂ 8, ਮੋਗਾ ਦੇ 93 ਵਿੱਚੋਂ 8 ਅਤੇ ਮਲੇਰਕੋਟਲਾ ਦੇ 64 ਵਿੱਚੋਂ 1 ਨਮੂਨੇ ਪਾਜ਼ੇਟਿਵ ਪਾਏ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
